ଭଦ୍ରକ, ୨୭ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ର ବରିଷ୍ଠ ଆଇନଜୀବୀ, ସରକାରୀ ଓକିଲ, ପ୍ରାକ୍ତନ ଓକିଲ ସଂଘ ସଭାପତି, ପ୍ରାକ୍ତନ ଓକିଲ ସଂଘ ସମ୍ପାଦକ ତଥା ଭଦ୍ରକ ର ପ୍ରତିଷ୍ଠିତ ଓକିଲ ସ୍ୱର୍ଗତ ଚିନ୍ତାମଣି ମହାନ୍ତିଙ୍କ ଦ୍ୱିତୀୟ ପୁତ୍ର ତଥା ପ୍ରାକ୍ତନ ନଗରପାଳ ମାନସ କୁମାର ମହାନ୍ତି ଙ୍କ ବଡ଼ଭାଇ ବସନ୍ତ କୁମାର ମହାନ୍ତିଙ୍କ ପରଲୋକ ଘଟିଛି। ବିଜୁ ଶ୍ରମିକ ସାମ୍ମୁଖ୍ୟ ର ରାଜ୍ୟ ସଭାପତି ତଥା ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ, ଭଣ୍ଡାରୀପୋଖରୀ ବିଧାୟକ ସଞ୍ଜୀବ କୁମାର ମଲ୍ଲିକ, ଧାମନଗର ର ପୂର୍ବତନ ପଂଚାୟତ ସମିତି ଅଧ୍ୟକ୍ଷ ଅଶୋକ କୁମାର ନାୟକ, ଭଦ୍ରକ ପୌରାଂଚଳ ୱାର୍ଡ ନମ୍ବର ୧୦ ର ପାରିଷଦ ପଙ୍କଜ ବଳ, ବିଜୁ ଜନତା ଦଳର ନଗର ସଭାପତି ତାହେର ମହମ୍ମଦ, ଭଦ୍ରକ ବ୍ଲକ ବିଜୁ ମହିଳା ଜନତା ଦଳର ସଭାନେତ୍ରୀ ଦେବୀଦତା ମହାନ୍ତିଙ୍କ ସମେତ ଭଦ୍ରକ ଓକିଲ ସଂଘର ସଭାପତି ବସନ୍ତ ଦାସ, ସଂପାଦକ ସୂର୍ଯ୍ୟକାନ୍ତ କୁଅଁର, ପର୍ଶୁରାମ ଦ୍ୱିବେଦୀ, ଦିବ୍ୟସିଂହ ନାୟକ, ପବନ ଶର୍ମା, ଗଦାଧର ବଳ, ରାଧା ଦାସ ଓ ବହୁ ବରିଷ୍ଠ ଓ କନିଷ୍ଠ ଆଇନ୍ଜୀବୀ ତାଙ୍କ ବାସଭବନରେ ପହଂଚି ଶେଷ ଦର୍ଶନ ପୂର୍ବକ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସେହିଭଳି ଭଦ୍ରକ ଜିଲ୍ଲାପାଳ ଦିଲୀପ ରାଉତ୍ ରାଏ,ସହକାରୀ ଜିଲ୍ଲାପାଳ, ନ୍ୟାୟିକ କାର୍ତିକ ନାଥ ମଣ୍ଡଳ ତାଙ୍କ ବାସଭବନ କୁ ଯାଇ ସ୍ୱର୍ଗତ ମହାନ୍ତି ଙ୍କୁ ଶେଷ ଦର୍ଶନ କରିବା ସହିତ ତାଙ୍କ ଶବାଧାରରେ ପୁଷ୍ପମାଲ୍ୟ ଅର୍ପଣ ପୂର୍ବକ ଶ୍ରଦ୍ଧାଞ୍ଜଳି ଜ୍ଞାପନ କରି ଶୋକପ୍ରକାଶ କରିଥିଲେ । ସ୍ୱର୍ଗତ ମହାନ୍ତି ଙ୍କ ବିୟୋଗ ପାଇଁ ସମ୍ମାନ ପ୍ରଦର୍ଶନ ପୂର୍ବକ ୨୭.୧୨.୨୪ ଶୁକ୍ରବାର ଦିନ ଅନୁଷ୍ଠିତ ହେବାକୁ ଥିବା ଜିଲ୍ଲାପାଳ ଙ୍କ କୋର୍ଟ କୁ ଜିଲ୍ଲାପାଳ ବାତିଲ କରିଛନ୍ତି ।
