ବଲାଙ୍ଗୀର, ୦୮-୦୭ (ଓଡ଼ିଆ ପୁଅ/ସନ୍ତୋଷ ନାୟକ) ବଲାଙ୍ଗୀର ଜିଲ୍ଲା ଅଧିନସ୍ତ ମୁରିବାହଲ ଥାନା ଅନ୍ତର୍ଗତ ୫୯ ଜାତୀୟ ରାଜପଥ ରେ ଭୋଇପତା ଓ ଗୁରୁଣ୍ଡା ଗ୍ରାମ ମଝିରେ ଥିବା ଏକ ପୋଖରୀ ନିକଟ ବୁଲାଣିରେ ଆଜି ଅପରାହ୍ଣ ୨ ଟାରେ ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ପୋଲିସ ସୂତ୍ରରୁ ପ୍ରକାଶ ଯେ ଟିଟିଲାଗଡ ଥାନା ଉଦେପୁର ଗ୍ରାମର ଚକ୍ର ନାଗଙ୍କ ପୁଅ ମକରନ୍ଦ ନାଗ (୨୭) ଏକ ହିରୋ ଏଟ ଏଫ ଡିଲକ୍ସ ବାଇକ ନଂ ଓଡି -୦୮ଏଫ ୨୮୯୭ ରେ ଲାପୁର୍ ଗ୍ରାମ ରୁ ଫେରୁଥିବା ବେଳେ ଘଟଣା ସ୍ଥଳରେ ଏକ ଅଜଣା ଗାଡି ଧକ୍କା ଦେବାରୁ ତାଙ୍କର ଘଟଣା ସ୍ଥଳରେ ହିଁ ମୃତ୍ୟୁ ଘଟିଛି। ସେ ଅବିବାହିତ ଥିବା ବେଳେ ତାଙ୍କ ପାଇଁ ଝିଅ ଖୋଜା ଚାଲିଥିଲା ସେ ଘରର ଏକ ମାତ୍ର ରୋଜଗାରିଆ ପୁଅ ଥିଲେ। ସମାଜସେବୀ କଶ୍ୟପ ସରାଫ ମୁରିବାହାଲ ଥାନାକୁ ସୂଚନା ଦେବା ସହ ପରିବାର ଲୋକଙ୍କୁ ଖବର କରିଥିଲେ। ପୋଲିସ ପହଂଚି ମୃତ ଶରିର ଜବତ କରି ପରିବାର ଲୋକଙ୍କ ଉପସ୍ଥିତିରେ ପୋଷ୍ଟମୋର୍ଟମ ପାଇଁ ଟିଟିଲାଗଡ ଡାକ୍ତର ଖାନାକୁ ପଠାଇ କେସ ନଂ ୧୪୮୨୦ ଅନୁଯାୟୀ ଏକ ମାମଲା ରୁଜୁ କରି ଅଧିକ ତଦନ୍ତ ଚାଲୁଥିବା ମୁରିବାହାଲ ଏଏସଆଇ ପଦ୍ମନାଭ ରାଉତ ସୂଚନା ଦେଇଥିଲେ।
