ଭଦ୍ରକ, ୧ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ବନ୍ତ ବ୍ଲକ ଟିଲୋ ବଡ଼ସାହି ଗ୍ରାମର ମନୋରଞ୍ଜନ ଦାଶ ଏବଂ ଝରଣାମୟୀ ଦାଶଙ୍କ ଏକମାତ୍ର ପୁତ୍ର ପ୍ରଭୁଦତ୍ତ ସରସ୍ୱତୀ ଶିଶୁ ବିଦ୍ୟା ମନ୍ଦିର ବାଲିଆ ପଟା ରସୁଲଗଡ଼(ଭୁବନେଶ୍ୱର) ଦଶମ ଶ୍ରେଣୀର ଛାତ୍ର ଅଟନ୍ତି । ତାଙ୍କ ପ୍ରକଳ୍ପ ଗତି ଉପରେ ଆଧାରିତ (ନମୁନା) ଟି ସର୍ବ ଭାରତୀୟ ସ୍ତରରେ ଆୟୋଜିତ ଅଖିଳ ଭାରତୀୟ ଜ୍ଞାନ ବିଜ୍ଞାନ ମେଳାକୁ ମନୋନୀତ ହୋଇଛି । ପ୍ରଭୁଦତ୍ତ ଆସନ୍ତା ନଭେମ୍ବର ୩ତାରିଖରେ ସର୍ବ ଭାରତୀୟ ବିଜ୍ଞାନ ମେଳା ପାଇଁ ପଞ୍ଜାବର ଅମୃତସର ଯିବେ । ଏହା ଜଣା ପଡ଼ିବା ପରେ ବିଦ୍ୟାଳୟ ପକ୍ଷରୁ ତାଙ୍କୁ ସମ୍ମାନିତ କରାଯାଇଛି । ଅନ୍ୟପକ୍ଷରେ ତାଙ୍କର ଏହି ସଫଳତା ପାଇଁ ବନ୍ତ ଅଞ୍ଚଳରେ ଆନନ୍ଦ ପ୍ରକାଶ ପାଇଛି ।
