Home Top News ହିଜାବ ବିବାଦ : କର୍ଣ୍ଣାଟକର ବିଶ୍ୱବିଦ୍ୟାଳୟ ଏବଂ କଲେଜଗୁଡ଼ିକରେ ଫେବୃଆରୀ ୧୬ ପର୍ଯ୍ୟନ୍ତ ଛୁଟି ବୃଦ୍ଧି

ହିଜାବ ବିବାଦ : କର୍ଣ୍ଣାଟକର ବିଶ୍ୱବିଦ୍ୟାଳୟ ଏବଂ କଲେଜଗୁଡ଼ିକରେ ଫେବୃଆରୀ ୧୬ ପର୍ଯ୍ୟନ୍ତ ଛୁଟି ବୃଦ୍ଧି

39

ନୂଆ ଦିଲ୍ଲୀ ୧୨-୨ (ଓଡ଼ିଆ ପୁଅ) ହିଜାବ ବିବାଦକୁ ନେଇ କର୍ଣ୍ଣାଟକ ସରକାର ଉଚ୍ଚଶିକ୍ଷା ବିଭାଗ ଏବଂ କଲେଜ ଏବଂ ବୈଷୟିକ ଶିକ୍ଷା ବିଭାଗ ଅଧୀନରେ ଥିବା ସମସ୍ତ ବିଶ୍ୱବିଦ୍ୟାଳୟର ଛୁଟିକୁ ଫେବୃଆରୀ ୧୬ ପର୍ଯ୍ୟନ୍ତ ବୃଦ୍ଧି କରିଛନ୍ତି। ଆଇନ ଶୃଙ୍ଖଳା ବଜାୟ ରଖିବାକୁ ସମସ୍ତଙ୍କୁ ଅନୁରୋଧ କରି ଉଚ୍ଚଶିକ୍ଷା ମନ୍ତ୍ରୀ ଡଃ ସିଏନ୍ ଅଶ୍ୱଥା ନାରାୟଣ ଏହି ଘୋଷଣା କରିଛନ୍ତି।

ସୂଚନାଯୋଗ୍ୟଯେ, ଗତ ମାସରେ କର୍ଣ୍ଣାଟକର ଉଡ଼ୁପି ଜିଲ୍ଲାର ସରକାରୀ ବାଳିକା ପିୟୁ କଲେଜର କିଛି ଛାତ୍ରୀଙ୍କୁ କ୍ଲାସରେ ଯୋଗଦେବାକୁ ବାରଣ କରାଯାଇଥିବା ଅଭିଯୋଗ ହେବା ପରେ ହିଜାବ ବିରୋଧରେ ଏହି ବିରୋଧ ଆରମ୍ଭ ହୋଇଥିଲା। ଏହି ପ୍ରତିବାଦ ସମୟରେ କିଛି ଛାତ୍ରୀ ହିଜାବ ପିନ୍ଧିଥିବାରୁ ସେମାନଙ୍କୁ ଶ୍ରେଣୀଗୃହରେ ପ୍ରବେଶ କରିବାକୁ ଅନୁମତି ଦିଆଯାଇ ନ ଥିବା ଦାବି କରିଥିଲେ। ଏହି ମାସ ଆରମ୍ଭରେ, କିଛି ଛାତ୍ରୀ ହିଜାବ ପିନ୍ଧି ଶ୍ରେଣୀଗୃହରେ ପ୍ରବେଶକୁ ବାରଣ କରାଯିବା ପରେ କର୍ଣ୍ଣାଟକରେ ହିଜାବ ବିରୋଧ ପ୍ରଦର୍ଶନ କରାଯାଇଥିଲା।

ଗୁରୁବାର ଦିନ କର୍ଣ୍ଣାଟକ ହାଇକୋର୍ଟ କଲେଜରେ ହିଜାବ ଉପରେ ନିଷେଧାଦେଶ ଜାରି କରିଥିବା ଆବେଦନ ଉପରେ ଶୁଣାଣି କରିବା ପରେ ଛାତ୍ରଛାତ୍ରୀଙ୍କୁ ଏହି ମାମଲାର ସମାଧାନ ନହେବା ପର୍ଯ୍ୟନ୍ତ “ଧାର୍ମିକ ପଦାର୍ଥ” ନ ପିନ୍ଧିବାକୁ କହିଛନ୍ତି। ଋତୁ ରାଜ ଆୱସ୍ତିଙ୍କ ନେତୃତ୍ୱରେ କର୍ଣ୍ଣାଟକ ହାଇକୋର୍ଟର ଖଣ୍ଡପୀଠ ସୋମବାର, ଫେବୃଆରୀ ୧୪ ରେ ଶୁଣାଣି କରିବେ।

ହାଇକୋର୍ଟର ମଧ୍ୟବର୍ତ୍ତୀକାଳୀନ ଆଦେଶ ବିରୋଧରେ ଆବେଦନ ଉପରେ ସୁପ୍ରିମକୋର୍ଟ ଜରୁରୀ ଶୁଣାଣି ମନା କଲେ

କର୍ଣ୍ଣାଟକ ହାଇକୋର୍ଟ ମଧ୍ୟବର୍ତ୍ତୀକାଳୀନ ଆଦେଶ ଦେବାପରେ ଏହା ବିରୋଧରେ ସୁପ୍ରିମକୋର୍ଟରେ ପହଁଞ୍ଚିଥିଲା ମାମଲା କିନ୍ତୁ ଏହି ଆବେଦନ ଉପରେ ସୁପ୍ରିମକୋର୍ଟ ଜରୁରୀକାଳୀନ ଶୁଣାଣି କରିବାକୁ ମନା କରିଛନ୍ତି। ଭାରତର ପ୍ରଧାନ ବିଚାରପତି ଏନଭି ରାମନାଙ୍କ ନେତୃତ୍ୱରେ ଏକ ତିନିଜଣିଆ ଖଣ୍ଡପୀଠ କହିଛନ୍ତି ଯେ ହାଇକୋର୍ଟ ଏହି ମାମଲାକୁ ଦେଖୁଛନ୍ତି କରିଛନ୍ତି ଏବଂ ଓକିଲମାନଙ୍କୁ ମଧ୍ୟ ଏହାକୁ ଜାତୀୟ ପ୍ରସଙ୍ଗ ନକରିବାକୁ ପରାମର୍ଶ ଦିଆଯାଇଛି। ପ୍ରଧାନବିଚାରପତି ରମଣା କହିଛନ୍ତି, ଆମକୁ ସାମ୍ବିଧାନିକ ଅଧିକାରର ସୁରକ୍ଷା କରିବାକୁ ପଡିବ। ଉପଯୁକ୍ତ ସମୟ ଦେଖି ଏହାର ଶୁଣାଣି ହେବ।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.