ଭଦ୍ରକ, ୧୪ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ଆଥଲେଟିକ୍ ଆସୋସିଏସନ୍ ଆନୁକୂଲ୍ୟରେ ଦ୍ୱିତୀୟ ଜିଲ୍ଲା ସ୍ତରୀୟ ସାଇକେଲ ଚାଳନା ପ୍ରତିଯୋଗିତା ରବିବାର ପୂର୍ବାହ୍ନରେ ଅନୁଷ୍ଠିତ ହୋଇଯାଇଛି। ଏହି ପ୍ରତିଯୋଗିତାରେ ମୋଟ ୪୨୦ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ପ୍ରତିଯୋଗିତାଟି ଏସ୍.ବି.ଡି. ଇଂଟରନ୍ୟାସନାଲ୍ ସ୍କୁଲ ନିକଟରୁ ଆରମ୍ଭ ହୋଇ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଶେଷ ହୋଇଥିଲା। ସେଠାରେ ଆୟୋଜିତ ପୁରସ୍କାର ପ୍ରଦାନ ଉତ୍ସବରେ ଭଦ୍ରକ ଜିଲ୍ଲାପାଳ ଦିଲିପ ରାଉତରାୟ ଅଧ୍ୟକ୍ଷତା କରିଥିଲେ। ଅତିଥି ରୂପେ ଭଦ୍ରକ ବିଧାୟକ ସୀତାଂଶୁ ଶେଖର ମହାପାତ୍ର, ଭଣ୍ଡାରିପୋଖରୀ ବିଧାୟକ ସଞ୍ଜିବ କୁମାର ମଲ୍ଲିକ ଓ ଓଡିଶା ସାଇକ୍ଲିଂ ଆସୋସିଏସନର ସାଧାରଣ ସମ୍ପାଦକ ପ୍ରସନ୍ନ କୁମାର ରାଉତ ପ୍ରମୁଖ ଯୋଗ ଦେଇଥିଲେ। ଆଥଲେଟିକ୍ ଆସୋସିଏସନ୍ର ଉପସଭାପତି ଅଧ୍ୟାପକ ବିଜୟ କୁମାର ଜେନା ଉତ୍ସବ ସଂଚାଳନ କରିଥିବା ବେଳେ ସାଧାରଣ ସଂପାଦକ ଧୀରେନ୍ ପଲାଇ ପ୍ରତିଯୋଗିତାର ବିବରଣୀ ପ୍ରଦାନ କରିଥିଲେ। ଧନ୍ୟବାଦ ଅର୍ପଣ କରିଥିଲେ ଯୁଗ୍ମ ସଂପାଦକ ଆଇନଜୀବୀ ଅତିଶ୍ କୁମାର ବେହେରା। ଯେଉଁ ସଫଳ ପ୍ରତିଯୋଗୀ ମାନଙ୍କୁ ପଦକ ପ୍ରଦାନ କରାଯାଇଥିଲା, ସେମାନେ ହେଲେ – ୫ ବର୍ଷରୁ କମ୍ ବାଳକ ବାଳିକା ଙ୍କୁ ନେଇ ଗଠିତ ‘ଆର୍ଲି-ବାର୍ଡ’ ଶ୍ରେଣୀରେ ଯଥାକ୍ରମେ ହୟଂସ୍ ସୋମାନୀ, ଅଭିରାଜ ଆନନ୍ଦ ଏବଂ ଏହାନ୍ ଜାୱେଦ୍, ୧୦ ବର୍ଷରୁ କମ୍ ଶିଶୁ ବର୍ଗରେ ଗୀତେଶ୍ୱର ନାୟକ, ସାଇ ନିର୍ମାଲ୍ୟ ମହାକୁଡ଼ ଓ ପ୍ରିୟମ୍ବଦା ନାୟକ, ୧୪ ବର୍ଷରୁ କମ୍ ବାଳିକା ବର୍ଗରେ ଯଥାକ୍ରମେ ସସ୍ମିତା ପଣ୍ଡା, ସଂଚିତା ବାହାଚରଣ ଓ ଜିସ୍ମୟୀ ନାୟକ, ବାଳକ ବର୍ଗରେ ହର୍ଷିତ ନାୟକ, ପ୍ରକାଶ ଖଟୁଆ ଓ ରତିକାନ୍ତ ଜେନା, ୧୭ ବର୍ଷରୁ କମ୍ ବାଳିକା ବର୍ଗରେ ଅନୁସୂୟା ନନ୍ଦି, ସୁରଜିତା ମହାରଣା ଓ ଲକ୍ଷୀତା ପଣ୍ଡା, ଏବଂ ବାଳକ ବର୍ଗରେ ସତ୍ୟଜିତ ଗୋଚ୍ଛାୟତ, ରିପୁଣ୍ୟ ନାୟକ ଓ ଆକାଶ ମଲ୍ଲିକ, ୧୭ ବର୍ଷରୁ ଉର୍ଦ୍ଧ୍ୱ ବାଳିକା ବର୍ଗରେ ପ୍ରିୟଙ୍କା ମହାପାତ୍ର, ସୁମନ ସାହୁ ଓ ଅନିଶା ସ୍ୱାଇଁ, ବାଳକ ବର୍ଗରେ ଓମ୍ ପ୍ରକାଶ ସ୍ୱାଇଁ, ସଚୀନ ଜେନା ଓ ସୂର୍ଯ୍ୟକାନ୍ତ ରାହୁଳ। ପ୍ରତିଯୋଗିତା ପରିଚାଳନା କରିଥିଲେ ଓଡିଶା ସାଇକ୍ଲିଂ ଆସୋସିଏସନ୍ ର ଉପସଭାପତି ନୃସିଂହ ଚରଣ ସାହୁ, ଯୁଗ୍ମ ସଂପାଦକ ଗୋପିନାଥ ପଣ୍ଡା, ସଦସ୍ୟ ରାମକୃଷ୍ଣ ଦାସ ଓ ଦିଲିପ ନଟିଆ। ସହଯୋଗ କରିଥିଲେ ଭଦ୍ରକ ଜିଲ୍ଲା ଆଥଲେଟିକ୍ ଆସୋସିଏସନ୍ ର ସାଇକ୍ଲିଂ ସଂପାଦକ ସଂଗ୍ରାମୀ ଦେବୀଦତ ନାୟକ, କ୍ରୀଡା ଅଧ୍ୟାପକ ମନୋଜ ସାହୁ ଏବଂ କ୍ରୀଡା ଅଧ୍ୟାପକ ରବି ନାରାୟଣ ଓଝା।
