ଭଦ୍ରକ, ୩୧ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ବନ୍ତ ବ୍ଲକ କାଦବରାଙ୍ଗ ଗ୍ରାମପଞ୍ଚାୟତ ଅଧିନସ୍ଥ ବାଙ୍କତିରା ଠାରେ ଆଗରପଡ଼ା କୃଷି ବିଭାଗ ତଥା କୃଷି ଓ କୃଷକ ସଶକ୍ତିକରଣ ବିଭାଗ ସହାୟତାରେ ୨ ଦିନିଆ ତାଲିମ ଶିବିର ଅନୁଷ୍ଠିତ ହୋଇଯାଇଛି । କୃଷକମାନଙ୍କୁ ହେନଇ ଏହି ତାଲିମ ଶିବିର ଅନୁଷ୍ଠିତ ହୋଇଥିବା ବେଳେ ପ୍ରଥମ ଦିନରେ ସ୍ଥାନୀୟ ସମିତିସଭ୍ୟ ରମେଶ ଚନ୍ଦ୍ର ପହି ସଭାପତିତ୍ୱ କରିଥିଲେ । ଏଥିରେ ତାଲିମଦାତା ପୂର୍ବତନ କୃଷି ବିଶେଷଜ୍ଞ ଦିବାକର ସେଠୀ ପ୍ରଦିପ ପ୍ରଜ୍ଜ୍ୱଳନ ପୂର୍ବକ ମୃତ୍ତିକା ସଂରକ୍ଷଣ, ଅଧିକ ଅମଳକ୍ଷମ ଧାନଚାଷ ପ୍ରଣାଣୀ ବିଷୟରେ ତାଲିମ ପ୍ରଦାନ କରିଥିଲେ । ଭିଏଲଡ଼ବ୍ଲ୍ୟୁ ରାମଚନ୍ଦ୍ର ମୁର୍ମୂ ଅତିଥି ପରିଚୟ ପ୍ରଦାନ କରିଥିବା ବେଳେ ବ୍ଲକ ବୈଷୟିକ ପରିଚାଳକ ବିଶ୍ୱଜିତ ବେହେରା ତାଲିମର ମୁଖ୍ୟ ଉଦ୍ଦେଶ୍ୟ ଉପରେ କହିଥିଲେ । ସେହିଭଳି ୨ୟ ଦିବସରେ ଆଗରପଡ଼ା ସହକାରୀ କୃଷି ଅଧିକାରୀ ତୁଷାରକାନ୍ତ ପତି ମୃତ୍ତିକା ପରୀକ୍ଷା, ନମୁନା ସଂଗ୍ରହ, ବିହନ ବିଶୋଧନ, ଧାନଚାଷ ପ୍ରଣାଣୀ, କୀଟନାଶକ ଔଷଧ, ସାର ପ୍ରୟୋଗ ଓ ତଳିପକା ବିଷୟରେ ତାଲିମ ଦେଇଥିଲେ । ସହକାରୀ ଉଦ୍ୟାନ ବିଭାଗ ଅଧିକାରୀ ସୋନାଲି ସାହୁ ତାଙ୍କ ବିଭାଗର ବିଭିନ୍ନ ଯୋଜନା ଓ ଉପକାରିତା ବିଷୟରେ ଆଲୋକପାତ କରିଥିବା ବେଳେ କମ୍ ଖର୍ଚ୍ଚରେ ଅଧିକ ଅମଳକ୍ଷମ ଚାଷ ବିଷୟରେ ଆଲୋଚନା କରିଥିଲେ । ଉକ୍ତ ତାଲିମ ଶିବିରରେ ବାଙ୍କତିରା ଗ୍ରାମର ଅଗ୍ରଣୀ ଚାଷୀ ଓ ବିଭିନ୍ନ ସ୍ୱୟଂସହାୟିକା ଗୋଷ୍ଠୀର ସଭାନେତ୍ରୀ ଓ ସମ୍ପାଦିକା ଯୋଗ ଦେଇଥିଲେ । କାର୍ଯ୍ୟକ୍ରମରେ ତାପସ ଦାସ, କାଳନ୍ଦୀ ଜେନା, ରବିନ୍ଦ୍ର ଦାସ, ସୁରେଶ ଦାସ, ବସନ୍ତ ଗିରି, ନରେଶ ନାୟକ, ଜୀବନଜ୍ୟୋତି ମହାପାତ୍ର, ପ୍ରହଲ୍ଲାନ ମହାନ୍ତି, ଅନୁପମା ମଲ୍ଲିକ, ସରୋଜିନୀ ନାୟକ, ସାଗରିକା ଦାସ ଓ ସୁକାନ୍ତି ଦାସ ପ୍ରମୁଖ ତାଲିମ ଗ୍ରହଣ କରିବା ସହ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
