ରାୟଗଡ଼ା,୩୦/୭,(ପଙ୍କଜିନୀ/ନାୟକ): ସ୍କୁଲରେ ପ୍ରାର୍ଥନା ଚାଲିଥିବା ସମୟରେ ଜଣେ ଛାତ୍ର ତଳେ ପଡିଯାଇ ମୃତ୍ୟୁ ହୋଇଛି । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲାର ସେକ୍ରେଡ ହାର୍ଟ ସ୍କୁଲରେ ।
ସୂଚନା ଅନୁସାରେ, ମୃତ ଛାତ୍ର ଜଣକ ସୁଭ୍ରାଂଶୁ ନାୟକ ହୋଇଥିବା ବେଳେ ସେ ଷଷ୍ଠ ଶ୍ରେଣୀରେ ପଢନ୍ତି । ଗତକାଲି ସକାଳେ ସାଢେ ୭ଟା ସମୟରେ ବର୍ଷା ଯୋଗୁଁ ଶ୍ରେଣୀଗୃହରେ ପ୍ରାର୍ଥନା ଚାଲିଥିବା ସମୟରେ ସୁଭ୍ରାଂଶୁ ହଠାତ୍ ତଳେ ପଡିଯାଇଥିଲେ ।
ପରେପରେ ତା ପାଟିରୁ ଲାଳ ବାହାରିବା ସହ ଦେହ ଥରୁ ଥିବା ଦେଖି ସ୍କୁଲ କର୍ତ୍ତୃପକ୍ଷ ସୁଭ୍ରାଂଶୁଙ୍କୁ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଥିଲେ । ମାତ୍ର ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ ।
