ଭଦ୍ରକ, ୧ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ତିହିଡ଼ି ଥାନା କୋହ୍ଲ ବଜାର ସ୍ଥିତ ପଂଚାୟତ କାର୍ଯ୍ୟାଳୟ ପରିସରରେ ଥିବା ମଙ୍ଗଳପୁର ସେବା ସମବାୟ ସମିତି ଏବଂ ଆମ ବ୍ୟାଙ୍କରୁ ସୋମବାର ରାତିରେ ଚୋରି ହୋଇଥିବା ଅଭିଯୋଗ ହୋଇଛି। ପୁଲିସ ଏ ସମ୍ପର୍କରେ ପୁଲି ୫୭୨/୨୪ରେ ଏକ ମକଦ୍ଦମା ରୁଜୁ କରି ତଦନ୍ତ ଚାଳଇଛନ୍ତି। ଭଦ୍ରକରୁ ସନ୍ଧାନୀ କୁକୁର ଓ ସାଇଂଟିଫିକ୍ ଟିମ୍ ଘଟଣା ସ୍ଥଳରେ ପହଂଚି ତଦନ୍ତ କରି ଫେରିଛନ୍ତି। ସମବାୟ ସମିତିର ସମ୍ପାଦକ ଶଙ୍କର୍ଷଣ ଜେନା ଓ ଆମ ବ୍ୟାଙ୍କ ପରିଚାଳକ ପ୍ରଶାନ୍ତ ସେଠୀଙ୍କ ଅଭିଯୋଗରୁ ପ୍ରକାଶ ଯେ, ସୋମବାର ରାତିରେ ଦୁର୍ବୁତ ମାନେ ସୋମବାର ରାତିରେ ସମବାୟ ସମିତି ଗ୍ରୀଲ ଓ କବାଟ ଭାଙ୍ଗି ସମିତି କାର୍ଯ୍ୟାଳୟ ଓ ଆମ ବ୍ୟାଙ୍କ କାର୍ଯ୍ୟାଳୟ ଭିତରକୁ ପଶି ଏଲଇଡି ଟିଭି, ଟଙ୍କା, ଲାପଟପ, ଇନଭର୍ଟର, ସିସିକ୍ୟାମେରା ହାର୍ଟଡିସ୍କ ଇତ୍ୟାଦି ଚୋରି କରି ନେଇଛନ୍ତି। ଖବର ପାଇ ତିହିଡ଼ି ଥାନା ଏସଆଇ ଅରୁନ୍ଧତୀ ବେହେରା ଓ ପ୍ରବୀଣ ଗିରି, ଏଏସଆଇ ପାର୍ଥ ବେହେରା, କମଳାକାନ୍ତ ଶତପଥି ପ୍ରମୁଖ ଘଟଣାସ୍ଥଳକୁ ଯାଇ ତଦନ୍ତ କରିଥିଲେ।
