ନୂଆ ଦିଲ୍ଲୀ ୨୨-୧ (ଓଡ଼ିଆ ପୁଅ) : ନାଗରିକତା ସଂଶୋଧନ ଆଇନ୍ ଅର୍ଥାତ୍ CAA ନେଇକରି ସୁପ୍ରୀମ କୋର୍ଟରେ ଆଜି ୧୪୪ ଯାଚିକାଗୁଡ଼ିକର ଶୁଣାଣି ହୋଇଥିଲା। ଅଧିକାଂଶ ଯାଚିକାରେ CAA ର ବିରୋଧ କରାଯାଇଛି, ତା’ ସହିତ ହିଁ ଏନପିଆର ଏବଂ ସମ୍ଭାବିତ ଏନଆରସି ଉପରେ ମଧ୍ୟ ପ୍ରଶ୍ନ ଉଠାଯାଇଛି।
୧୭ ଡିସେମ୍ବରରେ ହୋଇଥିବା ଶୁଣାଣିରେ କୋର୍ଟ ଆଇନ୍ ଉପରେ ରୋକ ଲଗାଇବା ପାଇଁ ମନା କରିଥିଲେ। କୋର୍ଟ ସରକାରଙ୍କଠାରୁ ଯାଚିକାଗୁଡ଼ିକ ଉପରେ ଜବାବ ମାଗିଥିଲେ ଏବଂ କହିଥିଲେ କି ଜାନୁଆରୀରେ ଏହି ମାମଲାରେ ବିସ୍ତାରରେ ଶୁଣାଣି ହେବ। ସେତେବେଳେ କୌଣସି ଆଦେଶ ଦିଆଯିବ।
ଆଜି ଏହି ମାମଲାରେ ଚିଫ ଜଷ୍ଟିସ ଏସ ଏ ବୋବଡ଼େ, ଜଷ୍ଟିସ ଏସ ଅବ୍ଦୁଲ ନଜୀର ଏବଂ ଜଷ୍ଟିସ ସଂଜୀବ ଖାନ୍ନାଙ୍କ ଆଗରେ ଯାଚିକାଗୁଡ଼ିକର ଶୁଣାଣି ପାଇଁ ଲାଗିଥିଲା। ସେଗୁଡ଼ିକ ମଧ୍ୟରେ ଆସମ ପ୍ରଦେଶ କଂଗ୍ରେସ, ସିପିଏମ, କଂଗ୍ରେସ ନେତା ଜୟରାମ ରମେଶ, AIMIM ସାଂସଦ ଅସଦୁଦ୍ଦୀନ ଓବୈସୀ, ତୃଣମୂଲ କଂଗ୍ରେସ ନେତା ମହୁଆ ମଇତ୍ର, ଆରଜେଡି ନେତା ମନୋଜ ଝା, ଇଂଡିଆନ ୟୁନିୟନ ମୁସ୍ଲିମ ଲୀଗ, ଜମୀୟତ ଉଲେମା ଏ ହିନ୍ଦର ଯାଚିକା ସାମିଲ ଅଛି। ତା’ ବ୍ୟତୀତ କେରଳ ସରକାର ମଧ୍ୟ ଯାଚିକା ଦାଖଲ କରିଛନ୍ତି। ତାହା ଉପରେ ମଧ୍ୟ ଆଜି ଶୁଣାଣି ହେବାରଥିଲା।
ଏହା ବ୍ୟତୀତ ଅନେକ ଯାଚିକାଗୁଡ଼ିକରେ NPR ଏବଂ NRC ର ମଧ୍ୟ ପ୍ରଶ୍ନ ଉଠାଯାଇଛି। NRC ଉପରେ ପ୍ରଧାନମନ୍ତ୍ରୀ ଏବଂ ଗୃହ ମନ୍ତ୍ରୀଙ୍କର ବୟାନରେ ବିରୋଧାଭାସ ହେବାର ଦଲୀଲ ଦେଇ କୋର୍ଟରେ ସରକାରଙ୍କଠାରୁ ସ୍ପଷ୍ଟୋକ୍ତି ଦାବି କରାଯାଇଛି। ଯାଚିକାକର୍ତା ଚାହାଁନ୍ତି କି କୋର୍ଟ ସରକାରଙ୍କୁ ପଚାରନ୍ତୁ କି NPR, NRC ର ପ୍ରସ୍ତୁତି ପାଇଁ କରାଯାଉଛି କି ନାହିଁ। ଯାଚିକାଗୁଡ଼ିକରେ ସରକାରଙ୍କୁ NRC ଆଣିବାକୁ ରୋକିବା ପାଇଁ ମଧ୍ୟ ଦାବି କରାଯାଇଛି।
ସମସ୍ତ ଯାଚିକାଗୁଡ଼ିକରେ ସଂସଦରେ ପାଶ୍ ହୋଇଥିବା ନୂଆ ଆଇନ୍ କୁ ସଂବିଧାନ ବିରୁଦ୍ଧରେ ବୋଲି କୁହାଯାଇଛି।
CAA ମାମଲାରେ ୧୪୪ ଯାଚିକାଗୁଡ଼ିକ ସୁପ୍ରୀମ କୋର୍ଟରେ ଏକତ୍ର ଶୁଣାଣି ହୋଇଥିଲା। CJI କୋର୍ଟ ରୁମରେ ପ୍ରବଳ ଭିଡ଼ ଦେଖିବାକୁ ମିଳିଥିଲା। ଶୁଣାଣି ସମୟରେ ସୁପ୍ରୀମ କୋର୍ଟ କହିଲେ କି ଆମେ କିଛି ଯାଚିକାଗୁଡ଼ିକୁ ବଡ଼ ବେଞ୍ଚ ନିକଟକୁ ପଠାଇପାରୁ। ଏହାପରେ ଆଟର୍ଣ୍ଣି ଜେନେରାଲ୍ କହିଲେଯେ, ୧୪୪ ଯାଚିକା ଅଛି। ଆମକୁ ବର୍ତ୍ତମାନ ପର୍ଯ୍ୟନ୍ତ ୬୦ଟି ମିଳିଛି। ଆମେ ତା ଉପରେ ଉତ୍ତର ଦେଇପାରିବୁ। ଯେତେବେଳେ ବାକୀ ମିଳିବ ସେତେବେଳେ ଉତ୍ତର ଦେବୁ।
ବରିଷ୍ଠ ଓକିଲ କପିଲ ସିବ୍ବଲ କହିଲେ ଆଜି ଆପଣ ଏହା ସ୍ଥିର କରନ୍ତୁ କି ମାମଲା ସଂବିଧାନ ପୀଠକୁ ଯିବ କି ନାହିଁ। ଆମେ ରହିତାଦେଶ ମାଗୁ ନାହୁଁ କିନ୍ତୁ ନାଗରିକତା ଦେଇକରି ଫେରସ୍ତ ନିଆଯାଇନପାରେ। ସେଥିପାଇଁ କିଛି ଆଦେଶ ହେବା ଆବଶ୍ୟକ। ତା’ ସହିତ ସିଂଘବୀ କହିଲେ କି ୟୁପି ରେ ୪୦ ହଜାର ଲୋକଙ୍କୁ ଚିହ୍ନିତ କରାଯାଇଛି। ସିବ୍ବଲ ଏହି ବିଷୟ ଉପରେ ବିଶେଷ ଭାବରେ ଶୁଣାଣିର ତାରିଖ ସ୍ଥିର କରିବା ପାଇଁ କହିଥିଲେ। ଆସାମର ଜଣେ ଯାଚିକାକର୍ତ୍ତାଙ୍କର ଓକିଲ ବିକାସ ସିଂହ ଆଜି ଅନ୍ତରୀଣ ଆଦେଶ ପାଇଁ ଦାବି କରିଥିଲେ।
ଆଟର୍ଣ୍ଣି ଜେନେରାଲ୍ କହିଲେ କି ଆମେ ତାଙ୍କର ଯାଚିକା ମଧ୍ୟ ଦେଖିନାହୁଁ। ଚିଫ ଜଷ୍ଟିସ କହିଲେ କି ଆମେ ଏକତରଫା ଆଦେଶ ଦେଇପାରିବୁ ନାହିଁ। ବିକାସ ସିଂହ କହିଲେ କି ୪୦ ଲକ୍ଷ ଲୋକମାନଙ୍କୁ ନାଗରିକତା ମିଳିବ। ଏହା ଫଳରେ ଅାସାମର ଅନେକ ଅଞ୍ଚଳର ଡେମୋଗ୍ରାଫି ବଦଳିଯିବ।
ଶୁଣାଣି ସମୟରେ ବରିଷ୍ଠ ଓକିଲ ଇନ୍ଦିରା ଜୟସିଂହ କହିଲେ – ଏହି ମାମଲାକୁ ମଧ୍ୟ ପ୍ରାଥମିକତା ଦେବାକୁ ହେବ। ବରିଷ୍ଠ ଓକିଲ ରାଜୀବ ଧବନ କହିଲେ କି ସମୟ ଗଡ଼ିବା ପରେ ପରିବର୍ତ୍ତିତ ସ୍ଥିତି ବଦଳାଯାଇ ପାରିବ ନାହିଁ। ଏହା ଉପରେ ଚିଫ ଜଷ୍ଟିସ କହିଲେ କି ପ୍ରତ୍ୟେକ ଯାଚିକା ସରକାରଙ୍କ ପାଖରେ ପହଁଚିବା ଜରୁରୀ ଅଟେ। ରାଜୀବ ଧାୱନ କହିଲେ କି ସଂଖ୍ୟାରୁ ଅଧିକ ବିଷୟ ଜରୁରୀ ଅଟେ, ପ୍ରତ୍ୟେକ ପକ୍ଷ ଓକିଲଙ୍କର ସୀମା ତୟ କରନ୍ତୁ।
ଇତି ମଧ୍ୟରେ ସୁପ୍ରୀମ କୋର୍ଟ ଅନ୍ତରୀଣ ଆଦେଶ ଦେବାକୁ ମନା କଲେ।
ଆଟର୍ଣ୍ଣି ଜେନେରାଲ୍ କହିଲେ କି ଆପଣ ୧୪୪ ରୁ ଆଗକୁ କୌଣସି ଅଧିକ ଯାଚିକାକୁ ଲିଷ୍ଟ ନ କରିବା ପାଇଁ ଆଦେଶ ଦିଅନ୍ତୁ, ସଲିସିଟର ଜେନେରାଲ ମଧ୍ୟ ପ୍ରସ୍ତାବକୁ ଦୋହରାଇଥିଲେ। ତା’ ପରେ କପିଲ ସିବ୍ବଲ ପୁନଃ କହିବା ଆରମ୍ଭ କଲେ। ସିବ୍ବଲ କହିଲେ କି ଆଜି ଅତି କମରେ ସଂବିଧାନିକ ଖଣ୍ଡପୀଠର ଗଠନ ପାଇଁ ଆଦେଶ ଦିଆଯାଉ। ଆମେ ଆଇନ୍ ଉପରେ ରହିତାଦେଶ ମାଗୁନାହୁଁ। ଆପଣ ଏହାର ବ୍ୟବହାରକୁ ୨ମାସ ପାଇଁ ନିଲମ୍ବିତ କରି ଦିଅନ୍ତୁ। ଆଟର୍ଣ୍ଣି ଜେନେରାଲ୍ କହିଲେ ଆପଣ ଅନ୍ୟ ପ୍ରକାରରେ ରହିତାଦେଶ ମାଗୁଛନ୍ତି। ଚିଫ ଜଷ୍ଟିସ ମଧ୍ୟ କହିଲେ କି ଏମିତି କରିବାକୁ ମଧ୍ୟ ରହିତାଦେଶ ମାନାଯିବ।
ଜଣେ ଯାଚିକାକର୍ତାଙ୍କର ଓକିଲ ଦଲୀଲ ଦେଲେ କି ଲୋକମାନଙ୍କର ନାଗରିକତା ସରକାରୀ ବାବୁମାନଙ୍କର ଭରସାରେ ଛାଡ଼ି ଦିଆଯିବ। ଆଟର୍ଣ୍ଣି ଜେନେରାଲ୍ ଏହାର ବିରୋଧ କରିଥିଲେ।
କିଛି ଓକିଲ ଆସାମ ସମ୍ବନ୍ଧିତ ମାମଲାକୁ ଅଲଗାରେ ଶୁଣାଣି କରିବାକୁ ଦାବି କରିଥିଲେ। CJI ସେହି ଯାଚିକାଗୁଡ଼ିକର ତଥ୍ୟ ଦେବାକୁ କହିଥିଲେ। ଚିଫ ଜଷ୍ଟିସ ଆଟର୍ଣ୍ଣି ଜେନେରାଲ୍ ଙ୍କୁ ପଚାରିଥିଲେ କି ଆପଣ ଆସାମ ମାମଲାରେ ଉପରେ କେବେ ଉତ୍ତର ଦେବେ? ଆଟର୍ଣ୍ଣି ଜେନେରାଲ୍ କହିଲେ କି ଦୁଇ ସପ୍ତାହରେ ଉତ୍ତର ଦେବେ।
କପିଲ ସିବ୍ବଲ କହିଲେ କି ୟୁପିରେ ଲୋକମାନଙ୍କର ନାମ ଆଗରେ ଠିକ ଏବଂ ଭୁଲ୍ ଲଗା ଯାଉଛି, ଏହାଦ୍ୱାରା ଭୟର ମାହୌଲ ଦେଖାଗଲାଣି। ଏହା ସବୁ ୨ ମାସ ପାଇଁ ରୋକି ଦେଲେ କ’ଣ କ୍ଷତି ହୋଇଯିବ। ସିବ୍ବଲ ଏହା ମଧ୍ୟ କହିଲେ କି ବର୍ତ୍ତମାନ ଆଇନ୍ ର ନିୟମ ସ୍ଥିର ହୋଇନାହିଁ କିନ୍ତୁ ଉତ୍ତର ପ୍ରଦେଶ ସରକାର କାର୍ଯ୍ୟ ଆରମ୍ଭ କରି ଦେଲେଣି।
ଜଣେ ଓକିଲ ଆସାମ ସହିତ ତ୍ରିପୁରା ଉପରେ ମଧ୍ୟ ଶୁଣାଣି ପାଇଁ ମାଙ୍ଗ କରିଥିଲେ, ସେ କହିଥିଲେ କି ଯଦି ଆସାମ ପରି ତ୍ରିପୁରାର ମଧ୍ୟ ଶୁଣାଣି ହେଉ।
ଆଟର୍ଣ୍ଣି ଜେନେରାଲ୍ କହିଲେ କି ବର୍ତ୍ତମାନ ମଧ୍ୟ ଆମକୁ ୮୪ଟି ଯାଚିକାର ଉତ୍ତର ଦେବାକୁ ହେବ, ଏଥିପାଇଁ ୬ ସପ୍ତାହ ସମୟ ଲାଗିବ। ଯାଚିକାକର୍ତାମାନଙ୍କ ତରଫରୁ ଉପସ୍ଥିତ ଓକିଲମାନେ ଏତେ ସମୟ ପାଇଁ ବିରୋଧ କରିଥିଲେ।
ଇତି ମଧ୍ୟରେ ହିଁ ଏକ ବଡ଼ ଖବର ସୁପ୍ରୀମ କୋର୍ଟରୁ ଆସିଥିଲା କି ଏହି ମାମଲାରେ ଏବେ ଅନ୍ୟ ନୂତନ ଯାଚିକା ସ୍ବୀକାର କରାଯିବ ନାହିଁ। ବର୍ତ୍ତମାନର ୧୪୪ ଯାଚିକାଗୁଡ଼ିକ ଉପରେ ହିଁ ଶୁଣାଣି ହେବ।
ଶୁଣାଣିରେ ସମସ୍ତ ପକ୍ଷର ଦଲୀଲ ଶୁଣିବା ପରେ ଚିଫ ଜଷ୍ଟିସ କହିଲେ କି ଆମେ ସରକାରଙ୍କୁ ୬ ନୁହେଁ, ୪ ସପ୍ତାହ ସମୟ ଦେଉଛୁ, ବର୍ତ୍ତମାନ କୌଣସି ଆଦେଶ ଦେଉନାହୁଁ। ସିଜେଆଇ କହିଲେ କି ସମସ୍ତ ଯାଚିକାଗୁଡ଼ିକ ଉପରେ ସରକାର ଚାରି ସପ୍ତାହରେ ଉତ୍ତର ଦେବେ। ମାମଲାର ଶୁଣାଣିର ପ୍ରକ୍ରିୟା ସ୍ଥିର କରିବା ପାଇଁ ଜଜ ବରିଷ୍ଠ ଓକିଲମାନଙ୍କ ସହିତ ବୈଠକ କରିବେ। ଆସାମ ଉପରେ ଅଲଗା ହେବ ନାହିଁ।
