ନୂଆଦିଲ୍ଲୀ ୧୧-୫ (ଓଡ଼ିଆ ପୁଅ) କରୋନା ମହାମାରୀ ଯୋଗୁଁ ଦେଶରେ ତୃତୀୟ ପର୍ଯ୍ୟାୟ ଲକଡାଉନ୍ ଚାଲିଛି। ଫସିଥିବା ଶ୍ରମିକମାନଙ୍କୁ ସ୍ୱରାଜ୍ୟକୁ ଫେରାଇ ଆଣିବା ପାଇଁ ରେଳବାଇ ଦ୍ୱାରା ପ୍ରାୟ ୩୫୦ ଟି ସ୍ୱତନ୍ତ୍ର ଶ୍ରମିକ ଟ୍ରେନ୍ ଚଳାଚଳ କରୁଛି। ଏହି ନନଷ୍ଟପ ଟ୍ରେନ ରାଜ୍ୟ ସରକାର ଦ୍ବାରା ଅନୁମୋଦିତ ଏବଂ ଟ୍ରେନ ଅନୁସାରେ, ଯାତ୍ରୀମାନଙ୍କର ତାଲିକା ଅନୁଯାୟୀ ଛଡ଼ାଯାଉଛି। ବର୍ତ୍ତମାନ ପର୍ଯ୍ୟନ୍ତ ଏହି ଟ୍ରେନରେ ୧୨୦୦ ଶ୍ରମିକ ଯାତ୍ରା କରୁଥିଲେ। ଯାହା ଫଳରେ ସାମାଜିକ ଦୂରତ୍ୱର ଯତ୍ନ ନିଆଯାଇପାରୁଥିଲା। କିନ୍ତୁ, ବର୍ତ୍ତମାନ ରେଳବାଇ କହିଛି ଯେ ଏବେଠାରୁ ୧୭୦୦ ଯାତ୍ରୀ ଏହି ଟ୍ରେନରେ ଯାତ୍ରା କରିବେ ଏବଂ ଏହା ତିନୋଟି ସ୍ଥାନରେ ରହି ଯାତ୍ରା କରିବ।
ରେଳବାଇ ଦ୍ୱାରା ମୋଟ ୫୧୮ ଶ୍ରମିକ ସ୍ୱତନ୍ତ୍ର ଟ୍ରେନ୍ ଚଳାଇବାକୁ ଅନୁମୋଦନ ମିଳିଛି। ସେଥିମଧ୍ୟରୁ ୪୬୮ ଟି ଟ୍ରେନ୍ କାର୍ଯ୍ୟକ୍ଷମ ହୋଇଛି। ଆଉ ୧୦୫ ଟ୍ରେନ ଚାଲିବ। ୟୁପି ପାଇଁ ସର୍ବାଧିକ ୨୪୮ ଟ୍ରେନ୍ ଥିବା ବେଳେ ଏହା ପରେ ବିହାର ପାଇଁ ୧୩୯ ଟ୍ରେନ୍ ଚଳାଚଳ କରିବ।
