ନୂଆ ଦିଲ୍ଲୀ ୨୭-୪ (ଓଡ଼ିଆ ପୁଅ) ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଭୁପିନ୍ଦର ସିଂ ହୁଡାଙ୍କ ନିକଟତର, ଉଦୟଭାନ୍ ଏବେ ହରିୟାଣା କଂଗ୍ରେସର କମାଣ୍ଡ ସମ୍ଭାଳିବେ। ପଞ୍ଜାବ ଏବଂ ହିମାଚଳ ଫର୍ମୁଲାରେ ଚାରିଜଣ କାର୍ଯ୍ୟକାରୀ ସଭାପତି ମଧ୍ୟ ନିଯୁକ୍ତ ହୋଇଛନ୍ତି।
ସୂଚନାଯୋଗ୍ୟଯେ, ଭୁପିନ୍ଦର ସିଂ ହୁଡ଼ା ଏବଂ ପୂର୍ବତନ ରାଜ୍ୟ କଂଗ୍ରେସ ସଭାପତି କୁମାରୀ ସେଲଜାଙ୍କ ମଧ୍ୟରେ ବହୁତ କିଛି ଭଲ ଚାଲି ନଥିଲା। ସେ ତାଙ୍କୁ ହଟାଇବାକୁ ନିରନ୍ତର ଦାବି କରୁଥିଲେ କିନ୍ତୁ ସେଲଜା ଦଳିତ ସମ୍ପ୍ରଦାୟରୁ ଆସିଥିବାରୁ ହାଇକମାଣ୍ଡ ତାଙ୍କୁ ହଟାଇ ଏହି ଶ୍ରେଣୀର ଅସନ୍ତୋଷ ବଢ଼ାଇବାକୁ ଚାହୁଁନଥିଲେ।
କୁମାରୀ ସେଲଜାଙ୍କ ସ୍ଥାନରେ ଉଦୟଭାନ୍ ଙ୍କୁ ରାଜ୍ୟ ସଭାପତି କରାଯାଇଛି। ପଞ୍ଜାବ ଏବଂ ହିମାଚଳ ଫର୍ମୁଲାରେ ଚାରିଜଣ କାର୍ଯ୍ୟକାରୀ ସଭାପତି ମଧ୍ୟ ନିଯୁକ୍ତ ହୋଇଛନ୍ତି।
ପୂର୍ବତନ ସାଂସଦ ଶ୍ରୁତି ଚୌଧୁରୀ, ପୂର୍ବତନ ବିଧାୟକ ରାମ କିଶନ ଗୁର୍ଜର, ଜିତେନ୍ଦ୍ର ଭରଦ୍ୱାଜ ଏବଂ ସୁରେଶ ଗୁପ୍ତାଙ୍କ ନାମ ଏଥିରେ ଅନ୍ତର୍ଭୁକ୍ତ। ନାମ ଘୋଷଣା ପରେ ଉଦୟଭାନ୍ ମିଶନ୍ ୨୦୨୪ ଘୋଷଣା କରିଛନ୍ତି। ସେ କହିଛନ୍ତି ଯେ, ସଂଗଠନରେ ଯାହା କିଛି ତ୍ରୁଟି ଅଛି, ତାହା ଶୀଘ୍ର ପୂରଣ ହେବ। ହରିୟାଣାରେ କଂଗ୍ରେସ ସମସ୍ତଙ୍କୁ ସାଙ୍ଗରେ ନେଇଚାଲିବ।
କଂଗ୍ରେସ ରାଜ୍ୟ ସଭାପତି ଚୟନ କରିବା ପୂର୍ବରୁ ସମସ୍ତ ଜାତିର ଭୋଟ୍ ବ୍ୟାଙ୍କ ଉପରେ ଧ୍ୟାନ ଦେଇଛି। ଦଳର ଧ୍ୟାନ ହେଉଛି ଦଳିତ ଏବଂ ପଛୁଆବର୍ଗ ଭୋଟ୍ ବ୍ୟାଙ୍କ ନିକଟରେ ପହଞ୍ଚିବା। କଂଗ୍ରେସ ମଧ୍ୟ ଜାଟ ସମ୍ପ୍ରଦାୟକୁ ସାଙ୍ଗରେ ନେବାକୁ ଚାହୁଁଛି। ଏହା ସହିତ, ଆଭ୍ୟନ୍ତରୀଣ କଳହକୁ ସମାପ୍ତ କରିବା ମଧ୍ୟ ଏକ ବଡ଼ ଉଦ୍ଦେଶ୍ୟ। ଏହି କାରଣରୁ ହାଇକମାଣ୍ଡ ରାଜ୍ୟର ପାଞ୍ଚଟି ଭିନ୍ନ ଜାତିରୁ ଆସୁଥିବା ଲୋକଙ୍କୁ ଉପସଭାପତି ପୋଷ୍ଟ ଦେଇଛନ୍ତି। ଦଳିତ, ଜାଠ, ଗୁର୍ଜର, ବ୍ରାହ୍ମଣ ଏବଂ ଅଗ୍ରୱାଲ୍। ପୂର୍ବତନ ସାଂସଦ ଶ୍ରୁତି ଚୌଧୁରୀ ଜାଟ ହୋଇଥିବାବେଳେ, ରାମକୃଷ୍ଣ ଗୁର୍ଜର ପଛୁଆ ବର୍ଗର, ଜିତେନ୍ଦ୍ର ଭରଦ୍ୱାଜ ବ୍ରାହ୍ମଣ ଏବଂ ସୁରେଶ ଗୁପ୍ତା ଅଗ୍ରୱାଲ ସମାଜରୁ ଆସିଛନ୍ତି।
ସୂଚନାଯୋଗ୍ୟଯେ, ପଞ୍ଜାବରେ ଏବଂ ହିମାଚଳ ପ୍ରଦେଶରେ କଂଗ୍ରେସ ଦ୍ୱାରା ଚାରିଜଣ କାର୍ଯ୍ୟକାରୀ ସଭାପତି ସୂତ୍ରରେ କଂଗ୍ରେସର ସଂଗଠନ ପୁନଃ ଗଠନ ହୋଇଥିଲା। ତେବେ ପଞ୍ଜାବରେ ଏହା ସମ୍ପୂର୍ଣ୍ଣ ବିଫଳ ହୋଇଥିବା ଜଣାପଡିଥିବା ବେଳେ ନିର୍ବାଚନରେ ଦଳ ପରାଜୟର ସମ୍ମୁଖୀନ ହୋଇଛି। ବର୍ତ୍ତମାନ ଚଳିତ ବର୍ଷ ହିମାଞ୍ଚଳରେ ବିଧାନସଭା ନିର୍ବାଚନ ହେବାକୁ ଯାଉଛି ଏବଂ ବିଧାନସଭା ନିର୍ବାଚନ ପାଇଁ ହରିଆଣାରେ ଅଢ଼େଇ ବର୍ଷ ସମୟ ଅଛି। ଏଭଳି ପରିସ୍ଥିତିରେ ଦଳ ଅନୁଭବ କରୁଛିଯେ, ଜାତି ଉପରେ ଫୋକସ କରି ଉଭୟ ରାଜ୍ୟରେ ନିଜର ସ୍ଥିତି ବଦଳାଇପାରେ।
ପୁନଶ୍ଚ ସୂଚନାଯୋଗ୍ୟଯେ, କଂଗ୍ରେସ ବର୍ତ୍ତମାନ ଦଳଗତ ମତ ପାର୍ଥକ୍ୟ ସହ ଲଢ଼ୁଛି। ବର୍ତ୍ତମାନ ପାର୍ଟିରେ ପାଞ୍ଚଟି ସମୂହ, ଯେପରିକି ହୁଡ଼ା ସମୂହ, କୁଲଦୀପ ବିଷ୍ଣୋୟୀ, ରଣଦୀପ ସୁରଜେୱାଲା, କିରଣ ଚୌଧୁରୀ ଏବଂ ସେଲଜା ଭାବରେ ପାଞ୍ଚଟି ଗ୍ରୁପରେ ବିଭକ୍ତ ହୋଇଛି। ଦଳ ଆଶା କରୁଛି ଯେ ନିଆଯାଇଥିବା ଏହି ନିଷ୍ପତ୍ତି ଦଳଗଠନରେ ଗ୍ରୁପିଜିଂ ସମାପ୍ତ କରିବ।
ଏଠାରେ ସୂଚନାଯୋଗ୍ୟଯେ, କୁମାରୀ ସେଲଜା ୯ ଏପ୍ରିଲରେ ସୋନିଆ ଗାନ୍ଧୀଙ୍କ ନିକଟରେ କଂଗ୍ରେସ ରାଜ୍ୟ ସଭାପତି ପଦରୁ ଇସ୍ତଫା ଦେଇଛନ୍ତି।
