ନୂଆ ଦିଲ୍ଲୀ ୧୧-୧ (ଓଡ଼ିଆ ପୁଅ) ପାଖେଇ ଆସୁଛି ୫ଟି ରାଜ୍ୟରେ ବିଧାନସବା ନିର୍ବାଚନ। ଏହା ମଧ୍ୟରେ ମଧ୍ୟ ବିଜେପି ଶାସିତ ଉତ୍ତରପ୍ରଦେଶରେ ମଧ୍ୟ ହେବ ବିଧାନସଭା ନିର୍ବାଚନ। ବିଧାନସଭା ନିର୍ବାଚନ ଘୋଷଣା ସହିତ ଦଳଛାଡ଼ିବା ଅନ୍ୟ ଦଳରେ ଯୋଗଦେବା ପରି ପ୍ରକ୍ରୀୟା ମଧ୍ୟ ଆରମ୍ଭ ହୋଇଯାଇଛି। ତେବେ ଯୋଗୀ ସରକାରରେ ମନ୍ତ୍ରୀ ଥିବା ସ୍ୱାମୀ ପ୍ରସାଦ ମୌର୍ଯ୍ୟଙ୍କ ଇସ୍ତଫା ଦେବା ଏବଂ ସମାଜବାଦୀ ପାର୍ଟିରେ ଯୋଗଦେବା ରାଜ୍ୟରେ ବିଜେପିକୁ ଲାଗିଛି ବଡ଼ ଝଟକା। ତେବେ ଏକମାସ ମଧ୍ୟରେ ୧୧ ଜଣ ବିଜେପି ବିଧାୟକଙ୍କ ସମେତ ୧୭ ବଡ ନେତା ଦଳ ଛାଡିଛନ୍ତି।
ଯଦି ତାରିଖ ବିଷୟରେ ଚିନ୍ତା କରାଯାଏ ତେବେ ଗତ ମାସରେ ଡିସେମ୍ବର ୧୧ ରୁ ଆଜି, ଜାନୁୟାରୀ ୧୧ ମଧ୍ୟରେ, ଭାରତୀୟ ଜନତା ଦଳର ୧୭ ଜଣ ବଡ ନେତା ଦଳ ଛାଡି ସମାଜବାଦୀ ପାର୍ଟିର ସଦସ୍ୟତା ଗ୍ରହଣ କରିଛନ୍ତି। ଏଥିରେ ଯୋଗୀଙ୍କ କ୍ୟାବିନେଟ ମନ୍ତ୍ରୀଙ୍କ ସମେତ ୧୧ ଜଣ ବିଧାୟକ ଅଛନ୍ତି।
ଅପରପକ୍ଷରେ ବିଶେଷଜ୍ଞମାନଙ୍କ ମତରେ, ବିଜେପି ଏବଂ ବିଏସପି ଛାଡିଥିବା ଅଧିକାଂଶ ନେତା ସମାଜବାଦୀ ପାର୍ଟିରେ ଯୋଗ ଦେଇଛନ୍ତି। ଏହାର ମୁଖ୍ୟ କାରଣ ହେଉଛି ଏଥର ବିଜେପି ଏବଂ ଏସପି ମଧ୍ୟରେ ନିର୍ବାଚନ ଦୃଶ୍ୟମାନ ହେଉଛି। ଏଭଳି ପରିସ୍ଥିତିରେ ପ୍ରତ୍ୟେକ ନେତା ନିଜର ରାଜନୈତିକ ଫାଇଦା ଉଠାଇବା ପାଇଁ ଚେଷ୍ଟା କରୁଛନ୍ତି।
ତେବେ ଚଳିତ ନିର୍ବାଚନରେ ମୁସଲିମ୍ ଏବଂ ଯାଦବ ଫ୍ୟାକ୍ଟ ବ୍ୟତୀତ ସମାଜବାଦୀ ପାର୍ଟି ଏଥର ବିଜେପିର ରଣନୀତି ଆପଣାଇଛି। ୨୦୧୭ ନିର୍ବାଚନରେ ବିଜେପି କେଶବ ପ୍ରସାଦ ମୌର୍ଯ୍ୟଙ୍କ ମାଧ୍ୟମରେ ଅଣ-ଯାଦବ ଓବିସି ଭୋଟରଙ୍କୁ ବିଜେପି ପକ୍ଷକୁ ନେଇଥିଲା। ଯେଉଁ ଅଞ୍ଚଳରେ ବହୁଜନ ସମାଜ ପାର୍ଟିର ପ୍ରାର୍ଥୀ ଶକ୍ତିଶାଳୀ ନଥିଲେ, ଦଳିତ ଭୋଟରମାନେ ମଧ୍ୟ ବିଜେପିକୁ ସମର୍ଥନ କରିଥିଲେ। ସମାଜବାଦୀ ପାର୍ଟି ଏଥର ଏହିପରି ନୀତି ଆପଣାଇବାକୁ ଚେଷ୍ଟା କରୁଛି। ଯାଦବ ଭୋଟର ଏସପି ପାଇଁ ଦୃଢ଼ ଥିବା ବେଳେ ବର୍ତ୍ତମାନ ବ୍ରାହ୍ମଣ ଭୋଟରଙ୍କ ଉପରେ ଧ୍ୟାନ ଦେଉଛି ସପା। ଏସପି ଠାକୁର ଭୋଟରଙ୍କୁ ଛାଡି ଓବିସି ଏବଂ ବ୍ରାହ୍ମଣ ଭୋଟରଙ୍କ ଉପରେ ବିଶେଷ ଧ୍ୟାନ ମଧ୍ୟ ଦେଉଛି।
ଅପର ପକ୍ଷରେ ସ୍ୱାମୀ ପ୍ରସାଦ ମୌର୍ଯ୍ୟଙ୍କ ପରେ ଆଉ ୩ ବିଧାୟକ ଇସ୍ତଫା ଦେଇସାରିଲେଣି। ତେବେ ଏବେ ଡ୍ୟାମେଜ କଣ୍ଟ୍ରୋଲ କରିବାରେ ବ୍ୟସ୍ତ ଅଛି ବିଜେପି।
