ନୂଆଦିଲ୍ଲୀ ୭ ନୂଆ ଦିଲ୍ଲୀ (ଓଡ଼ିଆ ପୁଅ) ନାଗରିକଙ୍କ ଉପରେ ଗୁପ୍ତଚର ନଜର ରଖିବା ପାଇଁ ପେଗାସସ୍ ସ୍ପାଏୱେୟାରର ଅପବ୍ୟବହାରର ଯାଞ୍ଚ ପାଇଁ ଏକ ଆବେଦନ ଉପରେ ସୁପ୍ରିମକୋର୍ଟରେ ମଙ୍ଗଳବାର ଶୁଣାଣି ହେବାର ଥିଲା। କିନ୍ତୁ ଏହା ଉପରେ କେନ୍ଦ୍ର ସମୟ ମାଗିବାରୁ ଆସନ୍ତା ସୋମବାର ପର୍ଯ୍ୟନ୍ତ ଏହା ଉପରେ ଶୁଣାଣି ସ୍ଥଗିତ ରଖିଛନ୍ତି।
ଏହି ମାମଲାରେ ଏକ ବିସ୍ତୃତ ଆଫିଡେଭିଟ୍ ଦାଖଲ କରିବ ବୋଲି କେନ୍ଦ୍ର ଶୀର୍ଷ କୋର୍ଟଙ୍କୁ ସୂଚନା ଦେଇଛି।
ପ୍ରଧାନ ବିଚାରପତି (CJI) ଏନ ଭି ରମନାଙ୍କ ନେତୃତ୍ୱରେ ଏକ ତିନିଜଣିଆ ଖଣ୍ଡପୀଠ ଗତ ମାସରେ ଏହି ଆବେଦନ ଉପରେ କେନ୍ଦ୍ରକୁ ନୋଟିସ୍ ଜାରି କରିଥିଲେ, କିନ୍ତୁ ପରେ ଏହା ସ୍ପଷ୍ଟ କରାଯାଇଥିଲାଯେ, ଜାତୀୟ ସୁରକ୍ଷା ପ୍ରତି ବିପଦ ସୃଷ୍ଟି କରୁଥିବା ସରକାର କିଛି ପ୍ରକାଶ କରନ୍ତୁ ନାହିଁ।
ପେଗାସସ୍ ସ୍ପାଏୱେୱାର ଅଭିଯୋଗର ନିରପେକ୍ଷ ତଦନ୍ତ ପାଇଁ ଏଡିଟର୍ସ ଗିଲ୍ଡ ଅଫ୍ ଇଣ୍ଡିଆ ସମେତ ପ୍ରାୟ ଏକ ଡଜନ ଆବେଦନ କରାଯାଇଛି।
CJI ଙ୍କ ବ୍ୟତୀତ ଜଷ୍ଟିସ ସୂର୍ଯ୍ୟ କାନ୍ତ, ଜଷ୍ଟିସ ଏ ଏସ୍ ବୋପାନ୍ନା ମଧ୍ୟ ଉପସ୍ଥିତ ଥିଲେ। କେନ୍ଦ୍ରର ପ୍ରତିନିଧିତ୍ୱ କରୁଥିବା ସଲିସିଟର ଜେନେରାଲ ତୁଷାର ମେହେଟ୍ଟା ବେଞ୍ଚ ଆଗରେ ଦାଖଲ କରିଥିଲେ ଯେ କିଛି ଅସୁବିଧା ହେତୁ ବେଞ୍ଚ ଦ୍ୱାରା ଆବଶ୍ୟକ କରାଯାଉଥିବା ଆଫିଡେଭିଟ୍ ଦାଖଲ ହୋଇପାରିବ ନାହିଁ।
ପ୍ରକୃତରେ, ପେଗାସସ୍ ଗୁପ୍ତଚର ମାମଲାରେ କେନ୍ଦ୍ର ସରକାର ମଙ୍ଗଳବାର ଦିନ ସୁପ୍ରିମକୋର୍ଟରେ ଏକ ଆଫିଡେଭିଟ୍ ଦାଖଲ କରିବାର ଥିଲା। ହେଲେ ଏହା ସରକାରଙ୍କ ଦ୍ୱାରା ଦାଖଲ କରାଯାଇ ନାହିଁ। କେନ୍ଦ୍ର ସରକାରଙ୍କ ପାଇଁ ହାଜର ହୋଇଥିବା ମେହେଟ୍ଟା କହିଛନ୍ତି ଯେ କେତେକ କାରଣରୁ ଏପର୍ଯ୍ୟନ୍ତ ଆଫିଡେଭିଟ୍ ଦାଖଲ କରାଯାଇ ନାହିଁ। ମେହେଟା ଏହାର ରିପୋର୍ଟ ଦାଖଲ କରିବାକୁ ସର୍ବୋଚ୍ଚ ଅଦାଲତରୁ ସମୟ ମାଗିଥିଲେ ଯେଉଁଥିରେ ସୁପ୍ରିମକୋର୍ଟ ଏକ ସପ୍ତାହ ପାଇଁ ଶୁଣାଣି ସ୍ଥଗିତ ରଖିଛନ୍ତି। ଏହି ମାମଲାର ପରବର୍ତ୍ତୀ ଶୁଣାଣି ସେପ୍ଟେମ୍ବର ୧୩ ରେ ହେବ।
ଗୁରୁବାର କିମ୍ବା ସୋମବାର ଶୁଣାଣି ପାଇଁ ମେହଟା ଶୀର୍ଷ କୋର୍ଟଙ୍କୁ ଅନୁରୋଧ କରିଥିଲେ।
ମେହେଟ୍ଟା କହିଥିଲେ ଯେ, ଆଫିଡେଭିଟ୍ ଦାଖଲ ମାମଲାରେ କିଛି ସମସ୍ୟା ରହିଛି। କେତେକ ଅଧିକାରୀ ସାକ୍ଷାତ କରିବାକୁ ସକ୍ଷମ ହୋଇନାହାଁନ୍ତି, ଯେଉଁଥିପାଇଁ ଆମେ ଏପର୍ଯ୍ୟନ୍ତ ଷ୍ଟାଣ୍ଡକୁ ବୁଝି ପାରିଲୁ ନାହିଁ, ତେଣୁ ଶୁଣାଣି କିଛି ସମୟ ପାଇଁ ସ୍ଥଗିତ ରଖାଯିବା ଉଚିତ୍।
ବେଞ୍ଚ କହିଛନ୍ତି ଯେ କେନ୍ଦ୍ର ଏହି ମାମଲାରେ ଏକ ସ୍ୱଳ୍ପ ଆଫିଡେଭିଟ୍ ଦାଖଲ କରିସାରିଛି। ମେହେଟ୍ଟା ଉତ୍ତର ଦେଇଛନ୍ତି ଯେ ଯେହେତୁ ସର୍ବୋଚ୍ଚ ନ୍ୟାୟାଳୟ ଏହି ପ୍ରସଙ୍ଗରେ ନୋଟିସ୍ ଜାରି କରିଛନ୍ତି, ତେଣୁ ଅଧିକ ବିସ୍ତୃତ ପ୍ରତିକ୍ରିୟା ଦାଖଲ କରାଯିବ।
ବରିଷ୍ଠ ସାମ୍ବାଦିକ ଏନ ରାମଙ୍କ ପାଇଁ ପ୍ରତିନିଧିତ୍ୱ କରୁଥିବା ବରିଷ୍ଠ ଆଡଭୋକେଟ୍ କପିଲ ସିବଲ କହିଛନ୍ତି ଯେ ମେହେଟ୍ଟାଙ୍କ ଅନୁରୋଧକୁ ନେଇ ତାଙ୍କର କୌଣସି ଆପତ୍ତି ନାହିଁ।
ଏହି ମାମଲାର ସଂକ୍ଷିପ୍ତ ଶୁଣାଣି ପରେ ସୋମବାର ଦିନ ବେଞ୍ଚ ଏହାର ତାଲିକାଭୁକ୍ତ କରିବାକୁ ନିର୍ଦ୍ଦେଶ ଦେଇଛନ୍ତି।
ଅଗଷ୍ଟ ୧୬ ରେ, ସୁପ୍ରିମକୋର୍ଟ କେନ୍ଦ୍ରକୁ କହିଥିଲେ ଯେ ସରକାର ପେଗାସସ୍ କିଣିଛନ୍ତି କିମ୍ବା ଏହାକୁ ବ୍ୟବହାର କରିଛନ୍ତି ନା ଆଦୌ ବ୍ୟବହାର କରାଯାଇ ନାହିଁ ସେ ସମ୍ବନ୍ଧରେ ଆବେଦନକାରୀ ଯୁକ୍ତି ଦର୍ଶାଇ ଏକ ବିସ୍ତୃତ ଆଫିଡେଭିଟ୍ ଦାଖଲ କରିବାକୁ କେନ୍ଦ୍ରକୁ କହିଛନ୍ତି। କେନ୍ଦ୍ରକୁ ଉତ୍ତର ଦେବାକୁ ପଡିବ।
