ଭଦ୍ରକ, ୧୨ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅନ୍ତର୍ଗତ ଜଳେଶ୍ୱର ପୁର ଗ୍ରାମପଂଚାୟତର ଚଡକମରା ଅଙ୍ଗନବାଡି କେନ୍ଦ୍ରର ପିଲାମାନେ ବିପଦପୂର୍ଣ୍ଣ ଭାବେ ପାଠ ପଢ଼ୁଛନ୍ତି ଅଙ୍ଗନୱାଡ଼ି ପିଲା।ରାସ୍ତାର ତିନି ଛକି ଉପରେ ପାଠ ପଢ଼ୁଥିବାର ଖବର ପରେ ।ପ୍ରଶାସନ ଆଜି ଗ୍ରାଉଣ୍ଡ ଜିରୋରେ ପହଂଚିବା ସହ ଅଧିକ ତଦନ୍ତ ଆରମ୍ଭ କରିଛି । ଚାନ୍ଦବାଲି ଶିଶୁ ମଙ୍ଗଳ ପ୍ରକଳ୍ପ ଅଧିକାରିଣୀ ଅହଲ୍ୟା ରାଣୀ ଦେଇ ଓ ସେକ୍ଟର ସୁପ୍ରଭାଇଜର ଉର୍ବଶୀ ସାହାଣୀ ଘଟଣାସ୍ଥଳରେ ପହଂଚି ଗ୍ରାମବାସୀ ମାନଙ୍କ ସହିତ ଏକ ବୈଠକ ଡକାଇ ଆଲୋଚନା କରିଛନ୍ତି । ଉକ୍ତ ଗ୍ରାମରେ ଦୀର୍ଘ ଦିନ ହେବ ଏକ ଅର୍ଦ୍ଧ ନିର୍ମିତ ଅଙ୍ଗନବାଡି ଗୃହ ପରିତ୍ୟକ୍ତ ଅବସ୍ଥାରେ ପଡି ରହିଛି । ଯାହାକୁ ଖୁବଶୀଘ୍ର ସମ୍ପୂର୍ଣ୍ଣ କରିବା ପାଇଁ ଉଦ୍ୟମ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି । ନୂତନ ଅଙ୍ଗନବାଡି ଗୃହ ନିର୍ମାଣ ହେବା ପର୍ଯ୍ୟନ୍ତ ଗ୍ରାମ ମଧ୍ୟରେ ଏକ ବେସରକାରୀ ଗୃହରେ ଅଙ୍ଗନବାଡ଼ି ଚାଲିବାକୁ ବୈଠକରେ ନିଷ୍ପତି ନିଆଯାଇଛି ବୋଲି ସୂଚନା ମିଳିଛି।
