ଭଦ୍ରକ, ୧୪ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଧାମରା ମକର ସଂକ୍ରାନ୍ତି ଅବସରରେ ଧାମରା ର ମୁଖପତ୍ର ‘ଧାମରା ଶ୍ରୀ’ ଉନ୍ମୋଚିତ ହୋଇଯାଇଛି। ଏହି ଅବସରରେ କନିକାରାଜା ଶିବେନ୍ଦ୍ର ନାରାୟଣ ଭଞ୍ଜଦେଓ ଏବଂ ରାଣୀ ମୃଣାଳିନୀ ଦେବୀ ଆସି ଧାମରାରେ ପହଂଚିବା ପରେ ଫୁଲତୋଡା ଦେଇ ତାଙ୍କୁ ସ୍ୱାଗତ କରିବା ପରେ ଧାମରା ଗଙ୍ଗାମାତା ପଡିଆରୁ ଏକ ବିଶାଳ ଶୋଭାଯାତ୍ରାରେ ତାଙ୍କୁ ତାଙ୍କ ନିଜର ମନ୍ଦିର ମା ଧାମରାଇଙ୍କ ନିକଟକୁ ପାଛୋଟି ନେଇଥିଲେ। ସେଠାରେ କନିକା ରାଜା ଶିବେନ୍ଦ୍ର ନାରାୟଣ ଭଞ୍ଜଦେଓ ଏବଂ ତାଙ୍କ ପତ୍ନୀ ରାଣୀ ମୃଣାଳିନୀ ଦେବୀ ପହଂଚି ମନ୍ଦିରରେ ପୂଜାର୍ଚନା କରିଥିଲେ। ପରେ ମନ୍ଦିର ପରିଚାଳନା କମିଟି ର ସମସ୍ତ ସଦସ୍ୟ ମାନେ ରାଜା ଏବଂ ରାଣୀଙ୍କୁ ଭେଟିବା ସହ ମା ଧାମରାଇ ମନ୍ଦିରର ସମସ୍ତ ବିଷୟରେ ଅବଗତ କରାଇଥିଲେ। ପରେ ମନ୍ଦିର ପ୍ରାଙ୍ଗଣରେ ଧାମରା ଅଂଚଳର ମୁଖପତ୍ର ଧାମରା ଶ୍ରୀ ପତ୍ରିକା ର ଶୁଭଉନ୍ମୋଚନ କରିଥିଲେ। ଏହି ଅବସରରେ ଧାମରା ଶ୍ରୀ ପତ୍ରିକାର ଉତୋରତର କାମନା କରିବା ସହ ଧାମରା ଅଂଚଳବାସୀଙ୍କୁ ସାଧୁବାଦ ଜଣାଇଥିଲେ। ଏହି ପତ୍ରିକା ଉନ୍ମୋଚନ ସମୟରେ ଧାମରା ମତ୍ସ୍ୟଜିବୀ କମିଟିର ପୂର୍ବତନ ସଂପାଦକ ପ୍ରଫୁଲ ଜେନା, ମା ଧାମରାଇ ମନ୍ଦିର ପରିଚାଳନା କମିଟିର ସୁରେଶ ମାହୁନ୍ତ, ପାପା ଜେନା, ପ୍ରମୋଦ ନାୟକ, ସୋନୁ ଲେଙ୍କା, ଅଭିମନ୍ୟୁ ରାଉତ, ନିତ୍ୟାନନ୍ଦ ମହାକୁଡ,ସୁଦର୍ଶନ ଲେଙ୍କା, ଚିତ ମହାନ୍ତି ମନ୍ଦିର ପୂଜାପଣ୍ଡା ସୁବାଶ ପଣ୍ଡା ଙ୍କ ସମେତ ବହୁ ଭକ୍ତମାନେ ଉପସ୍ଥିତ ଥିଲେ।
