ଭଦ୍ରକ, ୩ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଚରମ୍ପା ସ୍କୁଲ ରୋଡ଼ ପୂଜା କମିଟିର ପ୍ରତିଷ୍ଠାତା ସମ୍ପାଦକ ସ୍ୱର୍ଗତ ମୃଣାଳକାନ୍ତି ଦତ୍ତଙ୍କ ଶ୍ରଦ୍ଧାଞ୍ଜଳି ସଭା ମଣ୍ଡପ ସମ୍ମୁଖରେ ଶରତ ଚନ୍ଦ୍ର ମହାନ୍ତିଙ୍କ ପୌରୋହିତ୍ୟରେ ଅନୁଷ୍ଠିତ ହୋଇ ଯାଇଛି । କମିଟିର ସମସ୍ତ କର୍ମକର୍ତ୍ତା ଓ ସଦସ୍ୟମାନେ ପୁଷ୍ପାର୍ଘ୍ୟ ଅର୍ପଣ ପୂର୍ବକ ଭକ୍ତିପୁତ ଶ୍ରଦ୍ଧାଞ୍ଜଳି ଅର୍ପଣ ଓ ଦୁଇ ମିନିଟ ନିରବ ପ୍ରାର୍ଥନା କରିଥିଲେ । ଦୀର୍ଘ ୫୬ ବର୍ଷର ସମ୍ପାଦକ ଓ ବିଚକ୍ଷଣ ସଂଗଠକ ତଥା ମାନବବାଦୀ ନେତୃତ୍ୱ ସାରା ଚରମ୍ପା ଅଞ୍ଚଳକୁ ଦିଗ୍ଦର୍ଶନ ଦେଉଥିଲା । ସ୍ୱର୍ଗତ ଆତ୍ମାର ସ୍ମୃତିଚାରଣ ଆରମ୍ଭ କରିବାକୁ ଯାଇ ସ୍କୁଲରୋଡ଼ ପୂଜା କମିଟିର ମୁଖ୍ୟ ଉପଦେଷ୍ଟା ନରେନ ପଲେଇ, କାର୍ଯ୍ୟକାରୀ ସଭାପତି ଗଗନ ବିହାରୀ ରାଉତ, ଉପଦେଷ୍ଟା ଦିଲିପ ନାୟକ, କାର୍ଯ୍ୟକାରୀ ସଦସ୍ୟ କ୍ଷିତିଶ ଚନ୍ଦ୍ର ରାଉତ, ଶିକ୍ଷାବିତ୍ ନବକିଶୋର ପାତ୍ର, ପ୍ରଫୁଲ୍ଲ ପଲେଇ, ପଦ୍ମଲୋଚନ ମହାଳିକ, ବାବୁଲାଲ ଦାସ, ପ୍ରଦୀପ କୁମାର ମହାନ୍ତି, ରତିକାନ୍ତ ପରିଡ଼ା, ଆନନ୍ଦ ଚନ୍ଦ୍ର ପାଣିଗ୍ରାହୀ, କାର୍ଯ୍ୟକାରୀ ସସମ୍ପାଦକ ସଞ୍ଜୟ ତ୍ରିପାଠୀ, କାଳୀପୂଜା କମିଟିର ସଦସ୍ୟ ସନ୍ତୋଷ ଧଳ, କଲ୍ଲୋଳ ଲେଙ୍କା, କାଳୀପୂଜା କମିଟି ସଭାପତି ବିଭୁତି ଭୂଷଣ ସାହୁ, ଉପଦେଷ୍ଟଶ ସୀତାକାନ୍ତ ଦାସ, କମଳାକାନ୍ତ ପଟ୍ଟନାୟକ ସ୍ୱର୍ଗତ ଦତ୍ତଙ୍କ ସହିତ ବିତାଇଥିବା କିଛି ଅନ୍ତରଂଗ ମୁହୂର୍ତ୍ତର ସ୍ମୃତିଚାରଣ କରିଥିଲେ । ସୌଭାଗ୍ୟ ପରିଡ଼ା, ବିକ୍ରମ ପାଢୀ, ଗୋକୁଳ ପାଣ୍ଡିଆ, ସୁଶିଲ ଖୁଣ୍ଟିଆ, ହରି ବିଶ୍ୱାଳ, ସୁକାନ୍ତ ଦାସ ଉପସ୍ଥିତ ଥିବା ବେଳେ ଭରତ ପରିଡ଼ା, ଅଲେଖ ଚନ୍ଦ୍ର ହାତୀ ସଭା ପରିଚାଳନା କରିଥିଲେ । ଶେଷରେ ସଭାପତି ଶ୍ରଦ୍ଧାଞ୍ଜଳି ଅର୍ପଣ ପୂର୍ବକ ସଭାସାଙ୍ଗ ହୋଇଥିଲା ।
