Home ଜିଲ୍ଲା ପରିକ୍ରମା ବାପ କରିଥିବା ଋଣକୁ ପରିଶୋଧ କରିବା ନେଇ ଦୁଇ ପୁତ୍ରଙ୍କ ପରିବାର ମଧ୍ୟରେ ଗଣ୍ଡଗୋଳ, ହଣାକଟା...

ବାପ କରିଥିବା ଋଣକୁ ପରିଶୋଧ କରିବା ନେଇ ଦୁଇ ପୁତ୍ରଙ୍କ ପରିବାର ମଧ୍ୟରେ ଗଣ୍ଡଗୋଳ, ହଣାକଟା ଲାଗି ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି, ପୁଲିସ୍‌ର ତଦନ୍ତ ଆରମ୍ଭ

36

ଭଦ୍ରକ, ୧୯ା୩ (ଓଡିଆ ପୁଅ / ସ୍ନିଗ୍ଧା ରାୟ) – ପିଲାମାନଙ୍କୁ ଦୁଇଓଳି ଭଲ ଖାଇବାକୁ ଦେବା ସହ ପିନ୍ଧିବାକୁ କନା ଓ ମଣିଷ ପରି ମଣିଷଟିଏ ଗଢି ତୋଳିବା ପାଇଁ ବାପା ବହୁ କଷ୍ଟ ସ୍ୱୀକାର କରେ । ଏହିଭଳି ଏକ ପିତା ନିଜ ଅଭାବବୋଧ ମଧ୍ୟରେ ପିଲାମାନଙ୍କୁ ମଣିଷ କରିବା ପାଇଁ କରିଥିବା ବ୍ୟାଙ୍କ ଋଣ ପରିଶୋଧ କରିବା ନିମନ୍ତେ ଦୁଇପୁତ୍ରଙ୍କ ପରିବାର ହଣାକଟା ଲାଗି ଭଦ୍ରକ ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେବା ଘଟଣା ଚର୍ଚ୍ଚାର ବିଷୟ ହୋଇଛି । ପିତା କରିଥିବା ଋଣକୁ କେଉଁ ପୁତ୍ର ସୁଝିବ, ସେଥିନେଇ ଘଟିଛି ଏଭଳି ଘଟଣା । ସୂଚନା ଅନୁସାରେ ଭଦ୍ରକ ଜିଲା ଧାମନଗର ଥାନା ପାହିମହୁରା ଗ୍ରାମର ଦିବାକର ଜେନା ଓ ରମାକାନ୍ତ ଜେନାଙ୍କ ପରିବାର ମଧ୍ୟରେ ବାପାଙ୍କ ବ୍ୟାଙ୍କ ଋଣ ଟଙ୍କା ପରିଶୋଧ କରିବା ନେଇ ବିଭିନ୍ନ ସମୟରେ ପାଟିତୁଣ୍ଡ ହୁଏ । କିନ୍ତୁ ଗତକାଲି ଏହା ଉଗ୍ରରୂପ ନେଇଥିଲା । ଅଭିଯୋଗ ଅନୁଯାୟୀ ରମାକାନ୍ତ ଜେନା ଓ ତାଙ୍କ ପୁଅମାନେ ହଠାତ୍ ଏହି ବ୍ୟାଙ୍କ ଟଙ୍କା ପରିଶୋଧ ଜନିତ ବଚସାକୁ ନେଇ ହିଂସ୍ର ହୋଇପଡିଥିଲେ । ଫଳରେ ଦିବାକରଙ୍କ ଘରେ ପଶି ତାଙ୍କ ପରିବାର ଉପରେ ଭୁଜାଲିରେ ଆକ୍ରମଣ କଲେ । ଯେଉଁଥିରେ ଦିବାକର ତାଙ୍କ ପତ୍ନୀ ଓ ପୁଅଝିଅ ଗୁରୁତର ଆହତ ହୋଇଥିଲେ । ତେବେ ଗ୍ରାମବାସୀମାନେ ତାଙ୍କୁ ତୁରନ୍ତ ଭଦ୍ରକ ଜିଲା ମୁଖ୍ୟ ଚିକିତ୍ସାଳୟକୁ ଆଣି ଭର୍ତ୍ତି କରିଥିଲେ । ସେମାନଙ୍କ ମୁଣ୍ଡ, ହାତ ଓ ପିଠିରେ ଗଭୀର ଆଘାତ ଲାଗିଥିବାବେଳେ ବିଳମ୍ବରେ ହେଲେ ବି ଧାମନଗର ପୁଲିସ୍ ଘଟଣାସ୍ଥଳରେ ପହଞ୍ôଚ ତଦନ୍ତ ଆରମ୍ଭ କରିଛି ।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.