ହାଟଡିହି, ୭ । ୯ : (ଓଡିଆପୁଅ / ବିକାଶ ବିଶ୍ୱାଳ) ପବିତ୍ର ଗୁରୁଦିବସ ଉପଲକ୍ଷେ ସ୍ୱସ୍ତିକ କୋଚିଙ୍ଗ ସେଣ୍ଟର ପକ୍ଷରୁ ଗୁରୁପୂଜନ ସହିତ ତରୁଆଁ ଦଧିବାମନ ଉଚ୍ଚ ବିଦ୍ୟାଳୟର ଦୁଇଜଣ କୃତ୍ତି ଅବସରପ୍ରାପ୍ତ ପ୍ରଧାନ ଶିକ୍ଷକଙ୍କୁ ସମ୍ବର୍ଦ୍ଧିତ କରାଯାଇଛି । ଅବସରପ୍ରାପ୍ତ ଭାରପ୍ରାପ୍ତ ପ୍ରଧାନ ଶିକ୍ଷକ ସୁରେନ୍ଦ୍ର କୁମାର ବେହେରା, ଆନନ୍ଦପୁର ଓ ହାଟଡିହିର ଅବସରପ୍ରାପ୍ତ ଗୋଷ୍ଠୀ ଶିକ୍ଷା ଅôଦକାରୀ ଶରତ ଚନ୍ଦ୍ର ରାଉତଙ୍କୁ ସ୍ୱସ୍ତିକ କୋଚିଂ ସେଣ୍ଟରର ପୁରାତନ ଛାତ୍ରଛାତ୍ରୀଙ୍କ ଦ୍ୱାରା ଉତ୍ତରୀୟ ଓ ପୁଷ୍ପଗୁଚ୍ଛ ଦିଆଯାଇ ସମ୍ବର୍ଦ୍ଧିତ କରାଯାଇଥିଲା । ଶିକ୍ଷକମାନେ ସମାଜର ମେରୁଦଣ୍ଡ ଓ ରକ୍ଷାକବଚ । ଶିକ୍ଷକ ସମାଜର ସଂସ୍କାର ଓ ବୈପ୍ଳବିକ ପରିବର୍ତ୍ତନ ଆଣିପାରନ୍ତି । ଭାରତୀୟ ସଂସ୍କୃତିରେ ଗୁରୁଶିଷ୍ୟ ପରମ୍ପରା ଯେତିକି ପୁରାତନ ସେତିକି ମହାନ ବୋଲି ତାଙ୍କ ବକ୍ତବ୍ୟରେ ଆଲୋକପାତ କରିଥିଲେ । କୋଚିଂ ସେଣ୍ଟରର ଶିକ୍ଷକ ନିରଞ୍ଜନ ସ୍ୱାଇଁ, ଅଭୟ ଭୂଷଣ ନାଥ, ତିର୍ଥବାସୀ ମାଝୀ, ଚନ୍ଦନ କୁମାର ପରିଡା, ରାଜେନ୍ଦ୍ର ମଲ୍ଲିକ, ପରିଚାଳକ ସୁନିଲ କୁମାର ରାଉତ କାର୍ଯ୍ୟକ୍ରମ ପରିଚାଳନା କରିଥିଲେ । ଏଥିରେ ବହୁ ପୁରାତନ ଓ ବର୍ତ୍ତମାନର ଛାତ୍ରଛାତ୍ରୀ ଉପସ୍ଥିତ ଥିଲେ ।
