ଭୁବନେଶ୍ୱର: ସୋସିଆଲ ମିଡିଆ ପ୍ଲାଟଫର୍ମ ଟିକଟକ୍ ମାଧ୍ୟମରେ କରୋନା ଭାଇରସକୁ ନେଇ ବିବାଦୀୟ ଖବର ପୋଷ୍ଟ ହେଉଥିବା ଦେଖିବାକୁ ମିଳୁଛି। ଭାରତୀୟ ମୁସଲମାନମାନଙ୍କୁ ନେଇ ବିଭ୍ରାନ୍ତ କରୁଥିବା ରିପୋର୍ଟ ଆଧାରରେ ଟିକଟକ୍ ଏକ ବିବୃତ୍ତି ଜାରି କରିଛି। ଟିକଟକ୍ ବିବୃତ୍ତିରେ କହିଛି ଯେ ଏହା ଏହିପରି ହଜାର ହଜାର ଆକାଉଣ୍ଟକୁ ନିଷିଦ୍ଧ କରୁଛି ଏବଂ କରୋନା ଭାଇରସ୍ ସମ୍ବନ୍ଧରେ ବିରୋଧୀ ତଥ୍ୟ ଧାରଣ କରିଥିବା ଭିଡିଓ ଗୁଡିକୁ ଅପସାରଣ କରୁଛି କିମ୍ବା ଏହାକୁ ଏଡାଇବା ପାଇଁ ଆଇନଗତ ପରାମର୍ଶ ଦିଆଯାଇଛି। ଟିକଟକ୍ କହିଛି ଯେ ସେମାନେ ପ୍ରାଥମିକତା ଉପରେ ଏହି ବିଷୟ ଗୁଡ଼ିକୁ ଦେଖିବା ଆରମ୍ଭ କରିଛନ୍ତି ଏବଂ ଏହିପରି ବିଷୟବସ୍ତୁକୁ ଏକ ଗୁରୁତ୍ୱପୂର୍ଣ୍ଣ ବିଷୟ ବୋଲି ବର୍ଣ୍ଣନା କରିଛନ୍ତି।
ଦିଲ୍ଲୀ ସ୍ଥିତ ଡିଜିଟାଲ୍ ଲ୍ୟାବ୍ ଭୋଇସର୍ ଇନଫୋସେକ୍ ଚଳିତ ସପ୍ତାହରେ ଭାଇରାଲ୍ ହୋଇଥିବା ୩୦,୦୦୦ ଭିଡିଓ କ୍ଲିପ୍ ଯାଞ୍ଚ କରିଛି। ଏହା ଏକ ନିର୍ଦ୍ଦିଷ୍ଟ ଢାଞ୍ଚାକୁ ପ୍ରକାଶ କରୁଛି। ଏହିପରି କ୍ଲିପ୍ସ ପଛରେ ଭାରତୀୟ ମୁସଲମାନ ସମ୍ପ୍ରଦାୟକୁ ଟାର୍ଗେଟ କରିବା ଏବଂ ଭ୍ରମ ବିସ୍ତାର ପାଇଁ କରିବା ପାଇଁ ଏକ ଅଭିଯାନ ଚାଲିଛି। କେତେକ ଭିଡିଓ କ୍ଲିପ୍ରେ କୁହାଯାଇଛି ଯେ କରୋନା ଜୀବାଣୁ ମୁସଲମାନମାନଙ୍କୁ ଆକ୍ରମଣ କରିବ ନାହିଁ। ଏକ ଧାଡ଼ିରେ ପବିତ୍ର କୁରାନ ଉଦ୍ଧୃତ ହୋଇଛି। ଆହୁରି ମଧ୍ୟ ଦାବି କରାଯାଇଛି ଯେ ହାତ ହଲାଇ ଆଲିଙ୍ଗନ କରି କରୋନା ରୋଗ ଭଲ ହୋଇଯାଏ।
/- ଦେବଦତ୍ତ ରଥ