ଭଦ୍ରକ, ୨ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ବାସୁଦେବପୁର ବ୍ଲକ୍ ଚୁଡାମଣି ମଳିକସାହିରେ ୫ ଜଣ ନାବାଳକ ବିଷାକ୍ତ ଫଳ ଖାଇ ଅସୁସ୍ଥ ହୋଇଛନ୍ତି । ତାଙ୍କୁ ବାସୁଦେବପୁର ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ସୂଚନାଯୋଗ୍ୟ ଯେ, ୫ ଜଣ ନାବାଳକ ସାଥୀହୋଇ ଖେଳୁଥିବାବେଳେ ବଣରେ କିଛି କୋଳି ଦେଖିଥିଲେ । ୫ ଜଣ ସେହି କୋଳିକୁ ଗଛରୁ ତୋଳି ଖାଇଥିଲେ । ପରେ ସମସ୍ତେ ଘରକୁ ଯିବା ପରେ ସେମାନଙ୍କର ବାନ୍ତି ହେବା ସହିତ ମୁଣ୍ଡ ବୁଲାଉଥିବା ପରିବାର ଲୋକଙ୍କୁ କହିଥିଲେ । ପରିବାର ଲୋକେ ତୁରନ୍ତ ୫ ଜଣଙ୍କୁ ବାସୁଦେବପୁର ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ୫ ଜଣ ନାବାଳକ ଚିକିତ୍ସିତ ହୋଇ ଘରକୁ ଫେରିଥିବା ଜଣାପଡିଛି ।
