ମୁମ୍ବାଇ ୨୧-୧୦ (ଓଡ଼ିଆ ପୁଅ) କ୍ରୁଜ୍ ଡ୍ରଗ୍ସ ମାମଲାରେ ମୁମ୍ବାଇର ଏକ କୋର୍ଟ ଶାହାରୁଖ ଖାନଙ୍କ ପୁଅ ଆର୍ୟନ ଖାନ୍ ଏବଂ ଅରବାଜ୍ ମର୍ଚାଣ୍ଟଙ୍କ ସମେତ ଆଠ ଜଣଙ୍କ ନ୍ୟାୟିକ ହେପାଜତକୁ ଅକ୍ଟୋବର ୩୦ ପର୍ଯ୍ୟନ୍ତ ବୃଦ୍ଧି କରିଛନ୍ତି। ଆର୍ୟନ ବର୍ତ୍ତମାନ ଆର୍ଥର ରୋଡ ଜେଲରେ ରହିଛନ୍ତି। ଅକ୍ଟୋବର ୮ ରେ ତାଙ୍କୁ ୧୪ ଦିନ ପାଇଁ ନ୍ୟାୟିକ ହେପାଜତକୁ ପଠାଯାଇଥିଲା। ଏହା ପରେ ନ୍ୟାୟିକ ହେପାଜତକୁ ବର୍ତ୍ତମାନ ୩୦ ଅକ୍ଟୋବର ପର୍ଯ୍ୟନ୍ତ ବୃଦ୍ଧି କରାଯାଇଛି।
ସୂଚନାଯୋଗ୍ୟଯେ, ଅକ୍ଟୋବର ୩ ରେ ଡ୍ରଗ୍ସ ବିରୋଧୀ ଏଜେନ୍ସି ଏନସିବି ଡ୍ରଗ୍ସ ସଂପର୍କରେ ଆର୍ୟନଙ୍କ ସମେତ ଅନେକ ଲୋକଙ୍କୁ ଗିରଫ କରିଥିଲା। ଏହା ପରେ ଆର୍ୟନ ନିମ୍ନ ଅଦାଲତରେ ଜାମିନ ଆବେଦନ କରିଥିଲେ। ବୁଧବାର କୋର୍ଟ ଜାମିନ ପ୍ରଦାନ କରିବାକୁ ମନା କରି ଦେଇଥିଲେ। ବର୍ତ୍ତମାନ ସେ ବମ୍ବେ ହାଇକୋର୍ଟରେ ଜାମିନ ଆବେଦନ କରିଛନ୍ତି। ଅକ୍ଟୋବର ୨୬ ରେ ତାଙ୍କ ଆବେଦନ ଶୁଣାଣି ହେବ। ଯଦି ସେ ହାଇକୋର୍ଟରୁ ଜାମିନ ପାଆନ୍ତି ତେବେ ଆର୍ଯ୍ୟଙ୍କୁ ଜେଲରୁ ମୁକ୍ତ କରାଯାଇପାରିବ।
