ଭଦ୍ରକ, ୩୧ା୩ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଉତ୍ସାହର ସହ ଭଦ୍ରକ ସହରରେ ସୋମବାର ପବିତ୍ର ଇଦ-ଉଲ-ଫିତର ପର୍ବ ପାଳିତ ହୋଇଯାଇଛି । ଭଦ୍ରକ ପୁରୁଣା ବଜ଼ାର ସ୍ଥିତ ଜାମା ମସଜିଦ ରେ ସକାଳ ୯-୧୫ ମିନିଟ ଓ କୁଆଁସ କଦମ୍ଭବେଢା ସ୍ଥିତ ଇଦଘା ମଇଦାନ ରେ ସକାଳ ୯-୩୦ ମିନିଟ ସମୟ ସମେତ ଛଡ଼ାକ ମହଲ୍ଲା , କାଜ଼ି ମହଲ୍ଲା, ବଡ଼/ ସାନ ଶଙ୍କରପୁର , ମିର୍ଜାପୁର, ଅଲାଲପୁର , ଦୁର୍ଗାପୁର, ଶେଖସାହି, ନଂଘା ମହଲ୍ଲା, ହଜାରୀ ନଗର , ସାହାପୁର, ଏଲଖା, ଚରମ୍ପା, ବାଇପାସ ସହିତ ଗ୍ରାମାଂଚଳର ମସଜିଦ ସହିତ ପ୍ରାୟ ୬୩ ଟି ମସଜିଦରେ ମଧ୍ୟ ହଜାର ହଜାର ସଂଖ୍ୟାରେ ଇସଲାମ ଧର୍ମ ସମ୍ପ୍ରଦାୟ ର ବ୍ୟକ୍ତି ନୂତନ ବସ୍ତ୍ର ପରିଧାନ କରି ନିର୍ଦ୍ଧାରିତ ସମୟରେ ସମୂହ ନମାଜ ପାଠ କରାଯାଇଥିଲା । ଜାମା ମସଜିଦରେ ହାଫିଜ଼ ମହମ୍ମଦ ସାଦିକ ହୋସେନ ଓ ଇଦଘାରେ ମୌଲାନା ଫଜ଼ଲେ ହକ ଖାନ ଓ ହାଫିଜ ଶେଖ ଫକୀରୁଦିନଙ୍କ ସହଯୋଗରେ ମୁସଲମାନ ଧର୍ମାବଳମ୍ବିଙ୍କୁ ନମାଜ ପାଠ କରାଇବା ସହ ନୀତିନିଷ୍ଠ ଜୀବନ ଯାପନ ପାଇଂ ପରାମର୍ଶ ଦେଇଥିଲେ । ନମାଜ ପାଠ ପରେ ଉଭୟ ହିନ୍ଦୁ ଭାଇ , ସଂଖ୍ୟାଲଘୁ ସମ୍ପ୍ରଦାୟର ବ୍ୟକ୍ତି ମାନେ ପରସ୍ପରକୁ ଆଲିଙ୍ଗନ କରି ଇଦ ମୋବାରକ ଜଣାଇଥିଲେ । ରୋଜା ଅର୍ଥ କେବଳ ଦିନସାରା ଭୋକିଲା ରହିବା ନୁହେଁ , ବରଂ ଆତ୍ମା ମଧ୍ୟ ଈଶ୍ୱରଙ୍କ ସାନିଧ୍ୟ ଲାଭ ପାଇଂ କ୍ଷୁଧାର୍ଥ ରହିଥାଏ ଏବଂ ଇଦ ପର୍ବ ଖୁସୀ, ତ୍ୟାଗ, ଦାନ , ପ୍ରୀତି , ଶାନ୍ତିଶୃଙ୍ଖଳା ସହ ଭାଇଚାରା ସହିତ ପର୍ବ ପାଳନ କୁ ଇଦ ପର୍ବ କୁହାଯାଏ ବୋଲି ମୁସଲିମ ଜମାତର ମିଡ଼ିଆ ସେଲ ସଂଯୋଜକ ଶେଖ ଅନୱର (ବାବୁ) ନମାଜ ପାଠ ପରେ କହିଛନ୍ତି । ଚନ୍ଦ୍ର ଦର୍ଶନ ର ସାହାଦାତ ଖବର ରାତ୍ରି ପ୍ରାୟ ୧୨ ଟା ପରେ ଆସିଲା ପରେ ଭଦ୍ରକ ମୁସଲିମ ଜମାତ ହଲାଲ କମିଟି ଘୋଷଣା କରାଯାଇଥିଲା । ଆଜି ପବିତ୍ର ଦିବସ ପାଇଂ ସହର ଓ ଗ୍ରାମାଂଚଳର ସମସ୍ତ ମସଜିଦ କୁ ବିଭିନ୍ନ ଆଲୋକ ମାଳାରେ ସଜା ଯାଇ ଥିବା ଦେଖିବାକୁ ମିଳିଥିଲା । ଇଦଘା ଠାରେ ଭଦ୍ରକ ମୁସଲିମ ଜମାତର ଉପ ସଭାପତି ମହମ୍ମଦ ଜକାଉଲ୍ଲା , ସମ୍ପାଦକ ହାଜି ଅବଦୁଲ ମୁକିତ ଖାନ , ସମ୍ପାଦକ ଶେଖ ସିରାଜୁଦ୍ଦିନ, ଜମିଲ ଅଖତର ଖାନ , ଅସରଫ ଅଲି ଖାନ, ମିର୍ଜା ଏକ୍ରାମ ବେଗ, ଅଖତର ଖାନ ଓ ହାଜି କ୍ୟୈୁମ ପ୍ରମୁଖ ଉପସ୍ଥିତ ରହିଥିଲେ ଏବଂ ଜାମା ମସଜିଦ ଠାରେ ମସଜିଦ କମିଟିର ସଭାପତି ହାଜି କାସିମ ଖାନ , ସମ୍ପାଦକ ଶେଖ ହାଫିଜୁଲ୍ଲା , ମୁସଲିମ ଜମାତର ସାଧାରଣ ସମ୍ପାଦକ ହାଜି ଶେଖ ଏନାମ ମହମ୍ମଦ ପ୍ରମୁଖ ଉପସ୍ଥିତ ରହିଥିଲେ । ଏହି ଅବସରରେ ଶେଖର ମହାପାତ୍ର , ପୂର୍ବତନ ସାଂସଦ ଅନନ୍ତ ସେଠି, ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ , ଯୁବ ନେତା ଅସିତ ପଟ୍ଟନାୟକ ,ଯୁବ ନେତା ନଳିନୀ ମହାନ୍ତି , ସୁଧାକର ରାଉତ , ଅତୀଶ ବେହେରା,ସମାଜସେବୀ ବିଦ୍ୟାଧର ସାହୁ ଓ ଦିଲୀପ ନାୟକ ସମେତ ବହୁ ରାଜନୈତିକ ନେତୃବୃନ୍ଦ ଉପସ୍ଥିତ ରହି ଇଦ ଶୁଭେଚ୍ଛା ଜଣାଇଥିଲେ । ଅନୁରୂପ ଭଦ୍ରକ ଏସପି ମାଡକର ସନ୍ଦୀପ ସମ୍ପତ , ଅତିରିକ୍ତ ଏସପି ଡିଆଇବି ଅଂଶୁମାନ ଦ୍ୱିବେଦୀ , ସିଟି ଡିଏସପି ସମ୍ବିତ ମାଝୀ ଓ ଥାନା ଅଧିକାରୀ ଙ୍କ ସମେତ ବହୁ ପ୍ରଶାସନିକ ଅଧିକାରୀ ମାନେ ମଧ୍ୟ ମୁସଲମାନ ଭାଇଙ୍କୁ ଶୁଭେଚ୍ଛା ଜଣାଇଛନ୍ତି । ଇଦ-ଉଲ-ଫିତର ପାଳନ ଅବସରରେ ସହରରେ ଶାନ୍ତିଶୃଙ୍ଖଳା ରକ୍ଷା ପାଇଂ ଜିଲ୍ଲା ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ତା ଗ୍ରହଣ କରାଯାଇଥିଲା ।
