ନୂଆଦିଲ୍ଲୀ ୬-୩ (ଓଡ଼ିଆ ପୁଅ): ସମସ୍ତ କାରର ନୂତନ ମଡେଲଗୁଡିକ ଏପ୍ରିଲ୍ ୧ ରୁ ଆଗ ଯାତ୍ରୀ ସିଟ୍ ପାଇଁ ଏୟାରବ୍ୟାଗ୍ ଯୋଗାଇବାକୁ ପଡିବ। ବର୍ତ୍ତମାନର ମଡେଲଗୁଡିକ ଚଳିତ ବର୍ଷ ଅଗଷ୍ଟ ୩୧ ପରେ କେବଳ ଏହି ସୁରକ୍ଷା ସହିତ ବିକ୍ରିକରାଯାଇପାରିବ। ଏହି ବାଧ୍ୟତାମୂଳକ ବ୍ୟବସ୍ଥାକୁ ମଙ୍ଗଳବାର ସଡ଼କ ପରିବହନ ମନ୍ତ୍ରଣାଳୟ ପକ୍ଷରୁ ସୂଚିତ କରାଯାଇଥିଲା। ମନ୍ତ୍ରଣାଳୟ କହିଛି ଯେ, ଏହା ଏକ ଗୁରୁତ୍ୱପୂର୍ଣ୍ଣ ସୁରକ୍ଷା ବୈଶିଷ୍ଟ୍ୟ ଭାବରେ ବାଧ୍ୟତାମୂଳକ କରାଯାଇଛି ଏବଂ ଏହା ମଧ୍ୟ ସଡକ ସୁରକ୍ଷା ଉପରେ ସୁପ୍ରିମକୋର୍ଟ କମିଟିର ପରାମର୍ଶ ଉପରେ ଆଧାରିତ।
ସୂଚନାଯୋଗ୍ୟଯେ, ଜୁଲାଇ ୧, ୨୦୧୯ ଠାରୁ ସମସ୍ତ କାରରେ ଡ୍ରାଇଭରମାନଙ୍କ ପାଇଁ ଏୟାରବ୍ୟାଗ ବାଧ୍ୟତାମୂଳକ କରାଯାଇଛି। କେବଳ ଗୋଟିଏ ଏୟାରବ୍ୟାଗ ଡ୍ରାଇଭରଙ୍କ ସୁରକ୍ଷା ବ୍ୟତୀତ ଆଗ ସିଟରେ ବସିଥିବା ସହ-ଯାତ୍ରୀଙ୍କ ପାଇଁ ପର୍ଯ୍ୟାପ୍ତ ନୁହେଁ କାରଣ ଦୁର୍ଘଟଣାରେ ଗୁରୁତର ଆହତ କିମ୍ବା ମୃତ୍ୟୁର ସମ୍ମୁଖୀନ ହେଲେ ନିଜର ସୁରକ୍ଷା ପାଇଁ ଏହା ନିହାତୀ ଆବଶ୍ୟକ।
ଦୁନିଆର ସବୁଠାରୁ ଚ୍ୟାଲେଞ୍ଜିଂ ବଜାର ସ୍ଥାନ ମଧ୍ୟରୁ ଭାରତୀୟ ଅଟୋ ସେକ୍ଟର ଅନ୍ୟତମ। ଗ୍ରାହକମାନେ ବଜେଟ୍ ମୂଲ୍ୟରେ ମହତ୍ତ୍ୱପୂର୍ଣ୍ଣ ଡିଜାଇନ୍, ଇନ୍ଧନ ଦକ୍ଷତା ଏବଂ ନିର୍ଭରଯୋଗ୍ୟତା ପାଇଁ ଇଚ୍ଛା କରନ୍ତି। ଅଟୋମୋବାଇଲ୍ ନିର୍ମାତାମାନେ ଏହା ଯୋଗାଇ ଆସୁଛନ୍ତି, କିନ୍ତୁ ସୁରକ୍ଷା ପ୍ରତି ଚିନ୍ତା କୌଣସି ସ୍ଥାନରେ ଅବହେଳିତ ହୋଇଛି। ସଡକ ପରିବହନ ମନ୍ତ୍ରଣାଳୟ ଭାରତରେ ଆଗ ଏୟାରବ୍ୟାଗ (ଡ୍ରାଇଭର ଏବଂ ଯାତ୍ରୀ) ବାଧ୍ୟତାମୂଳକ କରିବାକୁ ପ୍ରସ୍ତାବ ଦେଇଥିଲା। ଆଇନ ମନ୍ତ୍ରଣାଳୟ ଏହି ପ୍ରସ୍ତାବକୁ ଗ୍ରହଣ କରିଥିଲା ଏବଂ ଷ୍ଟାଣ୍ଡାର୍ଡ ଫିଟମେଣ୍ଟ ଭାବରେ ସାମ୍ନା ଏୟାରବ୍ୟାଗ ପାଇଁ ସବୁଜ ସଙ୍କେତ ଦେଇଛି।ବର୍ତ୍ତମାନ ସୁଦ୍ଧା ଭାରତର ସମସ୍ତ ଯାତ୍ରୀବାହୀ ଯାନ ପାଇଁ କେବଳ ଡ୍ରାଇଭର ସିଟ୍ ଏୟାରବ୍ୟାଗ ବାଧ୍ୟତାମୂଳକ ଅଟେ। ଯାତ୍ରୀଙ୍କ ସୁରକ୍ଷା ଏକ ଗୁରୁତ୍ୱପୂର୍ଣ୍ଣ ବିଷୟ ଏବଂ ଏହାକୁ ସର୍ବାଧିକ ଧ୍ୟାନ ଦେବା ଆବଶ୍ୟକ। କାର ଦୁର୍ଘଟଣା ଏବଂ ଦୁର୍ଘଟଣାରେ ମୃତ୍ୟୁ ସଂଖ୍ୟା ଏକ ବଡ଼ ଚିନ୍ତାର କାରଣ ହୋଇଥିବା ବେଳେ ଏୟାରବ୍ୟାଗ ଏହି ଦୁର୍ଘଟଣାକୁ କମ୍ କରିବା ପାଇଁ ଏକ ବଡ଼ ପଦକ୍ଷେପ ଅଟେ। ଏୟାରବ୍ୟାଗଗୁଡ଼ିକ ଏପ୍ରିଲ ୧, ୨୦୨୧ ରୁ ଭାରତରେ ବାଧ୍ୟତାମୂଳକ ହେବ।
Government has made it mandatory for vehicle manufacturers to fit airbag for the person occupying the front seat other than the driver.
It is applicable on vehicles manufactured on & after 1st
April, 2021 in case of new models, & 31st August, 2021 in case of existing models.— MORTHINDIA (@MORTHIndia) March 5, 2021
