କୋରାପୁଟ ୧୭-୦୪ (ଓଡିଆ ପୁଅ /ରଂଜନ ଦାସ) ଲମତାପୁଟ ପୋଲିସ ଦ୍ୱାରା ଏକ କାର ସହ ବିପୁଳ ପରିମାଣର ଗଞ୍ଜେଇ ଜବତ କରା ଯାଇଥିବା ବେଳେ ଚୋରା ଗଞ୍ଜେଇ ବେପାରରେ ସମ୍ପୃକ୍ତ ୨ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ଗିରଫ ୨ଜଣ ହେଲେ ଦିଲ୍ଲୀର ପ୍ରେମାନନ୍ଦ ଓ ମୋହିତ ଶର୍ମା । ଗତକାଲି ରାତିରେ ଲମତାପୁଟ ପୋଲିସ ପେଟ୍ରୋଲିଂ କରୁଥିବାବେଳେ କାଡାମ ଛକରେ ଏକ ମହିନ୍ଦ୍ରା ଏକ୍ସୟୁଭି କାରକୁ ଅଟକାଇ ଯାଂଚ କରିଥିଲା । ଚେକିଂ ସମୟରେ ଉକ୍ତ କାରରେ ଗଞ୍ଜେଇ ମିଳିଥିଲା । ପୋଲିସ ଟିମ କାରକୁ ଲମତାପୁଟ ଫାଣ୍ଡିକୁ ଆଣି ସେଥିରେ ଥିବା ଗଞ୍ଜେଇ ଓଜନ କରିଥିଲେ । କାରରୁ ୫୧ କିଲୋ ୧୦୦ ଗ୍ରାମ ଗଞ୍ଜେଇ ଜବତ କରା ଯାଇଥିବାବେଳେ ଏହାର ଆନୁମାନିକ ମୂଲ୍ୟ ୧ଲକ୍ଷ ୫୦ ହଜାର ଟଙ୍କା ହେବ ବୋଲି ଜଣାପଡିଛି ।
