ଭଦ୍ରକ, ୧୫ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଭଦ୍ରକର ୧୬ନଂ ଜାତୀୟ ରାଜପଥ ଆରଡିଛକରେ ଏକ ଫ୍ଲାଏ ଓଭରବ୍ରିଜ୍ର ଶୁଭ ଶିଳାନ୍ୟାସ କରିଛନ୍ତି ଭଦ୍ରକ ସାଂସଦ ମଂଜୁଲତା ମଣ୍ଡଳ ଓ ଭଦ୍ରକ ବିଧାୟକ ସଂଜୀବ ମଲ୍ଲିକ । ଏଠାରେ ସୂଚନାଯୋଗ୍ୟ ଜାତୀୟ ରାଜପଥର ସଂପ୍ରସାରଣ କାର୍ଯ୍ୟ ଜାରି ରହିଥିବାବେଳେ ଆରଡିଛକ ନିକଟ ପୋଲଟି କମ୍ ଉଚ୍ଚତା ସଂପନ୍ନ ଥିଲା । ତେବେ ବୁଦ୍ଧିଜୀବୀ ଓ ଭଦ୍ରକର ଜନସାଧାରଣଙ୍କ ଦାବି ଫଳରେ ଏହି ପୋଲଟିକୁ ଭାଙ୍ଗି ପୁନଃ ନିର୍ମାଣ କରାଯାଉଛି । ଭଦ୍ରକ ସଂସଦୀୟ କ୍ଷେତ୍ର ପାଇଁ ସାଂସଦ କେନ୍ଦ୍ରମନ୍ତ୍ରୀଙ୍କ ଠାରେ ୧୮ ଟି ପୋଲ ପାଇଁ ଦାବି ରଖିôଥଲେ । ଏହା ସେଥିମଧ୍ୟରୁ ଅନ୍ୟତମ ବୋଲି ସାଂସଦ ଶ୍ରୀମତୀ ମଣ୍ଡଳ କହିଥିବାବେଳେ ବିଧାୟକ ଶ୍ରୀ ମଲ୍ଲିକ ଏଠାରୁ ଆରଡି ପର୍ଯ୍ୟନ୍ତ ଏକ ୪ ଲେନ୍ ବିଶିଷ୍ଟ ଏକ ରାସ୍ତା ନିର୍ମାଣ ପାଇଁ ସରକାରଙ୍କ ପକ୍ଷରୁ ୪୦ କୋଟି ଟଙ୍କା ମଂଜୁର ହୋଇଛି, ଏହା ଖୁବଶୀଘ୍ର ନିର୍ମାଣ ହେବା କଥା ମଧ୍ୟ କହିଛନ୍ତି । ଆଜିର ଏହି ଶୁଭ ଶିଳାନ୍ୟାସ କାର୍ଯ୍ୟକ୍ରମରେ ଜାତୀୟ ରାଜପଥର ବରିଷ୍ଠ ଅଧିକାରୀମାନେ ଉପସ୍ଥିତ ରହି ଯୁଦ୍ଧକାଳୀନ ଭିତ୍ତିରେ ପୋଲଟିର ନିର୍ମାଣ କାର୍ଯ୍ୟ ଶେଷ କରିବା ସହ ଉନ୍ନତମାନର କରିବା ଦିଗରେ ଯତ୍ନବାନ ହେବେ ବୋଲି ସାଂସଦ ଶ୍ରୀମତୀ ମଣ୍ଡଳ ଓ ବିଧାୟକ ଶ୍ରୀ ମଲ୍ଲିକ ସେମାନଙ୍କ ସହ ଆଲୋଚନା କରିଥିଲେ । ଏହି ଉତ୍ସବରେ ଧାମନଗରର ପୂର୍ବତନ ବିଧାୟକ ମୁକ୍ତିକାନ୍ତ ମଣ୍ଡଳ, ପଂଚାୟତ ସମିତି ଉପାଧ୍ୟକ୍ଷା ଜ୍ୟୋସ୍ନାମଂଜରୀ ରାଉତ, ପୂର୍ବତନ ବ୍ଲକ୍ ଅଧ୍ୟକ୍ଷ ମଳୟ ଜେନା, ପୂର୍ବଜନ ଜିଲା ପରିଷଦ ସଭ୍ୟ ଅସିତ୍ ପାଣିଗ୍ରାହୀ, ପୂର୍ବତନ କାଉନ୍ସିଲର ପ୍ରଣୟ ଦାସ, ପ୍ରମୁଖ ଉପସ୍ଥିତ ଥିଲେ ।
