ବଲାଙ୍ଗୀର,୨୩/୧୦,(ଓଡ଼ିଆ ପୁଅ ପି ନାଏକ): ପୋଲିସକୁ ଚକମା ଦେଇ ଫେରାର ହେଲା ଅଟକ ଯୁବକ । ଏହି ଘଟଣା ବଲାଙ୍ଗୀର ଜିଲ୍ଲା ମୁରିବାହାଲ ଥାନାରେ ଦେଖିବାକୁ ମିଳିଛି । ସୂଚନା ଅନୁସାରେ, ଗତକାଲି ଏକ ମାମଲ ରେ ପୋଲିସ ଜଣକୁ ଅଟକ ରଖି ପଚରାଉଚୁରା କରୁଥିଲା । ହେଲେ କିଛି ସମୟ ପରେ ସେ ପୋଲିସ ଆଖିରେ ଧୂଳି ଦେଇ ସେଠାରୁ ଚମ୍ପଟ ମାରିଥିଲା । ପରେ ପୋଲିସ ତାକୁ ଖୋଜିଥିଲା । ହେଲେ ସେ ମିଳିନଥିଲା । ପରେ ସ୍ଥାନୀୟ ହାଟପଦା ସ୍ଥିତ ରାଧାକୃଷ୍ଣ ଏବଂ ଶିବ ମନ୍ଦିର ପଛପଟେ ଥିବା ଏକ ପାଇଖାନା ଭିତରେ ଫେରାର୍ ଯୁବକ ଲୁଚି ରହିଥିବା ନେଇ କୌଣସି ସୁତ୍ରରୁ ଖବର ପାଇ ଫେରାର ଯୁବକକୁ ଧରିବାରେ ସଫଳ ହୋଇଥିଲା ପୋଲିସ୍ ।
