ହାଟଡିହି- ୩ / ୬ (ଓଡିଆପୁଅ / ବିକାଶ ବିଶ୍ୱାଳ) ହାଟଡିହିରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧିପାଇ ଏବେ ମୋଟ ଆକ୍ରାନ୍ତଙ୍କ ସଂଖ୍ୟା ୭୫୭ରେ ପହଞ୍ଚିଛି । ଗତ ଦୁଇଦିନ ଭିତରେ ମୋଟ ୫୦ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଗତ ୩୧ତାରିଖ ସୁଧା ୭୦୭ଜଣ ଆକ୍ରାନ୍ତ ଚିହ୍ନଟ ହୋଇଥିବାବେଳେ ୧ତାରିଖ ଓ ଦୁଇ ତାରିଖ ମଧ୍ୟରେ ୫୦ଜଣ ଚିହ୍ନଟ ହୋଇଛନ୍ତି । ୨ତାରିଖ ଦିନ ଆକ୍ରାନ୍ତ ହୋଇଥିବା ୩୦ଜଣଙ୍କ ମଧ୍ୟରେ ହାଟଡିହି ପଞ୍ଚାୟତରେ ଜଣେ, ଇଞ୍ଚୋଳ ପଞ୍ଚାୟତରେ ୨ଜଣ, ସମଣା ପଞ୍ଚାୟତରେ ୪ଜଣ, ବଞ୍ଚୋ ପଞ୍ଚାୟତରେ ୯ଜଣ, ସୋସୋ ପଞ୍ଚାୟତରେ ୪ଜଣ, ଓରାଳି ପଞ୍ଚାୟତରେ ୨ଜଣ, ଧନୁର୍ଜୟପୁର ପଞ୍ଚାୟତରେ ଜଣେ, ଷଡଙ୍ଗ ପଞ୍ଚାୟତରେ ଜଣେ, ବଡରମ୍ପାସ ପଞ୍ଚାୟତରେ ୩ଜଣ, ଶାଳଣିଆଁ ପଞ୍ଚାୟତରେ ଜଣେ ଓ ପଞ୍ଚୁଗୋଛିଆ ପଞ୍ଚାୟତରେ ୨ଜଣ ଚିହ୍ନଟ ହୋଇଛନ୍ତି ବୋଲି ଶାଳଣିଆଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ କୁହାଯାଇଛି ।
