କୋରାପୁଟ : ୩/୭ (ଓଡ଼ିଆ ପୁଅ/ଅଭିନାଶ ଜାନାମ) କୋରାପୁଟ ଜିଲ୍ଲାର ପାଡୁଆଥାନା ନିକଟସ୍ଥ ଡାକ ବଙ୍ଗଳାଠାରୁ ମାତ୍ର ୧୦୦ ମିଟର ଦୁରରେ ଥିବା ୟୁ ଟର୍ଣ୍ଣ ଠାରେ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ପଲସର ବାଇକ ଭାରସାମ୍ୟ ହରାଇ ଦୁର୍ଘଟଣାର ଶିକାର ହେବା ଫଳରେ ଘଟଣା ସ୍ଥଳରେ ୪ଜଣ ବାଳକଙ୍କ ମୃତ୍ୟୁ ହୋଇଛି।
ସୂଚନା ଅନୁଯାୟୀ ଜୟପୁର ଓଆରକୁ ସଂଯୋଗ କରୁଥିବା ରାସ୍ତାରେ ଆଜି ଭୋର ସମୟରେ ଯାତାୟାତ କରୁଥିବା ଲୋକମାନେ ଦୁର୍ଘଟଣାରେ ପ୍ରାଣ ହରାଇଥିବା ୪ଜଣଙ୍କ ଶବ ଓ କଳା ରଙ୍ଗର ପଲସର ବାଇକ ଘଟଣା ସ୍ଥଳରେ ପଡିରହିଥିବା ଦେଖି ନିକଟସ୍ଥ ପାଡୁଆଥାନା ପୋଲିସକୁ ଖବର ଦେବାରୁ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପାଡୁଆ ଗୋଷ୍ଟି କେନ୍ଦ୍ରରେ ନେଇଥିବା ଜଣାପଡିଛି।
ଦୁର୍ଘଟଣାରେ ପ୍ରାଣ ହରାଇଥିବା ନା ବାଳକ ମାନେ ହେଲେ ପାଡୁଆ ଗ୍ରାମର ଗୋପାଳ ମହାନ୍ତିଙ୍କ ପୁଅ ପଙ୍କଜ ମହାନ୍ତି, ନରସିଂହ ଖରାଙ୍କ ପୁଅ ପ୍ରଶାନ୍ତ ଖରା, ଶଶୀ ଖିଲ ପିତା ମହେଶ ଓ କୃଷ୍ଣ ହାନ୍ତାଳ ପିତା ସୋନୁ।
ଏମାନଙ୍କର ବୟସ ୧୨ ରୁ ୧୫ ଭିତରେ ବୋଲି ଜଣାପଡିଛି। ଏହା ଦେଖିଲା ପରେ ପାଡୁଆ ଅଞ୍ଚଳରେ ଶୋକର ଛାୟା ଖେଳିଯାଇଛି। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରି ଅପମୃତ୍ୟୁ ମାମଲା ରୁଜୁ କରାଯାଇଛି। ଏନେଇ ପାଡୁଆ ପୋଲିସ ସୂଚନା ଦେଇଛି।
