ଭଦ୍ରକ, ୯ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲାଗି ଭଦ୍ରକ ପୌରାଚଂଳରେ ଜୟ ଜଗନ୍ନାଥ ଅର୍ପଣ ରଥର ଗଡିଛି । ଆଜି ସହରାଚଂଳର ଚରମ୍ପା ୧ନମ୍ବର ୱାର୍ଡରେ ଭଦ୍ରକ ବିଧାୟକ ସଞ୍ଜୀବ କୁମାର ମଲ୍ଳିକ ଅର୍ପଣ ରଥ ର ଶୁଭ ଉଦଘାଟନ କରିଥିଲେ । ପରେ ୱାର୍ଡର ପ୍ରତି ଘରକୁ ଘର ବୁଲି ଚାଉଲ ଓ ଗୁଆ ସଂଗ୍ରହ କରାଯାଇଥିଲା । ଖୋଦ ବିଧାୟକ ଶ୍ରୀ ମଲ୍ଳିକ ଘରକୁ ଘର ବୁଲି ମହାପ୍ରଭୁଙ୍କ ପରିକ୍ରମା ପ୍ରକଳ୍ପ ଲାଗି ଚାଉଳ ଓ ଗୁଆ ସଂଗ୍ରହ କରୁଥିବା ଦେଖିବାକୁ ମିଳିଥିଲା । ଏହି ରଥ ଭଦ୍ରକ ପୌରାଚଂଳର ୩୦ଗୋଟି ୱାର୍ଡକୁ ପରିକ୍ରମା କରିବାକୁ ଥିବା ବେଳେ ଆଜି ୨, ୩, ୪ ନମ୍ବର ୱାର୍ଡ ପରିକ୍ରମା କରି ୫ନମ୍ବର ୱାର୍ଡରେ ପହଂଚିଥିବା ଜଣାଯାଇଛି । ପ୍ରତି ଘରୁ ଅକ୍ଷତ ଗୁଆ ଓ ଚାଉଳ ସଂଗ୍ରହ କରିବ । ଭଜନ, କୀର୍ତନ ର ତାଳେତାଳେ ଲୋକେ ଭକ୍ତି ଭାବନା ସହ ଗୁଆ ଓ ଚାଉଳ ଦେଉଥିବାର ଦେଖିବାକୁ ମିଳିଥିଲା । ଏହି ରଥ ପରିକ୍ରମା ବେଳେ ଶତାଧିକ ମହିଳା, ପୁରୁଷ ସାମିଲ ଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ବିଜେଡି ସାଧାରଣ ସମ୍ପାଦକ ପ୍ରବୀର ଜେନା, ୧ନମ୍ବର ୱାର୍ଡ କାଉନସିଲର ଜୟନ୍ତୀ ପୃଷ୍ଟି, ୨ନମ୍ବର ୱାର୍ଡ କାଉନସିଲର ରଞ୍ଜନ ଜେନା, ୩ନମ୍ବର ୱାର୍ଡ କାଉନସିଲର ଖଗେଶ୍ୱର ବାରିକ ଓ ୫ନମ୍ବର ୱାର୍ଡ କାଉନସିଲର ଦିଲିପ୍ ନାୟକଙ୍କ ସମେତ ବହୁ କାର୍ଯ୍ୟକର୍ତା ଉପସ୍ଥିତ ଥିଲେ ।
