ଭଦ୍ରକ, ୨ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ପୌରାଂଚଳ ଅନ୍ତର୍ଗତ ଅପର୍ତିବିନ୍ଧା ଠାରେ ଭଦ୍ରକ ର ସୁନାମଧନ୍ୟ ବ୍ୟବସାୟୀ ତଥା ବିଶିଷ୍ଟ ସମାଜସେବୀ ସ୍ୱର୍ଗତ ନବଘନ ସାହୁ ଙ୍କ ଦ୍ୱିତୀୟ ଶ୍ରାଦ୍ଧ ବାର୍ଷିକୀ ଓ ସ୍ମୃତି ଚାରଣ ସଭା ଅନୁଷ୍ଠିତ ହୋଇଯାଇଛି। ଏହି ଅବସରରେ ତାଙ୍କ ବାସଭବନରେ ଭଦ୍ରକ ବିଧାୟକ ସୀତାଂଶୁ ଶେଖର ମହାପାତ୍ର, ବିଜୁ ଜନତା ଦଳର ରାଜ୍ୟ ବରିଷ୍ଠ ଉପ-ସଭାପତି ତଥା ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ, ସ୍ଥାନୀୟ ପାରିଷଦ ଅଞ୍ଜନ କୁମାର ଜେନା, ସ୍ୱାମୀ ମୁକୁନ୍ଦକୃଷ୍ଣଜୀ ମହାରାଜ, ବିକାଶ ଶ୍ରେଷ୍ଠା, ବାବୁଲାଲ ଦାସ ବହୁ ମାନ୍ୟଗଣ୍ୟ ବୁଦ୍ଧିଜୀବୀ ବୃନ୍ଦ ଏବଂ ଅନ୍ୟାନ୍ୟ ବରିଷ୍ଠ ଓ ଯୁବ ନେତୃମଣ୍ଡଳୀ ପଦାର୍ପଣ କରି ତାଙ୍କ ପ୍ରତିମୂର୍ତୀରେ ମାଲ୍ୟାର୍ପଣ କରିବା ସହ ଭକ୍ତିପୂତ ଶ୍ରଦ୍ଧାଞ୍ଜଳୀ ଜଣାଇଛନ୍ତି। ସ୍ୱର୍ଗତ ନବଘନ ସାହୁଙ୍କ ଜୀବନଦୃଷ୍ଟି, ସହଜ ସ୍ୱଭାବ ଓ ସମାଜ ପାଇଁ ତାଙ୍କ ଅମୂଲ୍ୟ ଯୋଗଦାନ ଆଜି ମଧ୍ୟ ସଭିଙ୍କ ମନରେ ଅବିଚ୍ଛିନ୍ନ ଭାବେ ରହିଛି ବୋଲି ଅତିଥିମାନେ ବକ୍ତବ୍ୟରେ କହିଥିଲେ। ଏହି ସ୍ମୃତିସଭାକୁ ତାଙ୍କ ପୁତ୍ର ପୂର୍ଣ୍ଣଚନ୍ଦ୍ର ସାହୁ ପରିଚାଳନା କରିଥିଲେ।
