ନବରଙ୍ଗପୁର,୧୮/୧୦,(ଓଡ଼ିଆ ପୁଅ ପି ନାଏକ): ଆଜି ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଠାରେ ଥିବା ମଦ ଦୋକାନ ଉପରେ ଚଢଉ ହୋଇଛି । ଅଭିଯୋଗ ଅନୁସାରେ, ଆଜି କିଛି ଯୁବକ ମଦ ଦୋକାନକୁ ମଦ ପିଇବାକୁ ଯାଇଥିଲେ । ପରେ ମଦ ଦୋକାନରୁ ମଦ କିଣି ପିଉଥିବା ସମୟରେ ହଠାତ ଦେଖିବାକୁ ପାଇଥିଲେ ମଦ ଗୁଡ଼ିକର ଏକ୍ସପାରୀ ଡେଟ୍ ସରିଯାଇଛି । ପରେ ଯୁବକମାନେ ପୋଲିସକୁ ଅବଗତ କରାଇବାକୁ ପୋଲିସକୁ ଫୋନ୍ କରିଥିଲେ । ଖବର ପାଇ ଚନ୍ଦାହାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ମଦ ଦୋକାନରୁ ଆଉ କିଛି ଏକ୍ସପାରୀ ଡେଟ୍ର ମଦ ଜବତ କରିଛି । ଏହା ସହ ସେ ଗୁଡ଼ିକର ମାନ ଯାଞ୍ଚ କରିବା ପାଇଁ ଲାବ୍ରୋଟାରୀକୁ ପଠାଯିବ ବୋଲି ସୂଚନା ଦେଇଛି ।
