ନୂଆ ଦିଲ୍ଲୀ ୧୧-୫ (ଓଡ଼ିଆ ପୁଅ) ମଙ୍ଗଳବାର ଦିନ ଭାରତରେ କରୋନାଭାଇରସର ୩, ୨୯, ୯୪୨ ଟି ନୂତନ ସଂକ୍ରମଣ ରେକର୍ଡ ହୋଇଛି ଏବଂ ଏହି ସଂକ୍ରମଣ ହେତୁ ୩, ୮୭୬ ଜଣଙ୍କର ମୃତ୍ୟୁ ଘଟିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ସେୟାର ହୋଇଥିବା ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ଦେଶରେ ସମୁଦାୟ ୩, ୫୬, ୦୮୨ ଜଣ ରୋଗୀ ଆରୋଗ୍ୟ ହୋଇ ଡିସଚାର୍ଜ ହୋଇଛନ୍ତି, ଯାହା ସମୁଦାୟ ଆରୋଗ୍ୟ ହାରକୁ ୧, ୯୦, ୨୭, ୩୦୪ କୁ ବୃଦ୍ଧି କରିଛି। ତଥ୍ୟରେ ଦର୍ଶାଯାଇଛି ଯେ ଭାରତରେ COVID-୧୯ ର ମୋଟ ମାମଲା ବର୍ତ୍ତମାନ ୨, ୨୬, ୬୨, ୫୭୫ ରେ ପହଞ୍ଚିଛି, ଯେଉଁଥିରେ ୩୭, ୧୫, ୨୨୧ ସକ୍ରିୟ ମାମଲା ରହିଛି। ଦେଶରେ ମୋଟ ମୃତ୍ୟୁ ସଂଖ୍ୟା ବର୍ତ୍ତମାନ ୨, ୪୯, ୯୯୨ ରେ ପହଞ୍ଚିଛି। ଭାରତରେ COVID-୧୯ ବିରୋଧରେ ଏପର୍ଯ୍ୟନ୍ତ ସମୁଦାୟ ୧୭, ୨୭, ୧୦, ୦୬୬ ଲୋକଙ୍କୁ ଟିକା ଦିଆଯାଇଛି।
ଭାରତର COVID-୧୯ ସଂକ୍ରମଣ ଏହିପରି ଥିଲା
– ଅଗଷ୍ଟ ୭ ରେ ୨୦ ଲକ୍ଷ
– ୨୩ ଅଗଷ୍ଟରେ ୩୦ ଲକ୍ଷ
– ସେପ୍ଟେମ୍ବର ୫ ରେ ୪୦ ଲକ୍ଷ
– ସେପ୍ଟେମ୍ବର ୧୬ ରେ ୫୦ ଲକ୍ଷ
– ସେପ୍ଟେମ୍ବର ୨୮ରେ ୬୦ ଲକ୍ଷ
– ଅକ୍ଟୋବର ୧୧ ରେ ୭୦ ଲକ୍ଷ
– ଅକ୍ଟୋବର ୨୯ ରେ ୮୦ ଲକ୍ଷ
– ନଭେମ୍ବର ୨୦ ରେ ୯୦ ଲକ୍ଷ
– ଡିସେମ୍ବର ୧୯ ରେ ୧ କୋଟି ଅତିକ୍ରମ କରିଥିଲା। ଏବଂ
ମେ ୪ ରେ ଭାରତ ୨ କୋଟି ଅତିକ୍ରମ କରିଥିଲା।
ଏବେ, ଭାରତରେ ପ୍ରଥମେ ଚିହ୍ନଟ ହୋଇଥିବା କରୋନାଭାଇରସର B.1.617 ଭ୍ୟାରିଏଣ୍ଟକୁ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଚିନ୍ତା ପ୍ରକଟ କରିଛି। WHO ର COVID-୧୯ ବୈଷୟିକ ଡଃ ମାରିଆ ଭାନ୍ କେର୍ଖୋଭ ସୋମବାର କହିଛନ୍ତି ଯେ ଭାରତରେ ପ୍ରଥମେ ଚିହ୍ନଟ ହୋଇଥିବା B.1.617 ଭୂତାଣୁକୁ WHO ଗୁରୁତ୍ତର ସହିତ ନେଇଛି।
