ଭଦ୍ରକ, ୪ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ତିହିଡ଼ି ଥାନା ଅଧୀନ ଫତେପୁର ଗ୍ରାମ ନିକଟରେ ଥିବା ଏକ ଇଟାଭାଟି ପାଖରୁ ତିହିଡ଼ି ପୁଲିସ ସୋମବାର ୭୨ବସ୍ତା ଚୋରା କୋଇଲା ଜବତ କରିଛି। ଏ ସମ୍ପର୍କରେ ୫୩୮/୨୪ରେ ଏକ ମକଦ୍ଦମା ରୁଜୁ କରି ପୁଲିସ ଅଧିକ ତଦନ୍ତ ଚଳାଇଛି। କୌଣସି ସୂତ୍ରରୁ ପୁଲି ଖବର ପାଇ ଫତେପୁର ଗ୍ରାମ ନିକଟରେ ଥିବା ଇଟାଭାଟି ପାଖରେ ପହଂଚି ଚୋରା କୋଇଲାକୁ ଜବତ କରିଥିଲା। ଫତେପୁର ଗ୍ରାମର ଚଢ଼େଇ ଓରଫ ମହେନ୍ଦ୍ର ନାୟକ ଭଦ୍ରକ-ଧାମରା ରେଳପଥରୁ ମୋଟର ସାଇକେଲରେ କୋଇଲା ଆଣି ଇଟାଭାଟି ପାଖରେ ଗଚ୍ଛିତ ରଖିଥିବା ପୁଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଥିଲା। ତିହିଡ଼ି ଥାନା ଆଇଆଇସି ପ୍ରସନ୍ତ କୁମାର ନାୟକଙ୍କ ନେତୃତ୍ୱରେ ଏସଆଇ ଅରୁନ୍ଧତୀ ବେହେରା ଓ ପ୍ରକାଶ ନାୟକ ପ୍ରମୁଖ ଏହି ଚାଢ଼ାଉରେ ସାମିଲ ଥିଲେ।
