ଭଦ୍ରକ, ୨୧ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – କରୋନା ପରିସ୍ଥିତି ଓ ସୂର୍ଯ୍ୟପରାଗ ସତ୍ତ୍ୱେ ଆଦାନୀ ଫାଉଣ୍ଡେସେନ ପକ୍ଷରୁ ବନ୍ଦର ପାରିପାଶ୍ୱିର୍କ ଅଞ୍ଚଳରେ ଷଷ୍ଠ ଆନ୍ତର୍ଜାତିକ ଯୋଗ ଦିବସ ପାଳିତ ହୋଇଯାଇଛି। ଫାଉଣ୍ଡେସନ ସହକର୍ମୀ, ଆଞ୍ଚଳିକ ବିଦ୍ୟାଳୟ ତଥା ଫାଉଣ୍ଡେସନ ଦ୍ୱାରା ପରିଚାଳିତ ସୁପୋଷଣ କାର୍ଯ୍ୟକ୍ରମର ସଙ୍ଗିନୀମାନଙ୍କ ସହ ବନ୍ଦର ପାରିପାଶ୍ୱର୍ରେ ଥିବା ୪ ପଞ୍ଚାୟତର ୨୦ ଗ୍ରାମର ମହିଳା ଓ କିଶୋରୀମାନେ ଯୋଗ ଦିବସରେ ସାମିଲ ହୋଇଥିଲେ। ସାମାଜିକ ଦୂରତ୍ୱ ରଖି ବିଦ୍ୟାଳୟ ପ୍ରାଙ୍ଗଣ ଓ ମୋବାଇଲ ମାଧ୍ୟମରେ ଏହି ଦିବସ ପାଳନ କରାଯାଇଥିଲା। ଆଞ୍ଚଳିକ କରଣପାଲିସ୍ଥିତ କରଣପାଲି ଜିପି ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ଯୋଗ ଶିକ୍ଷକ ଧୀରେନ୍ଦ୍ର ଦାସଙ୍କ ତତ୍ତ୍ୱାବଧାନରେ ୪୫ ଛାତ୍ରଛାତ୍ରୀ, ଶିକ୍ଷକ, ଫାଉଣ୍ଡେସନ କର୍ମୀଙ୍କ ଉପସ୍ଥିତିରେ ଏହି ଯୋଗ ଦିବସ ପାଳିତ ହୋଇଛି। ଫାଉଣ୍ଡେସନ ଦ୍ୱାରା ସୁପୋଷଣ କାର୍ଯ୍ୟକ୍ରମର ୨୮ ଜଣ ସଙ୍ଗିନୀଙ୍କ ସହ ବିଭିନ୍ନ ଗ୍ରାମର ପ୍ରାୟ ୫୦ରୁ ଉର୍ଦ୍ଧ୍ୱ ଗର୍ଭବତୀ ମହିଳା ଓ କିଶୋରୀ ମୋବାଇଲ ମାଧ୍ୟମରେ ଯୋଗ କରିଥିଲେ।
