ଭଦ୍ରକ, ୨୮ା୧୦ (ଓଡିଆ ପୁଅ / ସ୍ନିଗ୍ଧା ରାୟ)- ଭଦ୍ରକ ଜିଲା ଧାମରା ନିକଟସ୍ଥ କଇଥଖୋଲା ପୂର୍ଣ୍ଣପ୍ରସାଦ ଗ୍ରାମରେ ଆଜି ବିିଦ୍ୟୁତ ସଟସର୍କିଟରୁ ନିଆଁ ଲାଗି ୨ବଖର ଘର ସଂପୂର୍ଣ ଭସ୍ମୀଭୂତ ହୋଇଯାଇଛି । ପ୍ରାପ୍ତ ଖବରରୁ ଜଣାଯାଇଛି ଆଜି ମଧ୍ୟାହ୍ନ ସମୟରେ ରେଣୁକା ମାଇତି ନିଜ ଘରେ ନଥିବା ସମୟରେ ବିଦ୍ୟୁତ ସଟ ସର୍କିଟରୁ ନିଆଁ ଲାଗି ସଂପୂର୍ଣ ୨ବଖର ଘର ଭସ୍ମୀଭୂତ ହୋଇଯାଇଛି । ପଡୋଶୀ ମାନେ ଏହି ନିଆଁକୁ ଦେଖି ଧାମରା ଦମକଳ ବାହିନୀକୁ ଖବର ଦେଇଥିଲେ । ଦମକଳବାହିନୀ ସେଠାରେ ପହଂଚିବା ବେଳକୁ ରେଣୁକା ମାଇତିଙ୍କ ଘର ସଂପୂର୍ଣ ଜଳିପୋଡି ପାଉଁଶ ହୋଇ ଯାଇଥିଲା । ପରେ କଇଥଖୋଲା ରାଜସ୍ୱ ନିରୀକ୍ଷକ ଯାଇ କ୍ଷତି ଆକଳନ କରି ଚାନ୍ଦବାଲି ତହସିଲଦାରଙ୍କୁ କ୍ଷୟକ୍ଷତି ବିଷୟରେ ଜଣାଇଥିବା ବେଳେ ତୁରନ୍ତ ସଂପୃକ୍ତ ନିରାଶ୍ରୟାଙ୍କୁ ସରକାରୀ ସାହାଯ୍ୟ ଯୋଗାଇ ଦେବା ସହ ପ୍ରଧାନମନ୍ତ୍ରୀ ଆଓାସ ଯୋଜନାରେ ଏକ ଘର ଯୋଗାଇ ଦେବାକୁ ଅଂଚଳବାସୀ ଦାବୀ ଜଣାଇଛନ୍ତି ।
