ଝାରଗ୍ରାମ ୧୮-୩ (ଓଡ଼ିଆ ପୁଅ) ପଶ୍ଚିମବଙ୍ଗରେ ଆଠଟି ପର୍ଯ୍ୟାୟରେ ଭୋଟ୍ ଗ୍ରହଣ ଦେବାକୁ ଯାଉଛି। ଯାହା ମାର୍ଚ୍ଚ ୨୭ ରୁ ଆରମ୍ଭ ହେବ। କିନ୍ତୁ ଝାରଗ୍ରାମରେ ଜଣେ ୮୨ ବର୍ଷ ବୟସ୍କା ବୃଦ୍ଧା ପ୍ରଥମ ମତଦାନ କରିଛନ୍ତି। ସେ କେବଳ ଭୋଟ୍ ଦେଇନାହାଁନ୍ତି, ନିର୍ବାଚନ ଆୟୋଗ ମଧ୍ୟ ଏହି ଭୋଟ୍ କୁ ବୈଧ ଘୋଷଣା କରିଛନ୍ତି। ଯଦି ଆପଣ ଭାବୁଛନ୍ତି କି ଏହା କିପରି ସମ୍ଭବ, ଜାଣିବା ପାଇଁ ପଢ଼ନ୍ତୁ ନିୟମ
ସୂଚନାନୁସାରେ, ଝାରଗ୍ରାମରେ ୮୨ ବର୍ଷିୟ ବୃଦ୍ଧା ବସନ୍ତୀ ଭୋଟ୍ ଦେଇଛନ୍ତି କେବଳ ସେ ଏକୁଟିଆ ନୁହେଁ ବସନ୍ତୀଙ୍କ ବ୍ୟତୀତ ସମାନ ୱାର୍ଡର ଅନ୍ୟ ଛଅ ଜଣ ମତଦାନ କରିଥିଲେ। ଏହି ସମସ୍ତ ଲୋକଙ୍କର ବୟସ ୮୦ ବର୍ଷରୁ ଅଧିକ ଅଟେ।
ଏହି ନିୟମ ଦ୍ୱାରା ଭୋଟ୍ ଦେଇଛନ୍ତି।
ସୂଚନାଯୋଗ୍ୟଯେ, ଏଥର ନିର୍ବାଚନ ଆୟୋଗ ୮୦ ବର୍ଷରୁ ଅଧିକ ବୟସର ଲୋକଙ୍କୁ କିମ୍ବା ଗୁରୁତର ରୋଗରେ ପୀଡିତ ଥିବା ଲୋକଙ୍କୁ ପୋଷ୍ଟାଲ ବାଲାଟ ଦ୍ୱାରା ଭୋଟ୍ ଦେବାର ବିକଳ୍ପ ଦେଇଛନ୍ତି। ଏହା ଅଧୀନରେ ୭ ଜଣ ବରିଷ୍ଠନାଗରିକ ଝାରଗ୍ରାମରେ ଭୋଟ୍ ଦେଇଥିଲେ।
ମତଦାନ କିପରି ହୁଏ
ଯେତେବେଳେ ୮୨ ବର୍ଷିୟ ବସନ୍ତୀ ଭୋଟ୍ ଦେଇଥିଲେ, ସେତେବେଳେ ତାଙ୍କ ପରିବାର ସଦସ୍ୟଙ୍କୁ ମଧ୍ୟ ସେହି କୋଠରୀକୁ ଆସିବାକୁ ଦିଆଯାଇନଥିଲା। ବସନ୍ତୀ ଭୋଟ୍ କାଗଜରେ ଭୋଟ୍ ଦେଇଥିଲେ, ଯାହା ଏକ ସିଲ୍ ହୋଇଥିବା ଲଫାପାରେ ରଖାଯାଇଥିଲା। ନିର୍ବାଚନ ଆୟୋଗର ଅଧିକାରୀମାନେ କହିଛନ୍ତି ଯେ ସମଗ୍ର ପ୍ରକ୍ରିୟାର ମଧ୍ୟ ଭିଡିଓଗ୍ରାଫ୍ କରାଯାଇଛି। ପରିବାର ସଦସ୍ୟ କହିଛନ୍ତି ଯେ, ବସନ୍ତୀ ଠିକ୍ ଭାବରେ ଚାଲିବାରେ ଅସମର୍ଥ ଏବଂ ତାଙ୍କୁ ମତଦାନ ବୁଥକୁ ନେବା କଷ୍ଟସାଧ୍ୟ ହୋଇଥାନ୍ତା। ଯେତେବେଳେ ଘରର ସଦସ୍ୟମାନେ ନିର୍ବାଚନ ଆୟୋଗର ଏହି ସୁବିଧା ବିଷୟରେ ଜାଣିଲେ, ସେମାନେ ଏହି ସୁବିଧାର ଉପଯୋଗ କଲେ।
ଝାରଗ୍ରାମ ଜିଲ୍ଲାର ପାଞ୍ଚ ହଜାର ବରିଷ୍ଠ ନାଗରିକ ମତଦାନ କରିବେ
ସୂଚନାନୁସାରେ, ମାର୍ଚ୍ଚ ୨୭ ରେ ପ୍ରଥମ ପର୍ଯ୍ୟାୟରେ ଝାରଗ୍ରାମ ଜିଲ୍ଲାର ଚାରୋଟି ବିଧାନସଭା ଆସନରେ ନିର୍ବାଚନ ଅନୁଷ୍ଠିତ ହେବ। ଏଭଳି ପରିସ୍ଥିତିରେ ନିର୍ବାଚନ ଆୟୋଗର ୮୬ ଟି ଟିମ୍ ଆସନ୍ତା ଏକ ସପ୍ତାହ ପାଇଁ ୮୦ ବର୍ଷରୁ ଅଧିକ ବୟସ୍କଙ୍କ ଦ୍ୱାରରୁ ଦ୍ୱାର ଭୋଟ ଗ୍ରହଣ କରିବାକୁ ଯିବେ। କୁହାଯାଉଛି ଯେ, ଝାରଗ୍ରାମ ଜିଲ୍ଲାରେ ପ୍ରାୟ ୫୭୧୫ ଭୋଟର ଅଛନ୍ତି ଯେଉଁମାନେ ଏହି ସୁବିଧା ପାଇଁ ଆବେଦନ କରିଛନ୍ତି।
ସୂଚନାଯୋଗ୍ୟ, ବେଙ୍ଗଲରେ ସମୁଦାୟ ଆଠଟି ପର୍ଯ୍ୟାୟରେ ସମସ୍ତ ୨୯୪ ଟି ଆସନରେ ଭୋଟିଂ ଅନୁଷ୍ଠିତ ହେବ। ମାର୍ଚ୍ଚ ୨୭ ରେ ପ୍ରଥମ ପର୍ଯ୍ୟାୟ ପାଇଁ ଭୋଟ୍ ଗ୍ରହଣ କରାଯିବ, ଶେଷ ପର୍ଯ୍ୟାୟ ଏପ୍ରିଲ୍ ୨୯ ରେ ହେବ। ମେ ୨ ରେ ଭୋଟ୍ ଗଣତି ହେବ ଫଳାଫଳ ଘୋଷଣା କରାଯିବ।
