ମାଲକାନଗିରି ,୯ା୭ (ଓଡିଆ ପୁଅ ) ଛେଳି ଗୁହାଳ ଘରେ ହଟାତ ନିଆଁ ଲାଗି ଘଟଣାସ୍ଥଳରେ ୪ଟି ଛେଳି ଜୀବନ୍ତ ଧଗ୍ଧ ହୋଇଥିବା ବେଳେ ୨୫ଟି ଛେଳି ଅଧାପୋଡି ହୋଇ ଗୁରୁତର ଅଛନ୍ତି । ଏମିତି ଏକ ଅଭାବନୀୟ ଘଟଣା ଘଟିଛି ମାଲକାନଗରି ଜିଲ୍ଲା କାଲିମେଳ ବ୍ଲକସ୍ଥ ମହାରାଜପାଲି ପଚାଂୟତ ଏମଭି୧୧୪ ଗ୍ରାମରେ । ଏମଭି୧୧୪ ଗ୍ରାମର ସଜଂୟ ବେପାରୀ ତାଙ୍କ ପରିବାର ଗତ କାଲି ରାତ୍ରରେ ଶୋଇଥିବା ସମୟରେ ହଟାତ ଛେଳିମାନଙ୍କର ବୋବାଳି ଶୁଭିଥିଲା , ପାଖ ପୋଡଶୀ ନିଆଁ ଦେଖି ସଜଂୟଙ୍କୁ ଡାକପକାଇଥିଲେ ଷ ସଂଜୟ ଓ ତାଙ୍କ ପରିବାର ଗୁହାଳକୁ ଯାଇ ଦେଖିଲା ବେଳକୁ ନିଆଁ ଲାଗି ଗୁହାଳଟି ପୋଡି ଯାଉଛି, ସେ ସଙ୍ଗେ ସଙ୍ଗେ ଗୁହାଳର କବଟା ଖୋଲିଦେବାରୁ ଛେଳି ମାନେ ଅଧାପୋଡା ଅବସ୍ଥାରେ ବାହାରକୁ ପଳାଇ ଆସିଥିଲେ ଓ ଗୁହାଳ ଭିତରେ ନିଆଁରେ ୪ଟି ଛେଳି ଜୀବନ୍ତ ଧଗ୍ଧ ହୋଇଯାଇଥିଲେ । ସଜଂୟ ଏକ ଘରୋଇ ଅର୍ଥଲଗାଣ କମ୍ପାନୀରୁ ଲୋନ ଆଣି ୩୦ଟି ଛେଳି ଛାଷ କରିଥିଲେ । ସେଥିମଧ୍ୟରୁ ୪ଟି ପୋଡି ମରିଯାଇଥିବା ବଳେ ପ୍ରାୟ୨୫ଟି ଛେଳି ଅର୍ଦ୍ଦଧଗ୍ଧ ହୋଇ ଗୁରୁତର ରହିଥିବା ଜଣାପଡିଛି । ଆଜି ସକାଳେ ଏମଭି୭୯ ଠାରୁ ପ୍ରଣୀଚିକିତ୍ସକ ଘଟଣାସ୍ଥଳରେ ପହଁଚି ଆହତ ଛେଳିମାନଙ୍କର ଚିକିତ୍ସା କରି ତଦନ୍ତ ଆରମ୍ଭ କରିଛନ୍ତି । ସଂଜୟ ଗରିବ ଚାଷୀ ହୋଇଥିବାରୁ ତାଙ୍କୁ ସରକାରଙ୍କ ପକ୍ଷରୁ ସହାୟତା ଯୋଗାଇ ଦେବା ପାଇଁ ଗ୍ରାମବାସୀ ମାନେ ଦାବିକରିଛନ୍ତି ।
