ଭଦ୍ରକ, ୬ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ତିହିଡ଼ି ଥାନା ଅଧୀନ କୋହ୍ଲ ଛକରୁ ମଙ୍ଗଳବାର ରାତିରେ ଗୋଟିଏ କାରରେ ଚାଲାଣ ହେଉଥିବା ୯ଟି ଗାଈକୁ ପୁଲିସ ଉଦ୍ଧାର କରି ମଇତାପୁର ଗୋଶାଳାରେ ଛାଡ଼ିଥିବା ଜଣାଯାଇଛି। ଏ ସମ୍ପର୍କରେ ତିହିଡ଼ି ଏସଆଇ ଲକ୍ଷ୍ମଣ ମାରାଣ୍ଡିଙ୍କ ଅଭିଯୋଗମୂଳେ ପୁଲିସ ୪୯୬/୨୪ରେ ଏକ ମକଦ୍ଦମା ରୁଜୁ କରି ତଦନ୍ତ ଚଳାଇଛନ୍ତି। ଚାଲାଣ କାର୍ର ଡ୍ରାଇଭର ଫେରାର ହୋଇଯାଇଥିବା ପୁଲିସ୍ ସୂତ୍ରରୁ ଜଣାପଡ଼ିଛି। ତେବେ ଗାଈ ନେଇ ଯାଉଥିବା ଓଆର ୦୫ଏକେ୨୭୪୭ କାର୍କୁ ପୁଲିସ ଜବତ କରିଛି। ପ୍ରକାଶ ଯେ, ମଙ୍ଗଳବାର ରାତିରେ ଚାନ୍ଦବାଲିରୁ ଭଦ୍ରକ ଅଭିମୁଖେ ଏକ କାର୍ ୯ଟି ଗାଈ ନେଇ ଯାଉଥିଲା। କୌଣସି ସୂତ୍ରରୁ ପୁଲିସ ଖବର ପାଇ କୋହ୍ଲ ଛକରେ ପହଂଚି କାର୍ରେ ଥିବା ଉଦ୍ଧାର କରିଥିଲା।
