ଭଦ୍ରକ, ୫ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଗତ ସପ୍ତାହରେ ପୁଲିସ୍ ଏକ ଗାଡିରେ ଚୋରା ଚାଲାଣ ହେଉଥିବା ଗୋରୁଙ୍କୁ ଜବତ କରିଥିବାବେଳେ ଆଜି ପୁଣି ଏକ୍ କାରରେ ୯ଟି ଗୋରୁ ଚାଲାଣ ହେଉଥିବାବେଳେ ଧରିଛନ୍ତି। ଏଠାରେ ସୂଚନାଯୋଗ୍ୟ ଜିଲାରେ ଚୋରା କୋଇଲା ପରେ ଜିଲା ଆରକ୍ଷୀ ଅଧୀକ୍ଷକଙ୍କ ନିର୍ଦ୍ଦେଶ କ୍ରମେ ପୁଲିସ୍ ଗୋ ଚାଲାଣ ପ୍ରତି ତୀକ୍ଷ୍ଣ ଦୃଷ୍ଟି ରଖିଥିଲା। କୌଣସି ସୂତ୍ରରୁ ସହରାଂଚଳ ଥାନା ପୁଲିସ୍ ଏକ କାର୍ରେ ଗ୍ରାମାଂଚଳ ଥାନା ଅଧୀନସ୍ଥ କାଉପୁର ଅଂଚଳରୁ ଏହି ଗୋରୁ ଚାଲାଣ ହେଉଥିବାର ଖବର ପାଇଥିଲେ। ଫଳରେ ଭଦ୍ରକ ସହରାଂଚଳ ଥାନାଧିକାରୀ ଅଜୟ ସୁଦର୍ଶନ ବାଗେଙ୍କ ନେତୃଥ୍ୱରେ ଏକ ଟିମ୍ ଜଗି ରହିଥିଲା । ଏବଂ ଏହି କାର୍ଟିକୁ ଏକ ମ ମଶାଣି ନିକଟ ରେ ଅଟକାଇଥିଲେ। ଉକ୍ତ ଗାଡି ମଧ୍ୟରେ ୯ଟି ଗୋରୁ ଉଦ୍ଧାର ସହ ୨ ଜଣଙ୍କୁ ପୁଲିସ୍ ଗିରଫ କରିଥିବାର ଜଣାପଡିଛି।
