ନୂଆ ଦିଲ୍ଲୀ ୨୨-୯ (ଓଡ଼ିଆ ପୁଅ) ସମାଜରେ ପୁଣି ଏକ ଲଜ୍ଜାକର ଘଟଣାର ଖବର ଆସିଛି। ଖବର ଅନୁଯାୟୀ, ୟୁପିର ମୁରାଦାବାଦରେ ୫ ଜଣ ଯୁବକ ଜଣେ ନାବାଳିକାଙ୍କୁ ମେଳା ଦେଖି ଆସୁଥିବା ସମୟରେ ଟେକି ନେଇଯାଇ ପାଖ ଜଙ୍ଗଲରେ ଗଣ ଦୁଷ୍କର୍ମ କରିଥିଲେ। ଏହି ଘଟଣା ଘଟିବାର ପ୍ରାୟ ୧୫ ଦିନ ହୋଇଗଲାଣି। ଏବେ ମଙ୍ଗଳବାର ଦିନ ଏହାର ଭିଡ଼ିଓ ଭାଇରାଲ ହେବା ପରେ ପୋଲିସ୍ ର ତତ୍ପରତା ପ୍ରକାଶ ପାଇଛି। ଖବର ଅନୁଯାୟୀ, ମୁରାଦାବାଦର ଭୋଜପୁର ପୋଲିସ ଥାନା ଅଞ୍ଚଳରେ ପାଞ୍ଚଜଣ ଯୁବକ ରାସ୍ତାରେ ମେଳା ଦେଖିବା ପରେ ଫେରୁଥିବା ଜଣେ ନାବାଳିକା ଯାହାର ବୟସ ୧୫ କୁ ବଳାତ୍କାର କରିଥିଲେ ଏବଂ ପରେ ତାଙ୍କୁ ଉଲଗ୍ନ କରି ରାସ୍ତାରେ ଛାଡ଼ିଦେଇଥିଲେ। ନାବାଳିବା ଚିତ୍କାର କରିବା ପରେ ସେମାନେ ନିର୍ବସ୍ତ୍ର କରି ଯୁବତୀକୁ ଛାଡ଼ି ଦେଇଥିଲେ। କୌଣସି ପ୍ରକାରେ ଯୁବତୀ ଜଣକ ରାସ୍ତାରେ ନିର୍ବସ୍ତ୍ର ଦୌଡ଼ି ଘରେ ପହଞ୍ଚିଥିଲା। ଏହି ଘଟଣା ପରେ ବିଳମ୍ବ କରୁଥିବା ଭୋଜପୁର ପୋଲିସ ଏସଏସପିଙ୍କ ନିର୍ଦ୍ଦେଶରେ ସାତ ଦିନ ପରେ ଏକ ମାମଲା ରୁଜୁ କରିଥିଲା। ମଙ୍ଗଳବାର ଦିନ ଜଣେ ମହିଳା ଟ୍ୱିଟରରେ ଘଟଣାର ଏକ ଭିଡିଓ ପୋଷ୍ଟ କରିବା ପରେ ଏଥିରେ ତତ୍ପରତା ପ୍ରକାଶ ପାଇଛି। ପୋଲିସ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଚେଷ୍ଟା କରୁଛି।
ଖବର ଅନୁଯାୟୀ, ଭୋଜପୁର ପୋଲିସ ଷ୍ଟେସନ ଅଞ୍ଚଳର ଜଣେ ୧୫ ବର୍ଷର ବାଳିକା ସେପ୍ଟେମ୍ବର ୧ ତାରିଖ ସନ୍ଧ୍ୟା ୭ ଟା ସମୟରେ ଗାଁ ନିକଟରେ ମେଳା ଦେଖିବାକୁ ଯାଇଥିଲେ। ଅଭିଯୋଗ ଅନୁଯାୟୀ, ଭୋଜପୁରର ଇସଲାମନଗର ୫ ଜଣ ଅଭିଯୁକ୍ତ ତାଙ୍କୁ ଅପହରଣ କରି ନେଇଥିଲେ। ଦୁଇଟି ବାଇକରେ ଆସି ଅଭିଯୁକ୍ତ ଜଣକ ନାବାଳିକାକୁ ଉଠାଇ ତାଙ୍କ ସହ ଗାଁର ଜଙ୍ଗଲରେ ପହଞ୍ଚି ସେଠାରେ ଅଭିଯୁକ୍ତମାନେ ନାବାଳିକାକୁ ବଳାତ୍କାର କରିଥିଲେ। ସେଠାରେ ଜଣେ ବ୍ୟକ୍ତି ନିକଟସ୍ଥ କ୍ଷେତରେ ପାଣି ଦେଉଥିବା ସମୟରେ ଚିତ୍କାର ଶୁଣି ପହଞ୍ଚିବା ପରେ ଅଭିଯୁକ୍ତମାନେ ସେଠାରୁ ଦୌଡି ଚାଲିଯାଇଥିଲେ। ସେମାନେ ବାଇକରେ ଯାଉଥିବାବେଳେ ପୀଡିତାଙ୍କୁ ଉଲଗ୍ନ ହୋଇ ରାସ୍ତାରେ ଦୌଡ଼ିବାକୁ ବାଧ୍ୟ କରିଥିଲେ। ମଙ୍ଗଳବାରଦିନ ଏକ ଟ୍ୱିଟ ପରେ ଏହି ଲଜ୍ଜାଜନକ ଭିଡିଓ ସାମ୍ନାକୁ ଆସିଛି। ଏହାପୂର୍ବରୁ ପୋଲିସ ଏହି ମାମଲାକୁ ହାଲୁକା ଭାବେ ନେଇଥିଲା ବୋଲି କୁହାଯାଉଛି।
ଖବର ଅନୁଯାୟୀ, ଘଟଣା ଦିନ ନାବାଳିକା ଘରେ ପହଁଚିବା ପରେ, ତାଙ୍କ ବଡ଼ ଭଉଣୀ ତୁରନ୍ତ ତାଙ୍କ ପିଉସାଙ୍କୁ ଏହା ଜଣାଇଥିଲେ, କାରଣ ଝିଅର ପିତାମାତା ଅବହେଳିତ। ପୀଉସା ଭୋଜପୁର ପୋଲିସ ଷ୍ଟେସନରେ ପହଞ୍ଚି ଏ ସମ୍ପର୍କରେ ଅଭିଯୋଗ କରିଥିଲେ ମଧ୍ୟ ପୋଲିସ ତଦନ୍ତ କରିବ ବୋଲି କହି ଟାଳିଦେଇଥିଲା। ୬ ଦିନ ଅପେକ୍ଷା କରିବା ପରେ ସେମାନେ ଏସଏସପିଙ୍କ ନିକଟରେ ଅଭିଯୋଗ କରିଥିଲେ।
ଏହା ପରେ ସେପ୍ଟେମ୍ବର ୭ ରେ ଭୋଜପୁର ପୋଲିସ ଷ୍ଟେସନ ଏସଏସପିଙ୍କ ନିର୍ଦ୍ଦେଶରେ ଏକ ମାମଲା ରୁଜୁ କରିଥିଲା। ଏହି ମାମଲାରେ ଏପର୍ଯ୍ୟନ୍ତ କେବଳ ଜଣେ ଅଭିଯୁକ୍ତ ଅଲିକୁ ଗିରଫ କରାଯାଇଛି। ଅନ୍ୟ ଚାରିଜଣ ଅଭିଯୁକ୍ତ ଅଭିଯୁକ୍ତ ଏପର୍ଯ୍ୟନ୍ତ ପୋଲିସ ହାତରେ ଧରାପଡି ନାହାଁନ୍ତି। ଅନ୍ୟପକ୍ଷରେ ଏସପି ଦେହାତ ସନ୍ଦୀପ କୁମାର ମୀନା ମଧ୍ୟ ଏକ ଭିଡିଓ ଟ୍ୱିଟ କରି ପୋଲିସର ପକ୍ଷ ରଖିଛନ୍ତି।
ସେ କହିଛନ୍ତି ଯେ, ସେପ୍ଟେମ୍ବର ୭ ରେ ବାଳିକାର ପୀସା ଭୋଜପୁର ଥାନାରେ ଅଭିଯୋଗ କରିଥିଲେ। ମାମଲା ରୁଜୁ କରିବା ପରେ ତୁରନ୍ତ ନାବାଳିକାର ପିତାମାତାଙ୍କ ୧୬୧ ଏବଂ ୧୬୪ରେ ବିବୃତ୍ତି ନିଆଯାଇଥିଲା। ଯେଉଁଥିରେ ଉଭୟ ଏପରି ଘଟଣାକୁ ଅସ୍ୱୀକାର କରିଥିଲେ। ଏହା ସତ୍ତ୍ବେ ପ୍ରମାଣ ଆଧାରରେ ଜଣେ ଅଭିଯୁକ୍ତଙ୍କୁ ଗିରଫ କରାଯାଇ ଜେଲକୁ ପଠାଇ ଦିଆଯାଇଥିଲା। ଅନ୍ୟାନ୍ୟ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।
ଏବେ ସୋସିଆଲ ମିଡ଼ିଆରେ ଏକ ଭିଡ଼ିଓ ଭାଇରାଲ ହେଉଛି। ଭିଡିଓରେ ପୀଡିତା ବିନା ପୋଷାକରେ ରାସ୍ତାରେ ଚାଲିଯାଉଥିବାର ନଜର ଆସିଛି, କୁହାଯାଉଛି ଯେ ଏହି ଭାଇରାଲ ଭିଡିଓ ଭୋଜପୁର ଅଞ୍ଚଳର। ଏହି ୧୫ ସେକେଣ୍ଡର ଭାଇରାଲ୍ ଭିଡିଓରେ ପୀଡ଼ିତା ରାସ୍ତାରେ ଯାଉଥିବା ବେଳେ କିଛି ଗାଡ଼ି ତାଙ୍କ ନିକଟ ଦେଇ ଯାଉଥିବା ଦେଖିବାକୁ ମିଳିଛି। ପୋଲିସ କହିଛି ଯେ, ଏହି ଘଟଣା ସେପ୍ଟେମ୍ବର ୧ ରେ ଭୋଜପୁର ପୋଲିସ ଷ୍ଟେସନ ପରିସରରେ ଥିବା ଏକ ଗ୍ରାମରେ ଘଟିଥିଲା ଏବଂ ପୀଡିତାଙ୍କ ସମ୍ପର୍କୀୟଙ୍କ ଅଭିଯୋଗ ଆଧାରରେ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି।
यूपी मुरादाबाद में एक नाबालिग के साथ 5 युवकों ने गैंगरेप किया,अपराधियों के हौसले इतने बुलंद हैं कि मुरादाबाद में हैवानों ने रेप कर युवती को सड़क पर निर्वस्त्र दौड़ाया !! pic.twitter.com/B1gndx6Gs3
— Yogita Bhayana योगिता भयाना (@yogitabhayana) September 21, 2022
