ହରିଚନ୍ଦନପୁର, ତା ୧୭ ମେ (ଓଡ଼ିଆ ପୁଅ/ପ୍ରେମାନନ୍ଦ ଦାସ) କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ୍ ଚିଲିକିଧରା ରେଳ ଷ୍ଟେସନ ନିକଟରେ ଟ୍ରେନ ଧକ୍କାରେ ଜଣେ ମୃତ୍ୟୁ । ଖବର ଅନୁଯାୟୀ ସେଠାକାର ଲୋକମାନେ ପ୍ରତ୍ୟେକଦିନ ରେଳ ରାସ୍ତା ଦେଇ ପାଦରେ ଚାଲି ଚାଲି ଯିବା ଆସିବା କରିଥାନ୍ତି । ଏହି ବ୍ୟକ୍ତି ମଧ୍ୟ ଲକ୍ ଡାଉନ୍ ଫଳରେ କେଉଁଆଡ଼େ ଯାଉଥିବା କଥା କିଛି ଲୋକ ଅନୁମାନ କରୁଛନ୍ତି । ମୃତ୍ ବ୍ୟକ୍ତିଙ୍କ ପରିଚୟ ମିଳି ନଥିବା ବେଳେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ନିମନ୍ତେ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଇଛି । ଏଥିସହ ମୃତକଙ୍କ ପରିଚୟ ଜାଣିବା ପାଇଁ ପୋଲିସ ଚେଷ୍ଟା ଜାରି ରଖିଛି ।
