ଭଦ୍ରକ, ୨-୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ବ୍ଲକ୍ ମଞ୍ଜୁରୀରୋଡ ଅଞ୍ଚଳର ସାତଶୋଳା ଗ୍ରାମରେ ଗୁରୁବାରଦିନ ସକାଳେ ଅଗ୍ନିକାଣ୍ଡ ହୋଇ ୨ ବଖରା ଘର ଜଳିଯାଇଛି। ଗ୍ରାମର ଚିନା ନାୟକ ଦୀପ ଜାଳିଥିବା ବେଳେ କପଡା ସହ ଅଗ୍ନି ସଂଯୋଗ ହୋଇ ଘର ଜଳିଥିଲା। ଖବର ପାଇଁ ଭଣ୍ଡାରିପୋଖରୀ ଦମକଳ କେନ୍ଦ୍ର କର୍ମଚାରୀମାନେ ଆସି ଅଗ୍ନିକୁ ଆୟତ୍ତ କରିଥିଲେ।ଏହି ଅଗ୍ନିକାଣ୍ଡରେ ପ୍ରାୟ ୫୦ହଜାର ଟଙ୍କାର ସମ୍ପତ୍ତି ପୋଡି ଯାଇଥିବା ଜଣାଯାଇଛି। ଅଗ୍ନିବିପନ୍ନମାନଙ୍କୁ ତୁରନ୍ତ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀମାନଙ୍କ ପକ୍ଷରୁ ଦାବି କରାଯାଇଛି।
