ଭଦ୍ରକ, ୧ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ବ୍ଲକ ଅନ୍ତର୍ଗତ ଦିହୁଡି ଆନନ୍ଦପୁର ସ୍ଥିତ ହନୁମାନ ମନ୍ଦିର ପରିସରରେ ନୂଆ ବର୍ଷ ଉପଲକ୍ଷେ ଶୁଭମ ମ୍ୟୁଜିକ ପ୍ରସ୍ତୁତ ‘ଆସିଛି ରେ ନୂଆ ବରଷ’ କ୍ୟାସେଟ ଉନ୍ମୋଚିତ ହୋଇଯାଇଛି। ଏହି କ୍ୟାସେଟ ରେ ଗୁରୁ ତଥା ରାଷ୍ଟ୍ରପତି ପୁରସ୍କାର ପ୍ରାପ୍ତ ସଙ୍ଗୀତ ନିର୍ଦ୍ଦେଶକ ଦିନେଶ କୁମାର ମଲ୍ଲିକ ସଙ୍ଗୀତ ନିର୍ଦ୍ଦେଶନା ଦେଇଥିଲେ। ବରିଷ୍ଠ ଗିତିକାର ଶରତ ପାତ୍ର ଓ ଶିକ୍ଷୟିତ୍ରୀ ତଥା ଚ୍ଚଳଚିତ୍ର ଗୀତିକାର ନଳିନୀ ପ୍ରଭା ଦାସ ଗୀତ ଗୁଡ଼ିକୁ ରଚନା କରିଥିଲେ। ଏହି କ୍ୟାସେଟ ରେ ସୁନାମଧନ୍ୟ କଣ୍ଠଶିଳ୍ପୀ ଅରୂପମା ନାୟକ, ସାଈଶ୍ରୀ ପୃଷ୍ଟି, ବିଜୟିନୀ ଦାଶ, ମହିମା ମଞ୍ଜରୀ ପାଗଳ, ଶ୍ରଦ୍ଧା ସୁମନ ତ୍ରିପାଠୀ, ପ୍ରିୟଙ୍କା ପ୍ରିୟଦର୍ଶିନୀ ପରିଡ଼ା, ବିଜୟା ଲକ୍ଷ୍ମୀ ଶତପଥୀ ଓ ଅଂଶୁମାନ ପଣ୍ଡା କଣ୍ଠଦାନ କରିଥିଲେ। ଅତିଥି ଭାବରେ ମା ଶାରଦା ଦେବୀ କଲେଜ ର ପୂର୍ବତନ ଅଧ୍ୟକ୍ଷ ଗଦାଧର ସାହୁ, ସମାଜସେବୀ ରାଜେନ୍ଦ୍ର ରାଉତରାୟ ଓ ଯାଜପୁର ଥାନା ଅଧିକାରୀ ଶରତ ପାତ୍ର ଯୋଗ ଦେଈଥିଲେ। ହରିହର ପାଗଳ କାର୍ଯ୍ୟକ୍ରମ କୁ ସଂଚାଳନ କରିଥିଲେ।
