ଭଦ୍ରକ, ୨୦ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ରହଣିଆ ଗ୍ରାମର ଯୁବ କ୍ରୀଡ଼ାବିତ ସୁରେନ୍ଦ୍ର କୁମାର ଦାସ ମର୍ଶଲ ମାନିଆ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ହାସଲ କରିଛନ୍ତି। ଆନ୍ତର୍ଜାତିୟ ଫିଟନେସ ଫେଡରସନ ପକ୍ଷରୁ ରାଉରକେଲା ଠାରେ ଅନୁଷ୍ଠିତ ହୋଇଥିବା ପ୍ରତିଯୋଗିତାରେ ଅଂଶଗ୍ରହଣ କରି ସୁରେନ୍ଦ୍ର ଏହି ସଫଳତା ହାସଲ କରିଛନ୍ତି। ଉକ୍ତ ସୁନ୍ଦର ସ୍ୱାସ୍ଥ୍ୟ ପ୍ରଦର୍ଶନୀ ପ୍ରତିଯୋଗିତାରେ ୧୩ଜଣ ପ୍ରତିଯୋଗୀ ଭାଗ ନେଇଥିବା ବେଳେ ସେମାନଙ୍କ ମଧ୍ୟରୁ ଯୁବ କ୍ରୀଡ଼ାବିତ ସୁରେନ୍ଦ୍ର ପ୍ରଥମ ସ୍ଥାନ ଅଧିକାର କରିଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ, ଦୀର୍ଘ ୪୍ୱର୍ଷ ହେବ ସେ ଏହି ପ୍ରତିଯୋଗିତାରେ ଭାଗ ନେଇ ମୋଟ ୨୦ଟି ପଦକ ହାସଲ କରିଛନ୍ତି। ସେଥି ମଧ୍ୟରେ ୧୩ ଟି ସ୍ୱର୍ଣ୍ଣ,୫ଟି ରୌପ୍ୟ ଓ ୨ଟି ବ୍ରୋଞ୍ଜ ପଦକ ରହିଛି। ସୁରେନ୍ଦ୍ର ପୁରୀ, ବଲାଙ୍ଗିର, ନୂଆପଡ଼ା, ରାୟଗଡ଼ା, ଝାରସୁଗୁଡ଼ା, ସମ୍ବଲପୁର ସମେତ କଲିକତା ଓ ହରିୟାଣାରେ ଆୟୋଜିତ ହୋଇଥିବା ସୁନ୍ଦର ସ୍ୱାସ୍ଥ୍ୟ ପ୍ରଦର୍ଶନୀ ପ୍ରତିଯୋଗିତାରେ ଭାଗ ନେଇ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ଏପର୍ଯ୍ୟନ୍ତ ନିଜସ୍ୱ ପ୍ରଚେଷ୍ଟାରେ ସେ ଆଗକୁ ଯାଇଥିବା ବେଳେ ସରକାରୀ ପ୍ରୋତ୍ସାହନ ମିଳିଲେ ସୁରେନ୍ଦ୍ର ଆନ୍ତର୍ଜାତୀୟ ସ୍ତରରେ ଭାଗନେବାକୁ ଲକ୍ଷ୍ୟ ରଖିଥିବା କହିଛନ୍ତି।
