ନୂଆଦିଲ୍ଲୀ ୯-୯ (ଓଡ଼ିଆ ପୁଅ) କେରଳର ଜଣେ କ୍ୟାଥୋଲିକ୍ ବିଶପ ଗୁରୁବାର ଦିନ କହିଛନ୍ତି ଯେ ରାଜ୍ୟରେ ବହୁ ସଂଖ୍ୟକ ଖ୍ରୀଷ୍ଟିଆନ ବାଳିକା “ଲଭ ଜିହାଦ୍ ଏବଂ ନାର୍କୋଟିକ୍ ଜିହାଦ୍” ରେ ପଡୁଛନ୍ତି ଏବଂ କଟରପନ୍ଥୀମାନେ ଅନ୍ୟ ଧର୍ମର ଯୁବତୀମାନଙ୍କୁ ଫସାଇବାକୁ ଚେଷ୍ଟା କରୁଛନ୍ତି। ବିଶପ କହିଛନ୍ତି ଯେ ଜିହାଦୀମାନେ ଅନ୍ୟ ଧର୍ମର ମହିଳାମାନଙ୍କୁ ଆତଙ୍କବାଦୀ କାର୍ଯ୍ୟକଳାପ କିମ୍ବା ଆର୍ଥିକ ଲାଭ ପାଇଁ ଦୁର୍ବ୍ୟବହାର କରିବା ପାଇଁ ପ୍ରେମ ଏବଂ ଅନ୍ୟାନ୍ୟ ଉପାୟ ବ୍ୟବହାର କରୁଛନ୍ତି। ସେମାନଙ୍କର ଲକ୍ଷ୍ୟ ହେଉଛି ସେମାନଙ୍କର ଧର୍ମ ବୃଦ୍ଧି କରିବା ଏବଂ ଅଣ-ମୁସଲମାନମାନଙ୍କୁ ହଟାଇବା। ସେ କହିଛନ୍ତି ଯେ, କଟରପନ୍ଧୀଙ୍କ ପାଇଁ ଏହା ଏକ ରଣନୀତି।
ସିରୋ ମାଲାବାର ଚର୍ଚ୍ଚ ସହ ଜଡିତ ପାଲା ବିଶପ ମାର ଜୋସେଫ କାଲାରଙ୍ଗଟା ଅଭିଯୋଗ କରିଛନ୍ତି ଯେ “ଲଭ ଜିହାଦ” ଅଣ-ମୁସଲମାନ ବାଳିକାମାନଙ୍କୁ, ବିଶେଷ କରି ଖ୍ରୀଷ୍ଟିଆନ ସମ୍ପ୍ରଦାୟର ଝିଅମାନଙ୍କୁ ପ୍ରେମରେ ଫାନ୍ଦରେ ପକାଇ ଶୋଷଣ କରାଯାଇଥାଏ। ଆତଙ୍କବାଦ ଭଳି ବିପରୀତ କାର୍ଯ୍ୟକଳାପରେ ସେମାନଙ୍କୁ ବ୍ୟବହାର କରାଯାଉଛି। ସେ କୋଟାୟାମ ଜିଲ୍ଲାର କୁରୁଭିଲାଙ୍ଗଡରେ ଏକ ଚର୍ଚ୍ଚ କାର୍ଯ୍ୟକ୍ରମରେ ଶ୍ରୋତାମାନଙ୍କୁ ସମ୍ବୋଧିତ କରି ଏପରି କହିଛନ୍ତି।
ବିଶପ କହିଛନ୍ତିଯେ, ସାମ୍ପ୍ରଦାୟିକତା ବୃଦ୍ଧି କରିବାକୁ, ତଥା କେରଳରେ ଧାର୍ମିକ ଅସହିଷ୍ଣୁତା ବୃଦ୍ଧି କରିବାକୁ ଚେଷ୍ଟା କରୁଥିବା ଜିହାଦୀମାନଙ୍କ ଉପସ୍ଥିତି ଉପରେ ବିଶପ ଚେତାବନୀ ଦେଇ କହିଛନ୍ତି ଯେ ସେମାନେ ଅନ୍ୟ ଧର୍ମକୁ ଧ୍ୱଂସ କରିବା ପାଇଁ ବିଭିନ୍ନ କୌଶଳ ଅବଲମ୍ବନ କରୁଛନ୍ତି। ସେ ଅଭିଯୋଗ କରିଛନ୍ତି, ଏହିପରି ଦୁଇଟି ଜିନିଷ ହେଉଛି ଲଭ ଜିହାଦ ଏବଂ ନାର୍କୋଟିକ୍ (ଡ୍ରଗ୍) ଜିହାଦ୍। ଯେହେତୁ ଜିହାଦୀମାନେ ଜାଣନ୍ତି ଯେ ଭାରତ ପରି ଏକ ଗଣତାନ୍ତ୍ରିକ ଦେଶରେ ଅନ୍ୟ ଧର୍ମର ଲୋକଙ୍କୁ ଅସ୍ତ୍ରଶସ୍ତ୍ରରେ ବିନାଶ କରିବା ସହଜ ନୁହେଁ, ତେଣୁ ସେମାନେ ସେମାନଙ୍କର ଲକ୍ଷ୍ୟ ହାସଲ କରିବା ପାଇଁ ଅନ୍ୟାନ୍ୟ କୌଶଳ ଅବଲମ୍ବନ କରୁଛନ୍ତି।
ପୂର୍ବତନ ପୋଲିସ ମହାନିର୍ଦ୍ଦେଶକ ଲୋକନାଥ ବେହେରା ନିକଟରେ ଦେଇଥିବା ବିବୃତ୍ତି ସମ୍ପର୍କରେ ସେ କହିଛନ୍ତି ଯେ ଆତଙ୍କବାଦୀଙ୍କ ପାଇଁ କେରଳ ଏକ ନିଯୁକ୍ତି କେନ୍ଦ୍ରରେ ପରିଣତ ହୋଇଛି ଏବଂ ରାଜ୍ୟରେ କଟରବାଦୀ ଗୋଷ୍ଠୀର ଏକ ଅଣ୍ଡରଗ୍ରାଉଣ୍ଡ କେନ୍ଦ୍ର ରହିଛି। ବିଶପ ଦାବି କରିଛନ୍ତି ଯେ ରାଜ୍ୟରୁ ଖ୍ରୀଷ୍ଟିଆନ ଏବଂ ହିନ୍ଦୁ ଝିଅମାନଙ୍କର ଧର୍ମ ପରିବର୍ତ୍ତନ କରାଯାଇ ଆଫଗାନିସ୍ତାନର ଆତଙ୍କବାଦୀ ଶିବିରକୁ ପଠାଯାଇଛି। ଏହି ଘଟଣାର ଗୁରୁତର ଅନୁସନ୍ଧାନ କରାଯିବା ଉଚିତ ବୋଲି ସେ କହିଛନ୍ତି। ସେ କହିଛନ୍ତି ଯେ ଯେଉଁମାନେ କହୁଛନ୍ତି ଯେ ରାଜ୍ୟରେ କୌ ଣସି ‘ଲଭ ଜିହାଦ୍ ଏବଂ ନାର୍କୋଟିକ୍ ଜିହାଦ୍’ ନାହିଁ, ସେମାନେ ସତ୍ୟକୁ ଆଖି ବୁଜି ଦେଉଛନ୍ତି। ସେ କହିଛନ୍ତି ଯେ ଏହାକୁ ଅସ୍ୱୀକାର କରୁଥିବା ରାଜନେତା, ସାମାଜିକ-ସାଂସ୍କୃତିକ ନେତା ତଥା ସାମ୍ବାଦିକମାନେ ଏହା କରିବାକୁ ଆଗ୍ରହ ପ୍ରକାଶ କରିପାରନ୍ତି ନିଜସ୍ୱ ସ୍ୱାର୍ଥ ପାଇଁ।
