ହରିଚନ୍ଦନପୁର, ତା ୧୨ ସେପ୍ଟେମ୍ବର (ଓଡ଼ିଆ ପୁଅ ପ୍ରେମାନନ୍ଦ ଦାସ) କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ନିକଟସ୍ଥ କଲେଜ ଛକ ନିକଟରେ ବାଇକ୍ ମଧ୍ୟରେ କୁକୁର ପଶିଯିବା କାରଣରୁ ଆରୋହୀ ଗୁରୁତର ହୋଇଥିବା ବେଳେ ସାଥିରେ ଥିବା ମହିଳା ଆହାତ ହୋଇଛନ୍ତି । ଖବର ଅନୁଯାୟୀ ଆଜି ଅପରାହ୍ନ ସମୟରେ ହରିଚନ୍ଦନପୁର ନିକଟସ୍ଥ ହାତିଆନାଳୀ ଗ୍ରାମର ମିତା ମୁଣ୍ଡା ସମ୍ପର୍କୀୟ ଭାଇ ନିଳମଣୀ ମୁଣ୍ଡାଙ୍କ ସହ ବାପଘର ପଣ୍ଡାପଡାକୁ ବାଇକ୍ ଯୋଗେ ଯାଉଥିଲେ । କଲେଜ ଛକ ନିକଟରେ ଅଚାନକ ଏକ ବୁଲା କୁକୁର ଦୌଡ଼ି ଆସି ବାଇକ୍ ମଧ୍ୟରେ ପଶିଯିବା ଫଳରେ ଘଟଣାସ୍ଥଳରେ ବାଇକଟି ଦୁର୍ଘଟଣାଗ୍ରସ୍ତ ହୋଇଥିଲା । ବାଇକ୍ ଆରୋହୀଙ୍କ ସହ ସାଥିରେ ଥିବା ମହିଳା ଜଣଙ୍କ ଛିଟିକି ପଡ଼ି ଗୁରୁତର ଆହତ ହୋଇଥିଲେ । ତାଙ୍କୁ ଗୁରୁତର ଅବସ୍ଥାରେ ନିକଟରେ ଥିବା ଯୁବକମାନେ ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଥିଲେ । ସ୍ବାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ପରେ ନିଳମଣୀଙ୍କୁ ସ୍ବାସ୍ଥ୍ୟ ଅବସ୍ଥା ଗୁରୁତର ଥିବାରୁ ତାଙ୍କୁ ଅଧିକ ଚିକିତ୍ସା ନିମନ୍ତେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ସ୍ବାସ୍ଥ୍ୟକେନ୍ଦ୍ର ପକ୍ଷରୁ ସୂଚନା ମିଳିଛି ।
