କୋରାପୁଟ ୦୫-୦୨(ଓଡିଆ ପୁଅ /ରଂଜନ ଦାସ) କୋରାପୁଟ ଜିଲ୍ଲା ପୋଲିସକୁ ବଡ ସଫଳତା ମିଳିଥିବା ଜଣାପଡିଛି । ଗତ ୩ ଓ ୪ ତାରିଖ ଦିନ ଡିଭିଏଫ ଓ ବିଡିଡି ସ୍କାର୍ଡ ନାରାୟଣପାଟଣା ଥାନା ଅନ୍ତର୍ଗତ କେନ୍ଦାବୋରିଗି ,ମଙ୍ଗଲପୁର ଓ ଅତ୍ମାକୋଣ୍ଡା ଜଙ୍ଗଳରେ ଅପରେସନ କରିବା ସମୟରେ ବିପୁଳ ପରିମାଣର ବିସ୍ପୋରକ ଓ ମାଓ ସାମଗ୍ରୀ ଉଦ୍ଧାର କରିଥିଲେ ବୋଲି କୋରାପୁଟ ଏସପି ବରୁଣ ଗୁଣ୍ଠୁପାଲି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।ଅପରେସନ ସମୟରେ ସୁରେଶ ଗ୍ରାମ ନିକଟବର୍ତୀ ଅଂଚଳରୁ ବିସ୍ପୋରକ ଓ ମାଓ ସାମଗ୍ରୀ ଉଦ୍ଧାର କରିଥିଲେ ।ଏସବିଏମଏଲ ବନ୍ଧୁକ ୬ ଟି ,ଜେଲେଟିନ ଷ୍ଟିକ ୫୦ ଖଣ୍ଡ ,ଲୁହା ପାଇପ ୨୦୫ ଖଣ୍ଡ ,କ୍ଲେମୋର ମାଇନସ ୨ଟି ,ଟିଫିନ ବକ୍ସ ୨୦ ଟି , ଆଇରନ ସ୍ପିଟଂର ୩ କେଜି ,ଟିଫିମ ବୋମା ୩ ଟି , ବ୍ଲାକ ବେଲ୍ଟ ୩ଟି ଜବତ କରାଯାଇଥିବା ଏସପି ଗୁଣ୍ଠୁପାଲି ପ୍ରକାଶ କରିଛନ୍ତି ।
