ଭଦ୍ରକ, ୨ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ବାସୁଦେବପୁରରେ ଆଜି ଚୋରା ଗୋରୁ ଚମଡା ଜବତ କରାଯାଇଛି । ଘଟଣାଟି ଘଟିଛି ବାସୁଦେବପୁର ପୌରପାଳିକାର ମାତାଜୀ ମଠ ନିକଟରେ । ଏଠାରେ ସୂଚନାଯୋଗ୍ୟ ବାସୁଦେବପୁରରେ ଚୋରା ଗୋରୁ ଚାଲାଣ ଓ ଗୋରୁ ଚମଡା ବିକ୍ରି ବୃଦ୍ଧି ପାଉôଥବାବେଳେ ଆଜି ସକାଳେ ଜଣେ ବ୍ୟବସାୟୀ ସାଇକେଲ୍ରେ ବାଲେଶ୍ୱର ଜିଲା ବରୀ ଅଂଚଳରୁ ଗୋରୁ ଚମଡା ଆଣି ବାସୁଦେବପୁର ପୌରପାଳିକାର ସାବରପୁରର ଜଣେ ବ୍ୟବସାୟୀଙ୍କୁ ଦେବାପାଇଁ ଯାଉଥିଲେ । ସ୍ଥାନୀୟ ଲୋକେ ଖବର ପାଇ ତାଙ୍କୁ ସାଇକେଲ ସହ ରାସ୍ତାରେ ଅଟକାଇବା ପରେ ବ୍ୟାଗ୍ରେ ଗୋରୁ ଚମଡା ଦେଖି ପୁଲିସ୍କୁ ଖବର ଦେଇଥିଲେ । ପରେ ପୁଲିସ୍ ଘଟଣାସ୍ଥଳରେ ପହଞ୍ôଚ ସାଇକେଲ୍ ସହ ଗୋରୁ ଚମଡାକୁ ଜବତ କରିଛି । ସଂପୃକ୍ତ ବ୍ୟବସାୟୀଙ୍କ ନାମ କରିମ ଖାଁ ହୋଇଥିବାବେଳେ ତାଙ୍କର ଘର ବାଲେଶ୍ୱର ଜିଲା ବରୀ ଅଂଚଳର । ସେ ଦୀର୍ଘଦିନ ଧରି ସେଠାରୁ ଗୋରୁ ଚମଡା ଆଣି ସାବରପୁରରେ ଦେଉଥିଲେ । ଏଥିନେଇ ପୁଲିସ୍ ତାଙ୍କ ନାମରେ ଏକ ମାମଲା ରୁଜୁ କରି ଗିରଫ କରିଥିବାର ଜଣାପଡିଛି ।
