ବଲାଙ୍ଗୀର ୨୪-୪ (ଓଡ଼ିଆ ପୁଅ/ସନ୍ତୋଷ ନାୟକ) ଚାନ୍ଦିଲ ସଂରକ୍ଷିତ ଜଙ୍ଗଲରେ ନକ୍ସଲମାନେ କ୍ୟାମ୍ପ କରିଥିବା ସୂଚନା ପାଇ ଏସଓଜି (ସ୍ପେଶାଲ ଅପରେସନ ଗ୍ରୁପ୍)ର ଦୁଇଟି ୟୁନିଟ ଗତକାଲି ସକାଳ ୯ଟା ବେଳେ କମ୍ବିଂ ଅପରେସନରେ ବାହାରିଥିଲେ। ଲାଠୋର ଥାନା ଅନ୍ତର୍ଗତ ବରତିଆ ଓ ସୁନାମୁଦି ଗ୍ରାମ ନିକଟ ଜଙ୍ଗଲରେ ସେମାନେ ନକ୍ସଲଙ୍କ ସହ ମୁହାଁମୁହିଁ ହୋଇଥିଲେ। ଯବାନମାନଙ୍କୁ ଦେଖି ନକ୍ସଲମାନେ ଗୁଳି ଚଳାଇବାରୁ ଯବାନମାନେ ବାଧ୍ୟହୋଇ ପାଲଟା ଜବାବ ଦେଇଥିଲେ। ପ୍ରାୟ ୧୫/୨୦ ମିନିଟ ଗୁଳି ବିନିମୟ ପରେ ନକ୍ସଲମାନେ ଘଞ୍ଚ ଜଙ୍ଗଲକୁ ପଳାୟନ କରିଥିଲେ। ସେମାନେ ରହୁଥିବା କ୍ୟାମ୍ପରୁ ଯବାନମାନେ କିଛି ଗୁଳି ସହ ଅନେକ ବ୍ୟବହାର୍ଯ୍ୟ ସାମଗ୍ରୀ ଜବତ କରିଛନ୍ତି।
କ୍ୟାମ୍ପରେ ପ୍ରାୟ ୧୦/୧୨ ଜଣ ମାଓବାଦୀ ଥିଲେ। ଏମାନେ ସିପିଆଇ-ମାଓବାଦୀର ବିବିଏମ ଡିଭିଜନ କ୍ୟାଡର ବୋଲି ଏସପି କହିଛନ୍ତି। ଏହି ମାଓ କ୍ୟାମ୍ପରୁ ଅନେକ ସାମଗ୍ରୀ ଜବତ କରିବା ସହ ଏ ନେଇ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଏନ ସନ୍ଦୀପ ସମ୍ପତ୍। ସେହିପରି ମାଓବାଦୀ ଏବେ କରୋନା ପାଇଁ ବହୁ ଦୁର୍ଦ୍ଦଶା ର ଶିକାର ହେବ ଓ ଭୋକ ଉପାସରେ ପ୍ରଶାସନ ନିକଟରେ ଆତ୍ମସମର୍ପଣ କରିବାକୁ ବାଧ୍ୟ ହେବେ ବୋଲି ଆଲୋଚନା ହେଉଛି।
