ଭୁବନେଶ୍ୱର ୨୦-୫ (ଓଡ଼ିଆ ପୁଅ) : ସମ୍ଭାବ୍ୟ ବାତ୍ୟା “ୟଶ” (Yaas)ର ମୁକୀବିଲା ପାଇଁ ଉଚ୍ଚସ୍ରରୀୟ ପ୍ରସ୍ତୁତି ବୈଠକ କରିଛନ୍ତି ସ୍ୱତନ୍ତ୍ର ରିଲିଫ କମିଶନର। ବୈଠକରେ ପ୍ରସ୍ତୁତ ରହିବା ପାଇଁ ବିଭିନ୍ନ ବିଭାଗକୁ ପରାମର୍ଶ ଦିଆଯାଇଛି। ପୂର୍ବପରି ମଧ୍ୟ ଓଡ଼ିଶା ଜିରୋ କାଜୁଆଲିଟିକୁ ପ୍ରାଥମିକତା ଦେବ।
ଏହି ବୈଠକରେ ଉପକୂଳବର୍ତ୍ତୀ ୧୦ ଜିଲ୍ଲାର ଜିଲ୍ଲାପାଳ, ଏସପି, ଅଗ୍ନିଶମ ବାହିନୀ ଅଧିକାରୀ, ଏଡିଏମ ଓ ଜରୁରିକାଳୀନ ଅଧିକାରୀମାନେ ଭାଗ ନେଇଥିଲେ। ଆଶ୍ରୟ ସ୍ଥଳୀ, କର୍ମଚାରୀ ନିୟୋଜନ, ଭିତ୍ତିଭୂମି, ଉଦ୍ଧାର କାର୍ଯ୍ୟକୁ ନେଇ ସମସ୍ତଙ୍କୁ ପ୍ରସ୍ତୁତି ଶେଷ କରିବା ପାଇଁ କୁହାଯାଇଥିଲା।
ତେବେ ଗତ ବର୍ଷ ପରି ମଧ୍ୟ ଚଳିତ ବର୍ଷ ମଧ୍ୟ ବାତ୍ୟା ମୁକାବିଲା କୋଭିଡ୍ ଗାଇଡଲାଇନ୍ ଅନୁଯାୟୀ କରାଯିବ ବୋଲି ଏସଆରସି କହିଛନ୍ତି।
ସୂଚନାଯୋଗ୍ୟଯେ, ଦକ୍ଷୀଣ ପଶ୍ଚିମ ଭାରତରେ ଏବଂ ବିଶେଷ କରି ଗୁଜରାଟରେ “ତାଉତେ” ବାତ୍ୟା ତାଣ୍ଡବ ରଚିବା ପରେ ଏବେ ଆଉ ଏକ ବାତ୍ୟା ବଙ୍ଗୋପ ସାଗରରେ ଦାନା ବାନ୍ଧିବାକୁ ବସିଲାଣି। ଏ ନେଇ ଭାରତୀୟ ପାଣିପାଗ କେନ୍ଦ୍ର ସୂଚନା ଦେଇଛି। ତେବେ ଏହା ୨୬ ମଇ ସନ୍ଧ୍ୟାରେ ପଶ୍ଚିମବଙ୍ଗ – ଓଡିଶା ଉପକୂଳରେ ମାଡ଼ ହୋଇପାରେ ବୋଲି କହିଛି ଭାରତୀୟ ପାଣିପାଗ ବିଭାଗ। ଏହି ବାତ୍ୟା କେତେ ତୀବ୍ର ହେବ ତାହା ଆସନ୍ତା ସମୟ କହିବ। ଏ ନେଇ କୌଣସି ସୂଚନା ଦେଇନାହିଁ ପାଣିପାଗ ବିଭାଗ।
ବଙ୍ଗୋପସାଗରରେ ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ଗତକାଲି ମଧ୍ୟ ରାଜ୍ୟ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନାଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ବସିଥିଲା। ଏହି ସମୀକ୍ଷା ବୈଠକରେ ରାଜ୍ୟର ସମସ୍ତ ଜିଲ୍ଲାପାଳ ଏନଡିଆରଏଫ, ଓଡ୍ରାଫ୍, ଓଡିଶା ପୋଲିସ, ଓଡିଶା ଅଗ୍ନିଶମ ବିଭାଗ ଉପସ୍ଥିତ ଥିଲେ। ରାଜ୍ୟର ସମସ୍ତ ଜିଲ୍ଲାପାଳ ଏଏସପିମାନଙ୍କୁ ସମ୍ଭାବ୍ୟ ବାତ୍ୟାକୁ ନେଇ ପ୍ରସ୍ତୁତ ରହିବାକୁ କୁହାଯାଇଛି।
ସ୍ୱତନ୍ତ୍ର ରିଲିଫ କମିଶନର କହିଛନ୍ତି ଯେ, ସେ ଭାରତୀୟ ପାଣିପାଗ ବିଭାଗର ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ରଙ୍କ ସହ ନିଜେ ବ୍ୟକ୍ତିଗତ ଭାବରେ ଏ ନେଇ ଆଲୋଚନା କରିଥିଲେ। ତେବେ, ଭାରତୀୟ ପାଣିପାଗ ବିଭାଗ ଅନୁଯାୟୀ, ଏ ପର୍ଯ୍ୟନ୍ତ ବାତ୍ୟାର କୌଣସି ସଠିକ ଆକଳନ କରାଯାଇ ନାହିଁ। କିନ୍ତୁ, ଆସନ୍ତ ୨୨ ତାରିଖରେ ଆଣ୍ଡାମାନ ନିକଟରେ ଏହ ଲଘୁଚାପ ଅଞ୍ଚଳ ସୃଷ୍ଟି ହେବାର ସମ୍ଭାବନା ଅଛି। ଯଦି ହୁଏ ତେବେ ଏହାର ଚୁଡାନ୍ତ ରୁପରେଖ ୭୨ ଘଣ୍ଟା ପରେ ସମ୍ଭାବ୍ୟ ବାତ୍ୟା ବିଷୟରେ ଜଣା ପଡିବ ବୋଲି କୁହାଯାଇଛି।
ଭାରତୀୟ ପାଣିପାଗ କେନ୍ଦ୍ର ସୂଚନା ଅନୁଯାୟୀ, ସମ୍ଭବତଃ ଉତ୍ତର ଆଣ୍ଡାମାନ ସାଗର ଉପରେ ଏକ ନିମ୍ନ ଚାପ ଅଞ୍ଚଳ ଗଠନ ହେବ ଏବଂ ବଙ୍ଗୋପସାଗରର ପୂର୍ବ କେନ୍ଦ୍ରୀୟ ଅଞ୍ଚଳରେ ୨୨ ମଇରେ ଏହା ଘୂର୍ଣ୍ଣିବଳୟରେ ପରିଣତ ହେବ।
ଦକ୍ଷିଣ ଆଣ୍ଡାମାନ ସାଗର ଏବଂ ଦକ୍ଷିଣ-ପୂର୍ବ ବଙ୍ଗୋପସାଗରରେ ଅବସ୍ଥିତ ଦକ୍ଷିଣ-ପଶ୍ଚିମ ମୌସୁମୀ ବାୟୁ ମେ ୨୧ ରେ ଆଗକୁ ବଢ଼ିବାର ସମ୍ଭାବନା ରହିଛି, ଏହି ଅଞ୍ଚଳରେ ଦକ୍ଷିଣ ପଶ୍ଚିମ ପବନର ଦୃଢ଼ତା ଏବଂ ଗଭୀରତା ସହିତ ମିଳିତ ହୋଇ ଅନ୍ୟାନ୍ୟ ବାୟୁମଣ୍ଡଳୀୟ ଏବଂ ମହାସାଗରୀୟ ପରିସ୍ଥିତି ଯେପରିକି ସମୁଦ୍ର ପୃଷ୍ଠର ତାପମାତ୍ରା ମଧ୍ୟ ଆଣ୍ଡାମାନ ସାଗର ଏବଂ ପୂର୍ବ କେନ୍ଦ୍ରୀୟ ଏବଂ ଦକ୍ଷିଣ ପୂର୍ବ ବଙ୍ଗୋପସାଗରର ଆଖପାଖ ଅଞ୍ଚଳରେ ମେଘୁଆ ରହିବା ପାଇଁ ଅନୁକୂଳ ହେବ। ତେଣୁ ଉତ୍ତର ଆଣ୍ଡାମାନ ସାଗର ଏବଂ ବଙ୍ଗୋପସାଗରର ପୂର୍ବ କେନ୍ଦ୍ରୀୟ ଉପସାଗରରେ ୨୨ ମଇରେ ଏକ ନିମ୍ନ ଚାପ ଅଞ୍ଚଳ ସୃଷ୍ଟି ହେବାର ସମ୍ଭାବନା ଅଧିକ। ଏହାର ପରବର୍ତ୍ତୀ ୭୨ ଘଣ୍ଟା ମଧ୍ୟରେ ଏହା ଏକ ସାମୁଦ୍ରୀକ ଝଡ଼ରେ ପରିଣତ ହେବର ହେବାର ସମ୍ଭାବନା ରହିଛି। ଏହା ଉତ୍ତର-ପଶ୍ଚିମ ଦିଗକୁ ଅଗ୍ରସର ହୋଇ ପଶ୍ଚିମବଙ୍ଗ – ଓଡିଶା ଉପକୂଳରେ ୨୬ ମଇ ସନ୍ଧ୍ୟାରେ ପହଞ୍ଚିବାର ସମ୍ଭାବନା ରହିଛି।
ବର୍ଷା ଚେତାବନୀ :
୨୨ ଏବଂ ୨୩ ମଇରେ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜର ଅଧିକାଂଶ ସ୍ଥାନରେ ହାଲୁକା ଏବଂ ମଧ୍ୟମ ବୃଷ୍ଟିପାତ ହେବ ଏହା ଛଡ଼ା କେତେକ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି।
ଓଡ଼ିଶା – ପଶ୍ଚିମବଙ୍ଗ ଏବଂ ଆସାମ ଏବଂ ମେଘାଳୟର ଅଧିକାଂଶ ସ୍ଥାନରେ ହାଲୁକା ରୁ ମଧ୍ୟମ ବୃଷ୍ଟିପାତ ହେବ ଏବଂ କେତେକ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ତେବେ ୨୫ ତାରିଖ ସନ୍ଧ୍ୟା ଠାରୁ ପ୍ରବଳ ବର୍ଷା ହେବାର ସମ୍ଭାବନା ରହିଛି ବୋଲି କହିଛି ଭାରତୀୟ ପାଣିପାଗ କେନ୍ଦ୍ର।
ପବନ ଚେତାବନୀ :
ଦକ୍ଷିଣ-ପଶ୍ଚିମ ମୌସୁମୀର ବାୟୁର ସମ୍ଭାବ୍ୟ ଅଗ୍ରଗତି ସହିତ ମିଳିତ ଭାବରେ ୨୧ ମଇ ଠାରୁ ଦକ୍ଷିଣ-ପୂର୍ବ ବଙ୍ଗୋପସାଗର ଏବଂ ଦକ୍ଷିଣ ଆଣ୍ଡାମାନ ସାଗରରେ ୪୦-୫୦ କିଲୋମିଟର ବେଗରେ ପବନର ବହିବ। ୨୩ ମଇରେ ଆଣ୍ଡାମାନ ସାଗର ଏବଂ ବଙ୍ଗୋପସାଗରର ପୂର୍ବ ସେଣ୍ଟ୍ରାଲ୍ ଉପକୂଳରେ ୪୫-୫୫ କିଲୋମିଟର ବେଗରେ ପବନ ବହିବ ଏହା ୬୫ କିଲୋମିଟର ବେଗକୁ ବୃଦ୍ଧି ପାଇପାରେ। ୨୪ ରୁ ୨୬ ମେ ମଧ୍ୟରେ ବଙ୍ଗୋପ ସାଗରର କେନ୍ଦ୍ରୀୟ ଉପକୂଳର ମୁଖ୍ୟ ଅଂଶ ତଥା ଉତ୍ତର ବଙ୍ଗୋପସାଗରରେ ଅଧିକ ଜୋରରେ ପବନ ବହିବ। ଓଡିଶା – ପଶ୍ଚିମ ବଙ୍ଗ ଏବଂ ବାଙ୍ଗ୍ଲାଦେଶ ଉପକୂଳରେ୨୫ ରୁ ୨୭ ମଇ ମଧ୍ୟରେ ପ୍ରବଳ ବେଗରେ ପବନ ବହିବାର ସମ୍ଭାବନା ରହିଛି।
ସମୁଦ୍ର ରହିବ ଅଶାନ୍ତ :
ଦକ୍ଷିଣ ପୂର୍ବ ବଙ୍ଗୋପସାଗର ଏବଂ ଦକ୍ଷିଣ ଆଣ୍ଡାମାନ ଉପରେ ସମୁଦ୍ରର ଅବସ୍ଥା ଅତ୍ୟନ୍ତ ଅଶାନ୍ତ ରହିବ।
୨୧ ମଇ ଠାରୁ ୨୩ ମଇ ମଧ୍ୟରେ ଆଣ୍ଡାମାନ ସାଗର ଏବଂ ବଙ୍ଗୋପସାଗରର ଇଷ୍ଟସେଣ୍ଟ୍ରାଲ୍ ଉପକୂଳରେ ସମୁଦ୍ରର ଅବସ୍ଥା ଅତି ଅଶାନ୍ତ ହେବ, ୨୪ ରୁ ୨୬ ମଇ ମଧ୍ୟରେ ବଙ୍ଗୋପସାଗରର ପ୍ରମୁଖ ଅଂଶ ଉପରେ ଏବଂ ଉତ୍ତର ବଙ୍ଗୋପସାଗରରେ ସମୁଦ୍ରର ଅବସ୍ଥା ଅଶାନ୍ତ ରହିବ। ୨୫ ରୁ ୨୭ ମଇ ମଧ୍ୟରେ ଓଡ଼ିଶା-ପଶ୍ଚିମବଙ୍ଗ ଏବଂ ବଙ୍ଗଳାଦେଶ ଉପକୂଳ ଅଶାନ୍ତ ରହିବ।
ମତ୍ସ୍ୟଜୀବୀମାନଙ୍କୁ ଚେତାବନୀ
ମତ୍ସ୍ୟଜୀବୀମାନଙ୍କୁ ୨୧ ମଇରୁ ଦକ୍ଷିଣ ପୂର୍ବ ବଙ୍ଗୋପସାଗର ଏବଂ ଦକ୍ଷିଣ ଆଣ୍ଡାମାନକୁ ନ ଯିବାକୁ ପରାମର୍ଶ ଦିଆଯାଇଛି।
୨୩ ରୁ ୨୫ ମଇ ପର୍ଯ୍ୟନ୍ତ ମଧ୍ୟ ବଙ୍ଗୋପସାଗରରେ ଏବଂ ୨୫ ରୁ ୨୭ ମେ ପର୍ଯ୍ୟନ୍ତ ଉତ୍ତର ବଙ୍ଗୋପସାଗରରେ ପଶ୍ଚିମବଙ୍ଗ – ଓଡିଶା – ବାଂଲାଦେଶ ଉପକୂଳକୁ ନଯିବାକୁ ପରାମର୍ଶ ଦିଆଯାଇଛି।
ଯେଉଁମାନେ ସାଗରରେ ଅଛନ୍ତି ସେମାନଙ୍କୁ ୨୩ ମଇ ସୁଦ୍ଧା ଉପକୂଳକୁ ଫେରିବାକୁ ପରାମର୍ଶ ଦିଆଯାଇଛି।